Jenexi 1:3 - Ritonõpo Omiry: A Bíblia Sagrada na língua Aparai do Brasil

³ — Saereme exiko! tykase Ritonõpo. Mame tõmehpitose, saereme toehse.

Jenexi 1:3 ပူးပေါင်းရင်းမြစ်များ

Jenexi 2:4

Moro sã kapu tyrise kehko, nono maro. Kapu tõkehko tyrise ahtao Ritonõpo a, sero nono maro,

Jo 36:30

Sapararahme nenenehkane aropõko Ritonõpo mana tomye. Yrome zue ao tuna konõto kuao, xinukutume rokẽ mana.

Jo 38:19

“Otokoino saerehkatoh oehnõko nae? Ozeino roropa ikohmamyry oehnõko nae?

Saumu 104:2

upo amurũko mase, saerehkatoh ke. Kapu tytywyhmase oya kamisa tywyhmary samo tapyime,

Saumu 118:27

Ritonõpo Kuesẽkõme mana; saerehkatoh ekaroneme mana kypona xine. Amoriry tõ oemary ao, õseahmarykõme ytoytopitotoko apoto apõ zomye.

Saumu 148:5

Ah Kuesẽkõ eahmã toto, eya tyripose toto, mame tyrise toh rahkene!

Saumu 33:6

Tõmiry ke kapu tõkehko tyrise Kuesẽkomo a. “Exiko,” karyke xixi tyrise eya te, nuno te, xirikuato tõ roropa.

Saumu 33:9

Aotururuhtao sero nono tyrise kehko. “Exiko,” tykase ynororo ahtao, emero toehse rahkene.

Saumu 97:11

Saerehkatoh saereh ãko mana zae ehtoh poko exiketõ pona, tãkye ehtoh saereh ãko sã mana Ritonõpo omiry omipona exiketõ pona.

Izaja 45:7

Saerehkatoh rihpõme ase, ikohmamyry roropa, kurãkõ ekaroneme ase, popyra ehtoh tyriponeme roropa ase; ywy Ritonõpo morohne rĩko ase emero porehme.

Izaja 60:19

“Xixi oezurume pyra exĩko saereme ahtao, nuno roropa oezurume pyra exĩko koko; ywy, Ritonõpo, jũme oezurume exĩko ase, saereh ãko ase xixi sã opona.

Mateu 8:3

Mame tomary ke Jezu a tapose. — Ỹ, okurãkary se ropa ase. Kure exiko ropa, tykase eya. Mame axĩ mokyro pũ totyhse ropa.

João 1:5

Tuhke ajoajohpãkõ kynexine. Yrome Jezu onymynyhpãkaposaromepyra toh kynexine. Ritonõpo omiry poko imehnõ anamorepakehpyra kynexine ynororo.

João 1:9

Saerehkanemã mokyro, nono pona ayhtohpyry. Kuamorepatorỹko mã emero, Ritonõpo omiry poko.

João 11:43

Morara kaxĩpo opore kynomitane Jezu: — Razaru, osehko moro tae xiaro, tykase Jezu aorikyhpyry a.

João 3:19

Oty katoh toto wãnohnõko Ritonõpo nae? Ynara exiryke, Tumũkuru tonehpose eya repe. Yrome tyyrypyrykõ se rokẽ sero põkõ mana. Ritonõpo mũkuru saerehkaneme mana. Yrome saerehkane se hkopyra sero põkõ mana. Xinukutumã se rokẽ toto iirypyryme toexirykõke.

2 Korĩtiu 4:6

Apitoryme xinukutume rokẽ sero po kynexine. Mame: “Saereme exiko,” tykase Ritonõpo ahtao, saereme toehse. Mokyro: “Saereme exiko,” kahpõ, kutuarõtanohtorỹko mana tuisame imehxo toexiry poko. Kyrixtu ẽmyty enepõko kyya xine mana. Ẽmyty eneryke kyya xine ime aexiry enetupuhnõko sytatose.

Epezu 5:14

Ynara exiryke, emero tonepose ahtao saereme sã exĩko, jarao exĩko mana. Morara exiryke ynara tymerose imepyny a: “Nyhkety, apakako ty. Oẽsemãko ropa orihxĩpo, mame Kyrixtu saereh ãko mana opona,” me tymerose.

Epezu 5:8

Osemazuhme aporo Kyrixtu waro pyra mexiatose. Koko ytoketõ sã mexiatose. Yrome Jezu Kuesẽkõ poetoryme toehse oexirykõke saeremae ytoketõ sã matose. Naeroro zuaro exiketõ sã ehtoko, Ritonõpo omipona.

1 Timoteu 6:16

Ynoro rokẽ orihpỹme mana jũme. Saereme konõto esary mana. Xixi motye reh mahna. Imehnõ eya ytosaromepyra mana. Mokyro onenepitopyra sytatose osenepỹme aexiryke. “Kure mokyro mana. Kuesẽkõme mana jũme,” sykatone.

1 João 1:5

Ynara nekaroase Ritonõpo mũkuru yna a, ekarotohme ropa oya xine: “Saerehkaneme Ritonõpo mana, xinukutume pyra mã ipunaka iirypyryme pyra toexiryke,” nase yna a ekarotohme ropa oya xine.

1 João 2:8

Jezu saerehkaneme mana. Tuaro pyra kuahtao xine ixinukuturu htoko ytoketõ sã sytatose. Yrome Jezu tonese yna a. Imehnõ pyno aexiry tonese yna a. Morara exiryke tuaro ynanase, saeremao sã toehse ynanase.