Jenexi 18:25 - Ritonõpo Omiry: A Bíblia Sagrada na língua Aparai do Brasil

²⁵ Ahno kurã onetapasaromepyra mase pohnõ maro, iirypyryme pyra toto ahtao. Morara onyripyra exiko. Omoro rokẽ zae sero nono põkõ apiakaneme mase. Zae rokẽ ahno apiakãko mase.

Jenexi 18:25 ပူးပေါင်းရင်းမြစ်များ

Jenexi 18:24

Otarame 50me ahno kurã nae moro pata po ahtao, morara ahtao pata enahkapõko mah? Pata onypynanohpyra hma mokaro kurãkõ 50mãkõ moroto ahtao?

1 Koronika 16:33

Wewe tomo itu tõ kohtãko mã kehko tõseahmaryme, Ritonõpo Kuesẽkõ ẽpataka, oehnõko ropa mana emero Esẽme ehtohme.

2 Koronika 19:7

Ritonõpo Imehxo Exikety enetupuhtoko. Mame tomeseke ehtoko ahno nyrityã apiakary poko. Ynara se pyra Ritonõpo mana: zae pyra ehtoh poko exiketomo te, asakoro omoxinety kuhtopo te, asakoro zumo ehtoh kuhtoh ke roropa imehnõ apiakaryhtao.

Neemia 9:33

Zae mase ipunaka yna wãnopyry poko; zae ro mexiase, iirypyryme toehse yna ahtao ro.

Jo 34:10

“Seromaroro, tuaro exiketomo, jomiry etatoko. Azahkuru ehtoh rĩko Ritonõpo nae? Ritonõpo Jamihmehxo Exikety zae pyra ehtoh onyripyra mana.

Jo 34:12

Ritonõpo Jamihmehxo Exikety popyra ehtoh onyripyra mana. Zae ehtoh poko rokẽ mana imehnomo a emero porehme.

Jo 8:20

“Zuaro sytatose, zae ehtoh poko exiketõ onurumekara Ritonõpo mana. Popyra exiketõ anakorehmara roropa mana.

Jo 8:3

Ritonõpo zae ehtoh onytyorõmara mana. Ritonõpo Jamihmehxo Exikety popyra ehtoh onyripyra mana.

Saumu 50:6

Kapuaõkõ emero zae Ritonõpo ehtoh ekarõko mã toto, ynororo apiakaneme exĩko mana.

Saumu 58:11

Imehnõ ynara ãko: “Ajohpe pyra, zae ehtoh poko exiketõ kurã ke topehmase mã toto. Ritonõpo nae rahkene sero nono põkõ apiakane.”

Saumu 7:12

Tyyrypyrykõ rumekary se pyra toto ahtao, tytapemã aehtõko Ritonõpo mana. Tytakỹ toaryhtose eya pyrou tõ ekomatohme.

Saumu 75:3

Sero nono põkõ emero tykytyky karyhtao ro, nono roropa tykytyky karyhtao, apõ tõ kurãkãko ase tũpore aehtohme.

Saumu 94:2

Ahno apiakaneme mase emero porehme; owõko, epyrypaketõ epehmako toto nyrihpyry emetakame.

Saumu 98:9

Ynara exiryke, oehnõko mana tõmiry omipona sero nono põkõ ritohme! Ahno tõ emero esẽme exĩko mana sero nono po, zae ehtoh ke toto rohmanohpõko mana, zae rokẽ ehtohme sero nono po.

Ekereziaxti 3:17

Osenetupuhnõko ase ukurohtao: “Zae ehtoh poko exiketõ apiakãko Ritonõpo mana, popyra exiketõ roropa. Ynara exiryke, emero ehtoh, emero ahno nyriry roropa exĩko mana, zae morohne ehtoh toehse ahtao.”

Ekereziaxti 7:15

Isene jehtoh toiparo rokẽ toehse mana. Yrome emero rokẽ enease isene ro jahtao. Zae ehtoh poko exiketõ toorihse zae toto ahtao ro, popyra exiketõ isene ro mã toto popyra ehtoh poko toto ahtao ro.

Jeremia 11:20

Mame ynara tõturuse ywy Ritonõpo a: — Ritonõpo Jamihmehxo Exikety, zae yna apiakaneme mase. Yna osenetupuhtoh enẽko mase yna penetatoh roropa. Zae ehtoh tyriko, mokaro zuãnohko, tõsekarose jexiryke oya.

Jeremia 12:1

— Ritonõpo Jesemy, kure jehtoh poko osezukuruhtao ya, zae rokẽ oehtoh enepõko mase ya. Yrome oya ekaropory se ase zae ehtoh poko: Oty katohme popyra exiketõ tytineruke exĩko nae? Oty katoh ajohpe exiketõ orẽpyra toh nae tynyrirykõ poko?

Ezekieu 18:25

— Yrome ynara ãko matose: “Ritonõpo nyriry zae pyra mana,” ãko matose. Etatoko ke Izyraeu tomo! Ynyriry zae pyra ekarõko matou? Onyrityãkõ zae pyra mana.

Marakia 3:18

Morarame enẽko ropa ypoetory tõ mana: Kure ehtoh poko exiketõ tyoro sã exĩko mana, popyra ehtoh poko exiketõ sã pyra. Jomiry omipona exiketõ tyoro sã exĩko mã toto, jomiry omipona pyra exiketõ sã pyra.

Numeru 16:22

Yrome tosekumuru po typorohse Moeze tomo Arão maro tõmytykõ po nono pokoxi, ynara tykase toto: — Ritonõpo isene ehtoh ekaroneme mase ahno a emero. Toiro rokẽ ahno iirypyryme ehtoh pokoino opoetory tõ emero zehno exĩko mah?

2 Korĩtiu 5:10

Imeĩpo kymarokõ emero Kyrixtu ẽpataka osenepõko sytatose. Kuapiakatorỹko mana kuepehmatohkõme kynyrihpyrykõ epehpyryme. Kure rokẽ kynyrihpyrykõ ahtao sero nono po kurã ke kuepehmatorỹko mana. Yrome popyra kuahtao xine sero nono po, kynyrihpyrykõ epehpyryme rokẽ kuepehmatorỹko mana.

Teuteronomiu 1:16

Morarame moro poko jahtao ynara tykase ywy akorehmane tomo a: “Atae pyra ahno ahtao, zae rokẽ toto apiakatoko, asakoro Izyraeume exiketõ ahtao te, toiro Izyraeume exikety maro imepỹ nono poe exiketyme ahtao tõsesarise amaro xine.

Teuteronomiu 1:17

Ajohpe pyra ehtoko, zae rokẽ imehnõ tyritoko. Oxisã toto tyriko tuisame pyra exiketõ ahtao, tuisame exiketõ maro. Imehnõ zuno pyra ehtoko, Ritonõpo ãkorehmatorỹko mana zae tyripotohme. Mame tupime exiketõ toehse ahtao, zae ehtoh waro pyra awahtao, moro enehko ya apiakatohme.”

Teuteronomiu 32:4

Oewomanekõme Ritonõpo mana; kure kuhse inyrihpyry mana, zae rokẽ rahkene. Anamonohpyra mana, azahkuru pyra roropa mana ipunaka.

Epereu 12:23

Ritonõpo poenõ osemazuhme aenurutyã maro oximõnõko matose, tãkye exiketõ maro. Mokaro esety mã tymerose moero kapu ao. Ritonõpo maro toehse matose, kuapiakanekõ maro. Imaro tuhke inukurãkatyã zuzenu mana. Kure kuhse tyrise toto eya.

Juize 11:27

Naeroro azahkuru ehtoh onyripyra exiase oya xine. Zae pyra matose õsetaparykõ se awahtao xine yna maro. Ritonõpo zae apiakaneme mana. Zae exiketõ enepõko mana seroae: Izyraeu tomo, amonita tomo, enara.