Jenexi 17:1 - Ritonõpo Omiry: A Bíblia Sagrada na língua Aparai do Brasil

¹ Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jenexi 17:1 ပူးပေါင်းရင်းမြစ်များ

Jenexi 12:1

Morarame ynara tykase Ritonõpo Aparã a: — Ononory irumekako, oekyry tõ roropa, omy tapyĩ roropa. Imepỹ pona ytokose. Moro enepõko ase oya.

Jenexi 12:7

Moroto tõsenepose Ritonõpo Aparã a. Ynara tykase ynororo eya: — Sero nono ekarõko ase apakomotyamo a. Moroto apoto apõ tyrise Aparã a, Ritonõpo eahmatohme, moroto tõsenepose eya exiryke.

Jenexi 16:16

86me jeimamyry Aparã nae kynexine, tonuruse Iximaeu ahtao.

Jenexi 18:1

Morarame tõsenepose Ritonõpo Aparão a wewe kurã zopino, pata Mãre po. Moroto xixi jetũ ahtao Aparão typorohse tytapyĩ pota tao.

Jenexi 18:14

Oty tupime nae Ritonõpo a? Arypyra, emero tupime pyra ya. Naeroro morara ykano: “Taroino jeimamyry taropose ahtao oehnõko ropa ase. Mame morara ahtao Sara emũkuãko mana.”

Jenexi 24:40

Ynara tykase ynororo ya: “Ritonõpo omipona exikehpyra ase. Tynenyokyhpyry aropõko mana amaro oesemary enepotohme oya. Wekyry tõ rãnao, papa ekyry tõ maro nohpo oryximã menekãko mase umũkuru pytyme.

Jenexi 26:2

Moroto Ritonõpo tõsenepose Izake a. Ynara tykase ynororo eya: — Ejitu pona ytopyra exiko. Taro rokẽ exiko, oesary enepõko ase oya.

Jenexi 28:3

Ritonõpo, Jamihmehxo Exikety a, kure rokẽ oripõko ase opoenõ tuhke ehtohme, apakomotyã roropa, tuhke toto ehtohme.

Jenexi 35:11

Ynara tykase roropa Ritonõpo eya: — Ywy ase Ritonõpo Jamihmehxo Exikety. Emũkuako tuhke, typakõke tuhke oehtohme. Ahno imoihme, apakõ emãnõko mã toto, tuhke exiketõme exĩko mã toto, toitoine tuisa tõme exĩko mã toto.

Jenexi 43:14

Ritonõpo Jamihme Exikety amaro xine mana, ãkorehmatorỹko mokyro opyno xine ehtohme, oruikõ enehpotohme ropa Pẽjamĩ maro tapyi taka ropa. Otara ãko ywy? Ypoenõ tonahse ahtao? Toto onewomasaromepyra ase.

Jenexi 46:3

Ynara tykase Ritonõpo: — Ywy ase Ritonõpo, omy Esemy. Enaromyra exiko oytory poko Ejitu pona. Moroto opoenõ emãkapõko ase tuhkehxo toto ehtohme.

Jenexi 48:15

Morarame kure rokẽ Joze tyripose eya Ritonõpo a. Ynara tykase ynororo: “Ritonõpo, tam Aparão Esemy, papa Izake Esẽ roropa, kure rokẽ moxiã aimo tõ tyriko. Jesemary eneponeme mase, Ritonõpo, moe poetome jehtopõpyry poe tarona tamuhpõme jehtoh pona ro.

Jenexi 48:3

Ynara tykase ynororo Joze a: — Ritonõpo Jamihmehxo Exikety a, tõsenepose ya pata Ruze po, Kanaã nonory po. Kure rokẽ tyripose ywy eya moroto.

Jenexi 5:22

Morotoino 300me jeimamyry taropose eya Ritonõpo omipona yronymyryme, toemũkuase ropa ynororo orutua komo, nohpo tomo, enara.

Jenexi 5:24

Ritonõpo maro osepeme exikehpyra kynexine, imaro oturũko kynexine. Mame osenepyra toehse ynororo, tarose Ritonõpo a exiryke.

Jenexi 6:9

Sero nase Noe ehtopõpyry poko. Toemũkuase ynororo oseruao: Sem te, Kam te, Jape, enara. Zae exiketyme Noe kynexine, Ritonõpo omipona. Sero nono põkõ rãnao, Noe rokẽ Ritonõpo maro oturuketyme kynexine.

1 Tuisa 2:4

Ritonõpo Kuesẽkõ omipona awahtao, tõmihpyry omipona exĩko roropa Ritonõpo mana. Ynara tykase ynororo ya: “Omũkuru apakõ roropa Izyraeu tõ esẽme exĩko mã toto, tomeseke toto ahtao, ynyripohpyry riryhtao eya xine yronymyryme, zae ehtoh poko rokẽ toto ahtao tukurohtao xine.”

1 Tuisa 3:6

Mame tozuhse sã eya: — Papa Tawi pyno mexiase zae ehtoh se aexiryke, ajohpe pyra aexiryke roropa oneneryme. Mame imũkuru tyrise oya tuisame imyakãme seroae ro.

1 Tuisa 8:25

Seromaroro Ritonõpo, Izyraeu tõ Esemy, ajohpãme sã õmihpyry akorõ roropa tyriko. Ynara mekarone papa netaryme: “Jũme omũkuru, apakõ roropa toiro, tuisame exikehpyra exĩko mana Izyraeu tõ esẽme, tomeseke õmiry omipona exikehpyra toto ahtao, Tawi saaro.”

2 Tuisa 20:3

— Ritonõpo, yna Esemy, wenikehpyra exiko opoetoryme jehtoh poko. Õmihpyry omipona ase yronymyryme. Onyripohpyry ya tymoise ya ipunaka kokoro rokene. Mame tyxitase tãtasamaryke yronymyryme.

Jo 1:1

Uze nonory po orutua kynexine, esety Jo. Zae exikety kynexine ynororo, ajohpe pyra exiketyme ipunaka. Ritonõpo eahmaneme kynexine ynororo. Tomeseke nexiase zae pyra ehtoh poko pyra ehtohme.

Jo 11:7

“Imehxo Ritonõpo ehtoh tonẽse mana. Moro enery se mahno? Emero Ritonõpo Jamihmehxo Exikety ehtoh poko zuaro ehsaromepyra mase.

Saumu 115:3

Ynara ezuhnõko ynanase: “Ritonõpo kapu ao mana; tyriry se toehtoh rĩko mana.

Saumu 116:9

Morara exiryke ytoytõko ase Ritonõpo neneryme, isene exiketõ rãnao.

Saumu 25:14

Ritonõpo Kuesẽkõ, osepeme mana Tosẽkõme enetupuhnanõ maro. Toto amorepãko mana tõmihpyry poko, tynyripohpyry poko eya xine.

Exutu 6:3

Osenepoase Aparão a te, Izake a te, Jako a roropa Ritonõpo Jamihmehxo Exiketyme. Yrome jesety kurã Oesẽkõme onekaropyra exine eya xine.

Porowepio 10:9

Ajohpe pyra exiketõ towomase mã toto, torẽtyke pyra mã toto, yrome ajohpe exiketõ tapoisẽme exĩko mã toto.

Izaja 38:3

— Ritonõpo, wenikehpyra exiko opoetoryme jehtoh poko, omihpyry omipona exiase yronymyryme, onyripohpyry ya tymoise ya ipunaka kokoro rokene. Mame tyxitase tãtasamaryke.

Jeremia 32:17

— Ritonõpo Jesemy, ajamitunuru ke kapu tyrise oya nono roropa. Emero tupime pyra mana oya.

Tanieu 4:35

Ritonõpo a kurãkõ nymyryme pyra sytatose; ipoetoryme sytatose nono põkomo te, inenyohtyã kapuaõkõ roropa. Tyriry se ynororo ahtao anakorekehkasaromepyra sytatose. ‘Morohne poko pyra exiko,’ kasaromepyra sytatose eya.”

Mikeja 6:8

Arypyra, zae ehtoh poko tokarose Ritonõpo a kyya xine. Ynara se mã ynororo kyya xine: zae ehtoh riry poko te, imehnõ pyno kuehtohkomo yronymyryme te, tomeseke sã Kuesẽkõ jamitunuru ke aomipona kuehtohkõme.

Numeru 11:23

Moeze tozuhse Ritonõpo a. Ynara tykase: — Yjamitunuru ipune pyra toehse nahe? Seromaroro ynyriry enẽko mase jomihpyry ae ro, “Naary!” kara oehtohme.

Numeru 24:16

kure rokẽ Ritonõpo omiry etaryhtao, tuaro ehtoh apoitohme Imehxo Exikety wino. Jesekumuru po typorohse ywy, jenuru tõ onetõ sã Ritonõpo a tonepose ya, Jamihmehxo Exikety.

Mateu 19:26

Tonese toto Jezu a. Mame ynara tykase ropa ynororo eya xine: — Ãmoreme xine omõpyra matose Ritonõpo esaka. Yrome Ritonõpo typoetoryme orirykõ waro mana, emero tyriry waro Ritonõpo exiryke, tykase Jezu eya xine.

Mateu 5:48

— Omykõ kapuaõ kure nymyry mana. Imehnõ pyno mana. Morara exiryke, ipoenõme oexirykõke, isã ehtoko, imehnõ pyno ehtoko, tykase Jezu typoetory tomo a.

Ruka 1:6

Mokaro oximaro kure rokẽ toh kynexine Ritonõpo a. Ritonõpo omipona toh kynexine ipunaka, inymeropohpyry omipona roropa toh kynexine.

Atos 23:1

Morarame Pauru a mokaro tỹme tonese aporo tõturutohto xine eya. Ynara tykase ynororo eya xine: — Wekyry tomo, ajohpe pyra ase. Kokoro rokẽ Ritonõpo omipona ase, tykase ynororo eya xine.

Atos 24:16

Ritonõpo jenẽko mana. Ahno roropa jenẽko. Kokoro rokẽ erohnõko ase iirypyryme pyra jehtohme, tykase ynororo.

Epezu 3:20

Mame tyjamitunuru ke kynekaropohpyrykõ motye tyriry waro Ritonõpo mana. Kynenetuputyhpyrykõ motye tyriry waro roropa mana, kukurohtaka xine.

Teuteronomiu 10:17

Emero tuisa tõ Esẽme Ritonõpo mana, Kuesẽkomo, kowenu tõ Esẽme, ritõ tõ Esẽme. Imehxo mana, Jamihmehxo Exiketyme, zuno ehtoh kamexiponeme roropa mana. Tõmipona imehnõ ripõko mana. Oxisã imehnõ ripõko mana. Zae rokẽ mana. Imehnõ nekarory anapoipyra mana zae pyra ehtoh tyritohme.

Teuteronomiu 18:13

Zae ehtoh poko rokẽ ehtoko Ritonõpo neneryme anamonohpyra oehtohkõme aomiry omipona.

Teuteronomiu 30:20

Ritonõpo Kuesẽkõ pyno ehtoko, inyripohpyry omipona ehtoko, oximaro ehtoko Ritonõpo maro. Moro sã awahtao xine isene exikehpyra exĩko matose, tuhke jeimamyry aropõko matose moro nono po, moro nono ekarory poko tõmiry totapose Ritonõpo a kytamurukomo a: Aparão a, Izake a, Jako a, enara.

Piripo 4:13

Kokoro rokẽ tyjamitunuru ekarõko Kyrixtu ya. Naeroro emero rokẽ jetuarimaryhtao poremãpyra ase, yjamihtanopyryke Kyrixtu a, tyjamitunuru ke.

Epereu 12:28

Naeroro, “Kure mase,” sykatone Ritonõpo a. Tuisame kyritorỹko mana tymaro jũme. Inekarohpyry kyya xine enahpỹme mana. Naeroro Ritonõpo poko sehtone. “Kure mase,” sykatone eya. Aomipona sehtone, zuno sehtone roropa.

Epereu 7:25

Jumãme toexiryke iirypyrymãkõ pynanopyry waro mana. Toto oepyryhtao tyya, Jezu enetuputyryke eya xine toto pynanohnõko Ritonõpo mana. Orihpỹme Jezu exiryke oturukehpyra mana Tumy maro, kure toto riry poko.