Jenexi 15:2 - Ritonõpo Omiry: A Bíblia Sagrada na língua Aparai do Brasil

² Aparã a tozuhse, ynara tykase: — Ritonõpo, Jesemy! Otyme kure onekarory kurã ya, tumũkue pyra ase. Erieze rokẽ ynamoto Tamaxiku pono, mokyro rokẽ mã ymõkomohpyry esẽme exĩko toorihse jahtao.

Jenexi 15:2 ပူးပေါင်းရင်းမြစ်များ

Jenexi 14:15

Moroto typoetory tõ tapiakase Aparã a asakoro oximõmãkõ ehtohme. Koko tõsetapase toto topetõkara maro, typoremãkase toto Aparã a. Mame tokahmase roropa eya toto ryhmaryme Hopa pona, Tamaxiku poe inikahpozakoxi.

Jenexi 15:1

Moromeĩpo tõsenepose Ritonõpo Aparã a, ynara tykase ynororo eya: — Aparã, enaromyra exiko. Oewomãko ase oryhmara oepetõkara ehtohme, kurã ke rokẽ oepehmãko ase.

Jenexi 15:3

Umũkuru onekaropyra ro mase ya. Naeroro ypoetory rokẽ, ytapyĩ tao aenuruhpyry ymyakãme exĩko ymõkomory esẽme.

Jenexi 24:10

Morarame Aparão poetory a tosẽ eky kameru tõ tapoise, 10me, mõkomo maro, tynekaroryme. Mame toytose ynororo Naoa patahpyry pona, Mesopotamia pona.

Jenexi 24:2

Mame typoetory tykohmase tyya. Mokyro imõkomory eraseme kynexine emero porehme. Ynara tykase Aparão eya: — Oemary tyriko waxiry zopikoxi, Ritonõpo netaryme õmiry etapoko ya:

Jenexi 25:21

Mame emũkuasaromepyra Repeka kynexine, naeroro tõturuse Izake Ritonõpo a typyty poko. Aomiry totase Ritonõpo a, mame poetoẽme toehse ynororo.

Jenexi 39:9

Sero itapyĩ tao tuisame ase isaaro. Taro emero ise jahtao apoĩko ase. Omoro rokẽ poko pyra ase, ipytyme oexiryke. Naeroro opoko ehsaromepyra ase. Opoko jahtao zae pyra jexiry, iirypyryme jexiry roropa Ritonõpo a.

Jenexi 43:19

Naeroro toeporehkase tahtao xine tapyi omõtoh taka ynara tykase toto tapyi erase a:

Jenexi 44:1

Mame ynara tykase Joze tytapyĩ erase a: — Mokaro saku aka tonahsã tyriko. Itinerũkõ tyriko roropa toto saku aka emero.

Saumu 127:3

Omũkurukõ Kuesẽkõ nekaroryme mã toto; inekarory kurãme mã oya xine toto.

Porowepio 13:12

Ise oehtoh eraximary okynahxo ahtao kure pyra exĩko okurohtao mana, yrome ise oehtoh toehse ahtao atãkyemãko mase isene exiketyme sã okurohtao.

Porowepio 17:2

Ahno namoto tuaro exiketyme ahtao, tosẽ mũkuru tuisaryme exĩko mana, tumy tyhxirose ahtao eya; imõkomohpyry zokonaka apoĩko roropa mana imũkuru maro.

Izaja 17:1

Ynara ãko Ritonõpo mana: “Pata Tamaxiku patãpome exĩko mana, ypy tõ typahsẽme rokẽ exĩko mana.

Izaja 56:5

Moro riryhtao emukahpyry a, tumũkue ehtoh motye kurehxo ehtoh ekarõko ase eya. Esety merõko ase Ytapyĩ Kurã tao, jũme ypoetory tõ maro aehtohme; jũme esety poko wenikehpyra imehnõ ehtohme.”

Jeremia 49:23

Ynara tykase Ritonõpo Kuesẽkõ pata Tamaxiku poko: — Pata Hamate põkõ, pata Arapate põkõ roropa torẽtyke mã toto, enaromỹke mã toto, popyra ehtoh oepyry poko turuse toto exiryke. Enaromỹke toto ehtoh pohkane konõto sã tuna konõto kuao oehnõko mana toto pona, toto nerymatoh samo. Oseremara mã toto.

Atos 7:5

Ritonõpo onesaripopyra Aparão a repe. Yrome ynara tykase ynororo eya: “Sero imeĩpo ekarõko ase oya oesaryme, oesahpyo apakõ esaryme roropa toorihse awahtao,” tykase Ritonõpo Aparão a tumũkue pyra ro ahtao.

Ruti 2:6

— Mokyro Moape pono. Moape poe aepyhpyry Noemi maro, tykase eya.

1 Samueu 1:11

Ynara tykase ynororo: — Ritonõpo Imehxo Exikety, jotururu etako. Poeto pitiko ekaroryhtao ya umũkurume, ekarõko ropa ase oya jũme amaro aerohtohme toorikyry ponãmero. Morararo zũsety onysahkara mana opoetoryme aexiry waro emero ehtohme, tykase Ana.