Jenexi 1:28 - Ritonõpo Omiry: A Bíblia Sagrada na língua Aparai do Brasil

²⁸ Mame kure rokẽ tyripose toto eya, ynara tykase: — Emũkuatoko, tuhke oemãtohkõme, sapararahme oehtohkõme sero nono poro, emero esẽme oehtohkõme. Kana esẽme ehtoko tunakuaõkõ emero te, torõ tõ esẽme roropa te, onokyro tõ esẽme okyno tõ esẽme, enara.

Jenexi 1:28 ပူးပေါင်းရင်းမြစ်များ

Jenexi 1:22

Mame kure tynyrityã tyripose eya, ynara tykase ynororo: — Oemãtoko, tuhke oehtohkõme, pehme tuna konõto ehtohme! Torõ tõ roropa oemãtoko tuhke oehtohkõme sero nono po!

Jenexi 17:16

Kure rokẽ opyty rĩko ase. Tumũkue orĩko ase, opyty Sara mũkurume. Kure rokẽ mose rĩko ase, tuhkãkõ ẽme exĩko mana imehnõ ahno tõ ẽme, tuisa tõ ẽme roropa.

Jenexi 17:20

Õmiry roropa Iximaeu poko etano; kure rokẽ mokyro rĩko ase roropa, tuhke tumũkue exĩko mana, tuhke typakõke roropa. 12me tuisamãkõ zũme exĩko mã ynororo, mame ipakomotyã ahno imoihme exĩko mã toto.

Jenexi 24:60

Kure rokẽ Repeka tyripose eya xine Ritonõpo a. Ynara tykase toto: — Omoro, yna oryxiry, tuhkãkõ ẽme oripory se ynanase Ritonõpo a tuhke miujãome exiketõ ẽme. Apakomotyã orẽpyra tyripory se ynanase eya tyzehnotokõ patary tõ poremãkatohme eya xine, tykase toto.

Jenexi 26:24

Moroto ahtao koko tõsenepose Ritonõpo eya, ynara tykase ynororo eya: — Ywy ase Ritonõpo omy Aparão esemy. Enaromyra exiko amaro jexiryke. Ypoetory Aparão pokoino kure rokẽ orĩko ase, apakõ rĩko ase tuhke.

Jenexi 33:5

Mame tomye tõsenuhmase Ezau ahtao, nohpo tõ eneryke tyya ipoenõ maro tõturupose ynororo: — Onokãkõ moxiamo amaro exiketomo? tykase Ezau. — Umũkuru tõ moxiamo Ritonõpo nekarohpyry opoetory a, tykase Jako.

Jenexi 49:25

Ritonõpo, omy Esẽ, ãkorehmãko mana, jamihmehxo Exikety kure rokẽ orĩko mana. Kapu ae kurãkõ ekarõko mana. Tuna kurohtae kurãkõ ekarõko mana. Oeky tõ tuhke ekarõko mana. Opoenõ roropa ekarõko mana tuhke.

Jenexi 5:2

Orutua te, nohpo roropa tyrise toto eya, kure rokẽ tyrise toto eya, mame “ahnome” tosehpase toto eya.

Jenexi 6:1

Morarame ahno tãtahpahpitose ahtao sero nono poro, ẽxiry tõ tonuruse ahtao roropa,

Jenexi 8:17

Onokyro tõkehko roropa, okyno tõ roropa itũtanohpoko ropa toto, torõ tomo te, nono poro ytoytoketomo, enara. Sapararahme aropoko toto nono poro toto emãtohme ropa, pehme nono ehtohme ropa.

Jenexi 9:1

Mame ynara tykase Ritonõpo Noe a: — Kure rokẽ orĩko ase omũkuru tõ maro. Emũkuatoko oemãtohkõme sero nono po, sapararahme apakomotyãkõ ehtohme.

Jenexi 9:7

— Emũkuatoko oemãtohkõme ropa, sapararahme apakomotyãkõ ehtohme sero nono poro.

1 Koronika 4:10

Ynara tykase ynororo Ritonõpo Izyraeu Esemy a: — Ritonõpo, kure rokẽ kyriko. Nono konõto ekaroko ya. Ymaro exikehpyra exiko. Kypynanohko jetũ kamexipory se exiketõ winoino emero. Mame totase ynororo Ritonõpo a, ipenetatoh tokarose eya.

Jo 39:11

Jamihme mana ajohpe pyra. Yrome onyriry tupime exikety onyripyra mana, aerohtohme tyripose ahtao oya.

Jo 42:12

Mame kure rokẽ Jo tyrise ropa Ritonõpo a apitoryme kure aehtopõpyry motye. Eky tõ tomãkase: kaneru tõ 14 miume toehse, kameru tõ 6 miume toehse, pui tõ asakoro miume, jumẽta tõ miume.

Saumu 107:38

Kure rokẽ typoetory tõ tyrise Ritonõpo a; toemũkuase toh nexiase tuhke. Eky tõ roropa tomãkapose eya, tuhke hkopyra toto exiryino.

Saumu 115:16

Kapu tõ Ritonõpo esaryme mana, ynoro rokẽ Esẽme mana, yrome sero nono tokarose eya ahno a kuesarykõme.

Saumu 69:34

Ritonõpo eahmatoko kapuaõkomo, sero nono põkõ roropa, tuna konõto maro, ikuaõkõ roropa emero!

Saumu 8:6

Ajamitunuru mekaroase yna a, onyrityã esẽme yna ehtohme. Onokyro tõkehko, okyno tõ roropa, yna ekyme toto ehtohme:

Saumu 8:7

Kaneru tomo te, pui tõkehko, onokyro tomo emero.

Izaja 45:18

Ritonõpo a kapu tõkehko tyrise, ynororo rokẽ Ritonõpome mana. Sero nono tyrise roropa eya, tapuhse eya sero samo, mame esaka tyrise eya. Typõke pyra ehtohme sero nono onyripyra kynexine, yrome ahno esaryme tyrise eya moroto toto ehtohme. Ritonõpo Kuesẽkõ ynara ãko mana: “Ywy ase Ritonõpo, imepỹ ritõ pyra mana.

Rewitiku 26:9

Kure ehtoh enehpõko ase oya xine, opoenõkõ tuhke ekarõko ase oya xine. Jomiry etapotopõpyry oya xine tyrĩko ase oya xine.

1 Timoteu 4:3

Ynara ãko mã toto, imehnõ amorepãko: “Pytara ehtoko. Opytarykohtao popyra,” ãko toh mã repe. Tõsẽ onyry rumekapõko roropa mã toto Ritonõpo omipona pyra. Onokyro tõkehko tyrise Ritonõpo a kuohkõme, tãkye kuehtohkõme, “Kure mase” katohme kyya xine Ritonõpo a, enetuputyryke kyya xine aomiry waro roropa kuexirykõke.