Jenexi 1:30 - Ritonõpo Omiry: A Bíblia Sagrada na língua Aparai do Brasil

³⁰ Yrome onokyro tõkehko a, torõ tomo a, nono poro ytoketomo a roropa onahpoty ekarõko ase toto napyryme, otyro ary roropa. Mame moro sã toehse rahkene.

Jenexi 1:30 ပူးပေါင်းရင်းမြစ်များ

Jenexi 6:21

Tonahsẽ apoiko roropa anapyrykõme te, mokaro onokyro tõ napyryme roropa, okyno tõkehko emero napyryme, enara.

Jenexi 9:3

Onokyro tõ õnõko matose. Otyro enahnõko roropa matose. Morohne ekarõko ase oya xine anapyrykõme te, õtykõme, enara.

Jo 39:30

Onokyro toorihse ahtao, moroto oximõnõko piano tomo, munu ẽnõko ipoenõ mã toto.”

Jo 39:4

Imũkuru tõ wãtãko, jamihme exĩko ona po; imeĩpo mya ytõko mã toto oehpyra ropa ehtohme.

Jo 39:8

Otuhnõko mã toto ypy tõ po, emero rokẽ otyro ahtaryhtao enahnõko mã toto.

Jo 40:15

“Onokyro Peemote eneko. Ya tyrise ynororo oritopõpyry samo. Onahpoty enahnõko mana pui samo.

Jo 40:20

Onahpoty inapyry ahtãko mana ypy tõ po, moroto imehnõ onokyro tõ osemeikãko mã toto.

Saumu 104:14

Onahpoty ahtanohpõko mase pui tõ napyryme, tykyrysã roropa, tiriiku tõkehko ahtanohpõko mase ahno napyryme, morohne arykatohme kyya xine tonahsãme.

Saumu 147:9

Onokyro tomo a tonahsẽ ekarõko mana, atõko poenõ nahpãko roropa mana ikohmaryhtao eya xine.