Jenexi 12:2 - Ritonõpo Omiry: A Bíblia Sagrada na língua Aparai do Brasil

² Apakomotyã mã tuhke emãnõko mana. Kure rokẽ orĩko ase, tuhkãkõ awaro exĩko mã toto, kure rokẽ imehnõ rĩko roropa mase.

Jenexi 12:2 ပူးပေါင်းရင်းမြစ်များ

Jenexi 13:16

Apakomotyã rĩko ase tuhke, ekuhpỹme, isawã samo sero nono po. Isawã onukuhsaromepyra. Moro sã apakomotyã tuhke exiry onukuhsaromepyra exĩko mã toto.

Jenexi 15:5

Mame itapyĩ tae Aparã tarose Ritonõpo a jarãnaka, ynara tykase eya: — Kapu eneko xirikuato ikuhko tuhke exiry waro oehtohme. Moro sã apakomotyã tuhke emãnõko mana, ekuhpỹme exĩko mã toto.

Jenexi 17:20

Õmiry roropa Iximaeu poko etano; kure rokẽ mokyro rĩko ase roropa, tuhke tumũkue exĩko mana, tuhke typakõke roropa. 12me tuisamãkõ zũme exĩko mã ynororo, mame ipakomotyã ahno imoihme exĩko mã toto.

Jenexi 18:18

Ipakomotyã mã imoihme exĩko mã toto, ahno imehxo exĩko mã toto. Mose pokoino kure rokẽ imehnõ ahno rĩko ase, emero.

Jenexi 18:19

Mose tymenekase ya jomiry omipona typoenõ ripotohme, typakomotyã roropa jomipona ripotohme, zae toto ehtohme. Morara toto ahtao, zae rokẽ ehtoh riryhtao eya xine, jomihpyry ae ro kure rokẽ mose rĩko ase.”

Jenexi 19:29

Moro sã pata tõ tonahkase Ritonõpo a jakanahmã po. Mame tõsenetupuhse roropa ynororo Aparão poko. Naeroro Ro takorehmase eya epatohme, orihpyra aehtohme ipatary tonahkase ahtao.

Jenexi 24:1

Morarame tamuhpõme Aparão kynexine. Kure rokẽ tyrise ynororo Ritonõpo a, takorehmase eya inyriry poko emero.

Jenexi 24:35

Kure rokẽ jesẽ tyrise Ritonõpo a. Itamurume tymõkomoke toehse ynororo Ritonõpo nekarotyã eya kaneru tõ tuhke te, poti tõ roropa te, pui tomo te, parata te, uuru maro te, ipoetory tomo, orutua komo te, nohpo tomo te, kameru tomo te, jumẽtu tomo, enara.

Jenexi 25:11

Moromeĩpo toorihse Aparão ahtao, kure rokẽ imũkuru Izake tyrise Ritonõpo a. Moroto esary kynexine, Isene Exikety Jeneneme Pẽkamã po.

Jenexi 26:3

Tehme rokẽ exiko sero nono po, amaro exikehpyra exĩko ase, kure rokẽ orĩko ase. Apakomotyamo a sero nono ekarõko ase porehme, jomihpyry ae ro omy, Aparão a.

Jenexi 26:4

Tuhke apakõ rĩko ase ikuhpỹme, xirikuato ikuhpỹme ehtoh samo kapu poko, mame eya xine sero nono ekarõko ase porehme. Apakõ ke kure rokẽ emero sero nono põkõ rĩko ase kure.

Jenexi 27:29

Ahno tõ tuisaryme oripory se ase imehxo oexiry enetupuhtohme imeimehnomo a. Oekyry tõ esẽme oehtohme, oekyry tomo a kure oritohme. Popyra oripory se exiketõ popyra roropa exĩko mã toto. Kure exĩko mã toto kure oripory se exiketomo, tykase ynororo Jako a.

Jenexi 28:14

Apakomotyã roropa tuhke exĩko mã toto, ikuhpỹme isawã samo sero nono po. Sapararahme exĩko mã toto inikahpozakoxi te, ikurenaka te, xixi tũtatoh wino te, xixi omõtoh wino, enara. Mame opokoino xine apakomotyã maro, kure rokẽ imehnõ rĩko ase emero nono põkomo.

Jenexi 35:11

Ynara tykase roropa Ritonõpo eya: — Ywy ase Ritonõpo Jamihmehxo Exikety. Emũkuako tuhke, typakõke tuhke oehtohme. Ahno imoihme, apakõ emãnõko mã toto, tuhke exiketõme exĩko mã toto, toitoine tuisa tõme exĩko mã toto.

Jenexi 46:3

Ynara tykase Ritonõpo: — Ywy ase Ritonõpo, omy Esemy. Enaromyra exiko oytory poko Ejitu pona. Moroto opoenõ emãkapõko ase tuhkehxo toto ehtohme.

2 Samueu 7:9

Amaro exiase oyoytoryhtao, emero pata tõ poro. Oepetõkara tonahkase ya oneneryme. Taroino imehxo orĩko ase, imehnõ imehxo exiketõ samo, sero nono po.

1 Tuisa 1:47

Morarame tuisa Tawi eahmase toytose ipoetory tõ emero. Ynara ãko toto: “Ritonõpo a omũkuru Saromão tuisamehxo tyripõko ynanase tuisame oehtoh motyehxo. Ahno tuhkehxo Saromão ime ehtoh waro ehtoh ripõko ynanase Ritonõpo a, ime oehtopõpyry waro exiketõ motye.” Mame tuisa tupueh tykase tynyhtoh po.

Jo 35:8

Oorypyry poko awahtao imehnõ ahno rokẽ etuarimãko. Ahno rokẽ akorehmãko roropa mase kure ehtoh poko awahtao.

Saumu 107:38

Kure rokẽ typoetory tõ tyrise Ritonõpo a; toemũkuase toh nexiase tuhke. Eky tõ roropa tomãkapose eya, tuhke hkopyra toto exiryino.

Exutu 1:7

Yrome Jako mũkuru tõ, ipakomotyã roropa Izyraeu tõ toemũkuase tuhke. Tomãse toto. Jamihme toehse roropa toto. Tãtahpahse toto Ejitu nonory punero.

Exutu 32:10

Seromaroro ukuremary onukuhpyra exiko. Toto zehno jexiryke toto wãnohnõko ase, toto enahkãko ase. Imeĩpo oemãkapõko ase imoihme omũkuru tõ maro, apakomotyã maro.

Izaja 51:2

Atamurukõ Aparão poko osenetupuhtoko, Sara poko roropa onotykomo. Tumũkue pyra ro Aparão ahtao tykohmase ynororo ya, yrome kure rokẽ tyrise ynororo ya tumũkue, typakõke roropa aehtohme tuhke.

Ezekieu 34:26

— Kure rokẽ jeky tõ rĩko ase, moroto toto ehtohme jesary ypy kurã zomye. Mame ise toto ahtao konopo kurã enehpõko ase toto pona, itamurume.

Mikeja 7:20

Õmihpyry ae, pake yna tamuru tõ netaryme, anamonohpyra mase yna pyno oehtoh poko, Aparão pakomotyamo, Jako pakomotyã roropa.

Zakaria 8:13

Juta põkomo, Izyraeu põkõ roropa, osemazuhme imeimehnõ nono põkomo a popyra ehtoh tonehpose ahtao topetõkara pona ynara tykase toto: “Awãnopyrykõ se ase Ritonõpo a Juta tõ wãnohtopõpyry sã eya, Izyraeu tõ wãnohtopõpyry sã roropa eya.” Yrome opynanohtorỹko ase. Moromeĩpo ynara ãko mokaro mã toto oseya: “Kure rokẽ oriporykõ se ase Ritonõpo a, kure Juta tõ ritopõpyry sã eya, kure Izyraeu tõ ritopõpyry sã roropa eya.” Enaromyra ehtoko! Orẽpyra ehtoko!

Numeru 14:12

Tyrohsẽ enehpõko ase mokaro enahkapotohme. Yrome opoenõ, apakomotyã roropa rĩko ase imoihme, mokaro motye; jamihme roropa, mokaro motye.

Numeru 22:12

Ynara tykase Ritonõpo Paraão a: — Mokaro maro ytopyra exiko, popyra Izyraeu tõ onyripopyra exiko roropa, ahno kurãme tyripose toto exiryke ya.

Numeru 23:20

Tyripose ywy eya kure rokẽ tyripotohme; kure rokẽ tyripose ahtao eya, moro onytyoromasaromepyra ase.

Romanos 4:11

Imeĩpo tyaĩpotapihpyry tysahkapose Aparão a, imehnõ tuarõtatohme ikurãkatopõpyry poko Ritonõpo a. Ritonõpo enetuputyryke eya, tukurãkase ynororo onysahkara ro ahtao. Naeroro emero Ritonõpo enetupuhnanõ tamurume Aparão mana. Juteutõkara roropa tukurãkase mã toto Ritonõpo a tyaĩkõpotapihpyry onysahkara ahtao ro, Aparão kurãkatopõpyry saaro.

Karaxia 3:14

“Jenetuputyryke oya emero pata põkõ rĩko ase kure,” katopõpyry ae ro Aparão a, toxixihmapose Kyrixtu. Mame Kyrixtu toorihse exiryke, oya xine roropa juteutõkara a Tuzenu ekarõko mana, Jezu enetuputyryke oya xine.

Karaxia 3:7

Enetupuhtoko, Ritonõpo enetupuhnanõ mã Aparão pakõme nymyry Ritonõpo a.

Teuteronomiu 26:5

Mame Ritonõpo ẽpataka ynara ãko mase: “Ytamuru arameume kynexine, tynonoke pyra exikety. Ejitu pona toytose ynororo tytapyĩ taõkõ maro, moroto ehse katonõme sã rokene, imepỹ nono põme exiketyme. Morotona toytose toto ahtao tuhke pyra toh kynexine, yrome tomãse toh kynexine, tuhke toehse, ahno orẽpyra, jamihme roropa.