Jenexi 14:6 - Ritonõpo Omiry: A Bíblia Sagrada na língua Aparai do Brasil

⁶ horeu tõ, Seia ypy tõ po, enara. Mokaro tokahmase eya xine, totapase toto osema ae Eu-Parã pona, ona ehpio pona, ahno esaka pyra.

Jenexi 14:6 ပူးပေါင်းရင်းမြစ်များ

Jenexi 16:7

Yrome Ritonõpo nenyokyhpyry tõsenepose eya, ona po, tuna eutary pũto osema tao Sua po,

Jenexi 21:21

Mame jeny a nohpo tymenekase, Ejitu pono, ipytyme.

Jenexi 32:3

Mame tõmiry aronanõ tonyohse Jako a Seia pona (moroto esety akorõ Etõme kynexine) oseporyse Ezau maro,

Jenexi 36:8

Morara exiryke toytose Ezau osesarise ypy tõ pona, Seia nonory po, esety akorõ Etõ.

1 Tuisa 11:18

Mame toesyryhmase toto Mitiã poe, toytose toto Parã pona. Moroto imehnõ tõximõse toto maro. Morotoino toytose toto Ejitu pona oturuse tuisa a. Mame Ejitu tuisary a nono tokarose Hatate a, tapyi roropa, tonahsẽ roropa.

Apakuke 3:3

Ikurenae Etõ nonory poe Ritonõpo toehse, ypy Parã poe toehse Ritonõpo Kurano. Kapu typehkase mana saereme aehtoh ke, eahmãko sero nono põkõ mã toto, emero porehme.

Numeru 10:12

Moro ae Izyraeu tõ toytopitose ona Xinai poe. Mame moro akurũ totypohse ona Parã po.

Numeru 12:16

Moromeĩpo toytose toto Hazerote poe ona Parã pona osesarise.

Numeru 13:3

Ona Parã poe mokaro tonyohse Moeze a nono enetohme Ritonõpo Tosẽkõ nyripohpyry ae ro. Tuisame toh nexiase Izyraeu tõ oxiekyrymãkõ tuisaryme

Teuteronomiu 2:12

Apitoryme horeu tõ Etõ po toh nexiase, yrome mokaro taropose moro poe Ezau pakomotyamo a. Mokaro enahkaxĩpo toto esary tapoise eya xine tosarykõme. Ezau nyrihpyry sã tyrise roropa Izyraeu tomo a imeĩpo, Ritonõpo nekarory tapoise ahtao eya xine.)

Teuteronomiu 2:22

Moro sã tyrise Ritonõpo a osa ekaroryhtao etomita tomo a, Ezau pakomotyamo: horeu tõ tonahkase eya, etomita tõ esaryme ehtohme. Moroto mã toto, seroae ro.