Jenexi 11:8 - Ritonõpo Omiry: A Bíblia Sagrada na língua Aparai do Brasil

⁸ Morarame sapararahme tyripose toto Ritonõpo a sero nono poro emero. Mame moro pata riry turumekase eya xine.

Jenexi 11:8 ပူးပေါင်းရင်းမြစ်များ

Jenexi 10:25

Epea tumũkue asakoro kynexine: Perekeme tosehpase apitorymã, sero nono põkõ tãtapiakase exiryke tonuruse ynororo ahtao. Zakorõ esety kynexine Jokotã.

Jenexi 10:32

Ynara kynexine Noe pakomotyamo, ahno tomo. Tuna kumatopõpyry poe tarona tuhke tomãse toto Noe pakomotyamo.

Jenexi 10:5

Mokaro kynexine Jape pakomotyamo. Tuna ehpio toh kynexine, ahmõta po roropa. Tosatosake toh kynexine tynonoke te, ataomiry ae ro toh kynexine, enara.

Jenexi 11:4

Mame ynara tykase toto: — Seromaroro pata syritone, tapyi kaetokohxo exikety roropa, akurũ pona ehtohme. Morara kuahtao xine orẽpyra exĩko sytatose kuaro xine exĩko imehnõ mana emero. Atahpahpyra roropa sytatose sero nono poro.

Jenexi 11:9

Mame moro pata esety Papeume toehse, moroto ahno omiry tytyoromapose Ritonõpo a exiryke. Mame moro poe tãtahpahse toto nono poro emero.

Jenexi 49:7

Zehno toto ehtoh popyra tyriposẽme exĩko yronymyrymehxo exiryke! Tohne toto ehtoh popyra tyriposẽme exĩko iirypyryme exiryke. Tãtapiakasẽme exĩko mã toto Izyraeu nonory po, sapararahme toto ripõko ase jekyry tõ maro.

Saumu 33:10

Ahno tõ osenetupuhtoh tyritohme, morohne enahkapõko Ritonõpo mana, mokaro penetatoh onyripopyra mana.

Saumu 92:9

Zuaro ynanase, oepetõkara emero orihnõko mã toto, popyra exiketõ emero typoremãkasẽme exĩko mana.

Ruka 1:51

Tyjamitunuru enepõko mana. “Kure ase, imehnõ motye,” kananõ tahpahpose eya imehxo se toto exiryke.

Teuteronomiu 32:8

Ahno tapiakase ahtao Ritonõpo Imehxo Exikety a, nono tokarose eya xine esarykõme, tynenyohtyã tymenekase eya toto esẽme ehtohme.