Jenexi 17:9 - Ritonõpo Omiry: A Bíblia Sagrada na língua Aparai do Brasil

⁹ Ynara tykase ropa Ritonõpo eya: — Omoro Aparão ỹme exĩko mase Jomihpyry omipona, omoro, apakomotyã roropa, ỹme exĩko matose jũme.

Jenexi 17:9 ပူးပေါင်းရင်းမြစ်များ

Jenexi 17:23

Mame moro ae ro Ritonõpo nyripohpyry tyrise Aparão a. Tumũkuru, Iximaeu aipotapihpyry tysahkase eya, orutua kõ emero tytapyĩ taõkõ maro.

Jenexi 18:19

Mose tymenekase ya jomiry omipona typoenõ ripotohme, typakomotyã roropa jomipona ripotohme, zae toto ehtohme. Morara toto ahtao, zae rokẽ ehtoh riryhtao eya xine, jomihpyry ae ro kure rokẽ mose rĩko ase.”

Saumu 103:18

tynetapohpyry poko ỹme exiketomo a, inyripohpyry omipona anamonohpyra exiketomo a.

Saumu 25:10

Tõmihpyry anamonohpyra mana, kypyno xine toexiryke aomihpyry onurumekara exiketõ amorepãko mana, Ritonõpo omiry omipona se exiketomo.

Exutu 19:5

Seromaroro jomiry omipona awahtao xine, ynyripohpyry riryhtao oya xine, ypoetoryme exĩko matose. Sero nono emero ykyryryme mana. Yrome amarokõ ypoetoryme exĩko matose, tymenekase ya oexirykõke.