Jenexi 16:11 - Ritonõpo Omiry: A Bíblia Sagrada na língua Aparai do Brasil

¹¹ Poetoẽme mase. Emũkuãko mase omũkurume. Mokyro esehpãko mase Iximaeume, oxitary, oetuarimary, totase Ritonõpo a exiryke.

Jenexi 16:11 ပူးပေါင်းရင်းမြစ်များ

Jenexi 17:19

Yrome Ritonõpo a tozuhse ynororo, ynara tykase: — Arypyra, opyty Sara emũkuãko mana. Mokyro esehpãko mase Izakeme. Jomihpyry, ynekarohpyry oya ekarõko ase roropa eya ipakomotyamo a roropa, jũme.

Jenexi 21:17

Mame poeto xitary totase Ritonõpo a. Kapu ae tõturuse Akara a Ritonõpo nenyokyhpyry, ynara tykase ynororo: — Oty poko torẽtyke mahno? Enaromyra exiko, poeto xitary totase Ritonõpo a.

Jenexi 37:25

Mame typorohse toto tõtuhtohkõme. Tõtukurukohtao tõsenuhmase toto. Iximaeu tõ tonese eya xine ytoketomo. Kireate poe toehse toto, Ejitu pona ytõko toh kynexine. Mõkomo arõko kameru tõ kynexine, ixtaratu te, kanera tõkehko.

Jo 38:41

Onoky torõ tõ nahpãko nae ipoenõ xitaryhtao ynetaryme, toto ytoytoryhtao roropa tonahsẽ zupiry poko?

Saumu 22:24

Tymõkomokãkara onurumekara mana, wenikehpyra roropa mana toto etuarimatopõpyry poko. Otonẽpyra ynororo toto wino, yrome ezuhnõko mana tykohmase ahtao eya xine.”

Exutu 3:7

Mame ynara tykase Ritonõpo: — Ypoetory tõ tuarimapory tonese ya Ejitu põkomo a. Toto omiry totase roropa ya typynanohnekõ ekaropory, toto rohmanohponanõ pokoino. Zuaro ase toto etuarimary poko.

Exutu 3:9

Ypoetory tõ xitary totase ya rahkene, typynanopyrykõ ekaropotopõpyry ya. Toto ryhmary Ejitu tomo a tonese roropa ya.

Izaja 7:14

Naeroro typoero Ritonõpo enetupuhpotoh ekarõko oya xine mana: oryximã, orutua maro exipitopỹ, poetoẽme exĩko mana, emũkuãko mana orutuame, mame esehpãko mana Emanueume (Ritonõpo kymaro xine mana.)

Ruka 1:13

Yrome ynara tykase Ritonõpo nenyokyhpyry eya: — Enaromyra exiko, Zakaria. Õturutopõpyry totase Ritonõpo a mana, poeto poko. Morara exiryke opyty poetoẽme exĩko mana. Enurũko mana, orutuame. Morara exiryke Joãome esehpako.

Ruka 1:31

Poetoẽme exĩko mase. Emũkuãko mase orutuame. Jezume ke mesehpatase.

Ruka 1:63

Mame pape tapoise tyya ahtao ynara tymerose jumy a: — Joãome mose esety, tykase ynororo. — To! tykase toto, tõsenuruhkase toto.

1 Samueu 1:20

Poetoẽme toehse ynororo. Mame enurutoh po toehse ahtao tonuruse orutuame. Tumũkuru tosehpase eya Samueume, ynara karyke: — Mose umũkuru ekaropoase Kuesẽkõ Ritonõpo a.