Jenexi 16:12 - Ritonõpo Omiry: A Bíblia Sagrada na língua Aparai do Brasil

¹² Mokyro omũkuru, jumẽtu tosẽke pyra exikety sã exĩko mana; etonãko mana imehnõ maro emero porehme, imehnõ mã emero etonãko roropa imaro. Morararo esary moe exĩko mana, ameke exĩko mana tyekyry tomo a.

Jenexi 16:12 ပူးပေါင်းရင်းမြစ်များ

Jenexi 21:20

Towomase Iximaeu Ritonõpo a, tuãtase ynororo ona Parã po. Emese kure toehse ynororo. Morararo tykarimotary waro toehse pyrou ke.

Jenexi 25:18

Iximaeu pakomotyã moroto kynexine Hawira wino Sua pona, Ejitu poe xixi tũtatoh wino, Axiria esemary ehpio. Atameke toto esary kynexine imehnõ Aparão pakomotyã maro.

Jenexi 27:40

Atatapoĩko mase imehnõ maro osewomatohme, isene oehtohme. Ãkorõ poetoryme exĩko mase. Morararo typenekehse awahtao ãkorõ namotome oehtoh rumekãko mase.

Jenexi 37:25

Mame typorohse toto tõtuhtohkõme. Tõtukurukohtao tõsenuhmase toto. Iximaeu tõ tonese eya xine ytoketomo. Kireate poe toehse toto, Ejitu pona ytõko toh kynexine. Mõkomo arõko kameru tõ kynexine, ixtaratu te, kanera tõkehko.

Jo 11:12

Jumẽta ona pono emũkuasaromepyra mana ikuremahpyryme exikety. Moro saaro putupyra exiketõ tuaro ehsaromepyra mã toto.

Jo 24:5

“Tytineruke pyra exiketõ, jumẽtu tõ tosẽke pyra exiketõ sã, ytoytõko mã toto ona poro tonahsẽ zupiry poko typoenõ napyryme.