Jenexi 1:31 - Ritonõpo Omiry: A Bíblia Sagrada na língua Aparai do Brasil

³¹ Morara exiryke tynyrityã eneryhtao tyya Ritonõpo zamaro inyrityã kynexine. Kure rokẽ kynexine. Xinukutu, sã tõmehse, 6mano.

Jenexi 1:31 ပူးပေါင်းရင်းမြစ်များ

Jenexi 1:13

Xinukutu, sã tõmehse oseruao aehtopo.

Jenexi 1:19

Xinukutu, sã tõmehse, 4me aehtopo.

Jenexi 1:23

Xinukutu, sã tõmehse, 5me ehtopo.

Jenexi 1:5

Moro tosehpase eya saeremãme, moro xinukutumã tosehpase eya “kokome”. Morarame tõmehse rahkene, moro aẽmehpitory osemazupu kynexine.

Jenexi 1:8

Moro tosehpase eya “kapume”. Xinukutu, sã, moro asakoro aẽmehtoh kynexine.

Jenexi 2:2

7me tõmehse ahtao tõtyhkase ynororo tynyriry tõ riry poko, mame tõseremase ynororo, toerohkehxĩpo.

Jenexi 2:3

Mame moro ẽmepyry tyripose eya ẽmepyry kurãme, tõtyhkase toexiryke toerohtoh poko te, tõseremase roropa ynororo.

Jo 38:7

Moro ẽmepyry ae senohne emero tyrise ahtao xirikuato tõ toremiase toto oximõme. Ynenyohtyã tykohtase toto tãkye toehtohkõke.

Saumu 104:24

Ritonõpo, onyrityã tuhke rokẽ rahkene, tuaro oehtoh ke morohne tyrise oya. Sero nono pehme mana onyrityã ke.

Saumu 104:28

Toto napyry ekarõko mase, otuhnõko mã toto, tuesapare exĩko.

Saumu 104:31

Ah Ritonõpo Kuesẽkõ saeremehxo ehtoh jũme exikehpyra nexino! Ah tãkye nexino tynyrityã poko!

Saumu 119:68

Ritonõpo, kure mase; kure ehtoh rĩko mase; kuamorepako onyripohpyry tõ poko.

Exutu 20:11

6me ẽmepyry taropose ya, Ritonõpo, kapu riry poko, nono roropa, tuna konõto te, kana tõkehko maro. Yrome 7me aehtoh po tõseremase ywy. Morara exiryke ẽmepyry 7me aehtoh tyrise ya kurãme. Sero tapiakase ya ẽmepyry kurãme ehtohme.

Exutu 31:17

Jũme enetupuhtohme moro exĩko ya, ypoetory tõ Izyraeu tomo a, enara. Ynara exiryke senohne emero yrine 6me ẽmepyry ae, kapu, nono roropa. Mame 7mã po toerohkehse exine oserematohme. Ywy ase Ritonõpo.

Porowepio 16:4

Emero tyrise Ritonõpo a zae rokẽ ehtohme etyhpyryme, popyra exiketõ tuãnohsẽme rokẽ exĩko mã toto.

Ekereziaxti 3:11

Ritonõpo nyrityã emero kure potu mana, toto ehtoh toehse ahtao. Isene exikehpyra ehtoh tyrise roropa eya kukurohtaka xine. Yrome inyrityã emero onenetupuhpyra sytatose.

Ramẽtasão 3:38

Kure ehtoh exĩko mana, popyra ehtoh roropa exĩko, Ritonõpo, Imehxo Exikety omi poe.

Teuteronomiu 32:4

Oewomanekõme Ritonõpo mana; kure kuhse inyrihpyry mana, zae rokẽ rahkene. Anamonohpyra mana, azahkuru pyra roropa mana ipunaka.

1 Timoteu 4:4

Naeroro Ritonõpo nyrihpyry kuohkõme kure mana emero: “Kure mase, Ritonõpo,” karyhtao tõsẽ apoiryhtao. Naeroro tõsẽ onyry onurumekara ehtoko.

1 Timoteu 4:5

Tõsẽ onyryhtao kyya xine kure Ritonõpo a, aomiry etaryhtao, kuotururukohtao roropa imaro.