Jenexi 18:2 - Ritonõpo Omiry: A Bíblia Sagrada na língua Aparai do Brasil

² Mame tõsenuhmase ynororo. Oseruao orutua kõ tonese eya xikihme osema tao. Toto eneryhtao tururume toytose ynororo toto ẽpatakãmase. Tosekumuru po typorohse ynororo, tõmyty po nono pona toto ẽpataka.

Jenexi 18:2 ပူးပေါင်းရင်းမြစ်များ

Jenexi 17:3

Mame tosekumuru po typorohse Aparã Ritonõpo ẽpataka, tõmyty roropa tyrise nono pokoxi. Mame ynara tykase Ritonõpo eya:

Jenexi 18:16

Morarame toytose toto orutua komo Sotoma osenetoh pona. Toto maro toytose Aparão toto esemary ae toto aropotohme.

Jenexi 18:22

Mame asakoro mokaro toytose Sotoma pata esemary ae. Yrome Ritonõpo maro ro Aparão kynexine.

Jenexi 18:3

Ynara tykase ynororo: — Moehtou? Ajohpãme sã ehmaropa ytapyĩ taka oseremase pitiko.

Jenexi 19:1

Morarame kohmãnõko kynexine, mokaro Ritonõpo nenyohtyã asakoro toeporehkase ahtao Sotoma pona. Typorohse Ro kynexine pata omõtoh pũto. Mame mokaro Ritonõpo nenyohtyã tonese tyya ahtao towõse ynororo toto omikase. Tosekumuru po typorohse ynororo toto ẽpataka.

Jenexi 23:12

Yrome toepuise ropa Aparão heteu tõ ẽpataka.

Jenexi 23:7

Mame towõse Aparão. Toepuise ynororo heteu tõ ẽpataka. Ynara tykase ynororo:

Jenexi 24:63

Ytoytõko osenetupuhnõko kynexine, kohmãsasaka ahtao, ona po. Mame kameru tõ oepyry tonese eya.

Jenexi 32:24

Yrome ynororo rokẽ tõxinomose toiroro. Mame orutua tooehse eya. Tãtatapoise imaro ẽmepyry pona.

Jenexi 42:6

Kowenatume Joze exiryke Ejitu po, tonahsã ekamoneme kynexine ynororo imeimehnomo a, tooehse toto ahtao imehnõ nonory poe. Toeporehkase Joze rui tõ ahtao tosekumurukõ po typorohse toto Joze ẽpataka, tõmytykõ nono pokoxi tyrise roropa eya xine.

Jenexi 43:26

Mame tooehse Joze ahtao tytapyĩ taka tynekarorykõ tokarose eya. Tosekumurukõ po typorohse toto Joze ẽpataka nono pokoxi tõmytykõ tyrise roropa.

Jenexi 43:28

— Ỹ, opoetory, yna zumy, papa isene ro mana. Kure ro mana.

Jenexi 44:14

Toeporehkase Juta tõ ahtao Joze tapyĩ taka, moroto ro kynexine ynororo. Tosekumuru po typorohse toto Joze ẽpataka, tõmytykõ tyrise eya xine nono pokoxi.

Jenexi 48:12

Mame tumũkuru tõ tapoise Joze a tumy enaino. Morotoino tosekumuru po typorohse ynororo tõmyty tyrise nono pokoxi.

2 Tuisa 2:15

Mame mokaro urutõ kõ 50mãkõ Jeriko põkõ moro eneryke tyya xine ynara tykase: — Eria jamitunuru Eriseu maro mana! tykase toto. Toytose toto tõseporytohkõme imaro. Tosekumuru po typorohse toto Eriseu ẽpataka, “Imehxo mase,” katohme,

Romanos 12:13

Ritonõpo poetory etuarimaryhtao axĩ ke akorehmatoko toto õkyryrykõ zokonaka ekarotoko roropa eya xine. Osa ekarotoko katonõ nyhtohme atapyĩkõ tao.

Epereu 13:2

Kure rokẽ katonõ tyritoko atapyĩkõ tao toto ahtao. Wenikehpyra ehtoko, toitoine imehnomo a Ritonõpo nenyohtyã toahmase tytapyĩkõ taka, tuaro pyra tahtao xine.

Jozue 5:13

Jeriko pũto Jozue kynexine. Mõtoino rokẽ orutua tonese eya xikihme tõpataka, tapema ke tomahpõke. Eya toytose Jozue, tõturupose eya, ynara tykase: — Yna maro mahno? yna epetõkara maro?

1 Peturu 4:9

Kure rokẽ atapyĩkõ taka ytoketõ tyritoko. Oxikerekeremara ehtoko roropa.

Juize 13:3

Ritonõpo nenyokyhpyry tõsenepose nohpo a, ynara tykase ynororo eya: — Emũkuasaromepyra mexiase, poetoẽme exisaromepyra. Yrome seromaroro poetoẽme exĩko mase, enurũko mã orutuame.

Ruti 2:10

Tosekumuru po typorohse Ruti tõmyty nono pokoxi, ynara tykase ynororo: — Oty katohme ypyno mahno, kure rokẽ mase ya katonõme rokẽ jahtao? tykase.