Jenexi 18:12 - Ritonõpo Omiry: A Bíblia Sagrada na língua Aparai do Brasil

¹² Naeroro toto omiry etaryhtao tyya toexianase tukurohtao, tounohse toto eya: — Nary! Emũkuapỹme toehse ase ipunaka. Ypoko pyra roropa ynio toehse mana tamuhpõme toexiryke, tykase.

Jenexi 18:12 ပူးပေါင်းရင်းမြစ်များ

Jenexi 17:17

Tosekumuru po typorohse Aparão tõmyty po nono pokoxi roropa eya Ritonõpo ẽpataka. Toexianapitose ynororo moro poko tõsenetuputyry ke: — Orutua emũkuasaromepyra 100me jeimamyry nae ahtao. Sara roropa emũkuasaromepyra mana 90me jeimamyry nae ahtao?

Jenexi 18:13

Mame ynara tykase Ritonõpo Aparão a: — Oty katohme jomiry eunohnõko opyty nahe? “Emũkuapỹme ase ipunaka, kunumuxime,” ãko oty katohme?

2 Tuisa 4:16

— Taroino toiro jeimamyry taropose ahtao, omũkuru aroarõko mase, tykase Eriseu nohpo a. — To! Ajohpãme sã jenekunohpyra exiko! Urutõme mase Ritonõpo poetoryme! tykase ynororo.

Saumu 126:2

Exianãko sexiatose, eremiãko roropa tãkye kuexirykõke. Mame ynara tykase imehnõ nonory põkõ kypoko xine: “Kure rokẽ mokaro tyrise Ritonõpo a.”

Saumu 45:11

Oryxime potu mase, morara exiryke opyno exĩko tuisa mana; kure rokẽ aomiry omipona exiko oniome exiryke.

Epezu 5:33

Yrome opoko xine roropa ynara enetupuhnõko ase. Typye exiketyme awahtao xine opyxiãkõ pyno ehtoko osepyno oehtohkõ saaro. Morararo ehtoko nohpo tomo, kure oniokõ tyritoko roropa.

1 Peturu 3:6

Sara kynexine morararo. Tynio Aparão omipona kynexine. “Jesẽme mase,” tykase ynororo eya. Naeroro kure ehtoh poko awahtao xine, Sara sã exĩko matose imehnõ zuno pyra roropa awahtao xine.

Juize 19:26

Mame tõmehse ahtao tooehse ynororo, toepukase tapyi pota taka, moroto inio tapyi tao. Tehme rokẽ nohpo kynexine toepukatopõpyry po ẽmepyry pona.