Jenexi 1:26 - Ritonõpo Omiry: A Bíblia Sagrada na língua Aparai do Brasil

²⁶ Mame ynara tykase ynororo: — Eropa, ahno syritase kysã exikety. Mame kana esẽme exĩko mã toto te, torõ tõ esẽme te, okyno tõ esẽme te, onokyro tõ esẽme, emero nono poro ytoytoketõ esẽme roropa.

Jenexi 1:26 ပူးပေါင်းရင်းမြစ်များ

Jenexi 11:7

Eropa, aomirykõ sytyorõmapotase. Aomirykõ tytyoromapose ahtao osetara exĩko mã toto aotururukohtao oseya.

Jenexi 2:19

Apitoryme nono tapuhse Ritonõpo a emero rokẽ onokyrome, torõ tõkehkome roropa. Mokaro tarose eya toto esehpatohme orutua a. Tosehpase toto eya.

Jenexi 3:22

Mame ynara tykase Ritonõpo: — Seromaroro mokyro toehse yna samo, tutuarõtase aexiryke zae ehtoh poko te, zae pyra ehtoh poko roropa. Jũme isene ehtoh wewe epery enapyryhtao eya orihpỹme exĩko mana, popyra morara exiry eya.

Jenexi 5:1

Ynara mã Atão pakomotyã esetykomo. Ahno tyrise ahtao Ritonõpo a tysã tyrise toto eya.

Jenexi 9:6

Ritonõpo ehtoh sã ahno tyrise exiryke ahno etapahpõ, totapaposẽme exĩko roropa mana imehnomo a.

Jo 35:10

Yrome eramara ropa mã toto Ritonõpo a, tyrihpõkomo a. Ijamitunuru ekarõko mokyro mana, koko ahtao.

Jo 39:11

Jamihme mana ajohpe pyra. Yrome onyriry tupime exikety onyripyra mana, aerohtohme tyripose ahtao oya.

Jo 5:23

Otupi tõ po topu tõ ãkorekehkara exĩko mana, onokyro tõ oesekara roropa mã toto.

Saumu 100:3

Wenikehpyra ehtoko Kuesẽkõ Ritonõpo mana. Inyrihpyryme sytatose, ipoenõme roropa; ipoetoryme sytatose, ekyme roropa.

Saumu 149:2

Atãkyematoko, Izyraeu tomo, Ritonõpo Oesẽkõ poko. Oseahmatoko, Jerusarẽ põkomo, Otuisarykõ poko.

Ekereziaxti 7:29

Ynara rokẽ zuaro toehse ywy jatamorepatoh poko: kymarokõ tyrise Ritonõpo a ajohpe pyra ehtohme, zae ehtoh poko roropa, yrome amonohnõko sytatose.

Kãtiku 1:11

Osenao rĩko sytase okyryryme, uuru risẽ parata maro emeporyme.

Izaja 45:18

Ritonõpo a kapu tõkehko tyrise, ynororo rokẽ Ritonõpome mana. Sero nono tyrise roropa eya, tapuhse eya sero samo, mame esaka tyrise eya. Typõke pyra ehtohme sero nono onyripyra kynexine, yrome ahno esaryme tyrise eya moroto toto ehtohme. Ritonõpo Kuesẽkõ ynara ãko mana: “Ywy ase Ritonõpo, imepỹ ritõ pyra mana.

Izaja 6:8

Moromeĩpo Kuesẽkõ omiry etase, ynara tykase ynororo: — Onoky aropõko ha urutõme? Onoky yna omiry arõko nae? Mame tozuhse ya, ynara ase: — Taro ase. Kuaropoko!

Izaja 64:8

Yrome omoro papame mase, Ritonõpo yna Esemy. Orinome ynanase, oripo rineme mase, yna emero onyrityãme ynanase,

Jeremia 27:6

Ywy exiase ahno tõ emero ekarohpono ypoetory Napukotonozo a, Papironia pono, ypoe onokyro tõ roropa erohnõko ekyme.

João 14:23

Ynara tykase Jezu eya: — Ypyno awahtao xine, jomipona exĩko matose. Opyno xine Papa exĩko roropa mana. Mame oehnõko ynanase Papa maro oya xine, jũme amaro xine yna ehtohme.

João 5:17

Ynara tykase Jezu eya xine: — Papa Kapuaono erohkehpyra mana. Papa saaro ase erohkehpyra, tykase Jezu eya xine.

Atos 17:20

— Tyoro sã mase amorepato. Sero onetapitopyra reh ynanase. Zuaro se ynanase, tykase toto.

Atos 17:26

Toiro orutua wino kymarokõ emero tyrise eya ahnome, nono po kuehtohkõme. Kuenurutopõpyrykõ waro Ritonõpo mana, kuesarykomo, kuorikyrykomo. Emero zuaro mã Ritonõpo, tykase Pauru toto a.

1 Korĩtiu 11:7

Yrome orutua kõ tyoro. Tuhpõke se pyra orutua komo, tysaaro tyrise exiryke Ritonõpo a. Tõmipona orutua kõ ehtohme tyrise toto Ritonõpo a. Yrome nohpo tõ tyrise tyniokõ omipona ehtohme.

2 Korĩtiu 3:18

Naeroro Kuesẽkõ maro kuexirykõke osene sã sytatose. Kuesẽkõ imehxo ehtoh enẽko imehnõ mana kuẽmytykõ eneryke tyya xine. Kuẽmytykõ anapurupyra roropa sytatose. Mame Kuesẽkõ maro kuexirykõke isahxo exĩko sytatose, Zuzenu erokuruke kukurohtao xine.

2 Korĩtiu 4:4

Onenetupuhpyra mã toto tonekunohse toexirykõke joroko tamuru a. Ritonõpo omipona se pyra toto exiryke toto tuisaryme joroko tamuru mana. Saereme sã Ritonõpo omiry kyya xine mana enetuputyryhtao kyya xine. Yrome mokaro tonekunohse exiryke joroko tamuru a tuisamehxo Kyrixtu ehtoh poko zuaro pyra mã toto. Ritonõpo eneponeme Kyrixtu ehtoh poko onenetupuhpyra mã toto ipunaka.

Epezu 4:24

Mame upo kurã amurutoh sã kure oehtohkõ amurutoko. Ritonõpo nyrihpyry kurã amurutoko. Moro tamuruse oya xine ahtao Ritonõpo sã oenetorỹko imehnõ mana, Kyrixtu sã oexirykõke, zae roropa oexirykõke, oorypyrykõ poko pyra toehse oexirykõke, kure rokẽ oexirykõke, enara. Ynara kahtoko imehnomo a, “Kuosenetupuhtohkõ tyrisenã sã tyrise ahtao, Ritonõpo sã ytoytõko sytatose. Zae rokẽ ytoytõko sytatose. Aomipona roropa sytatose,” kahtoko.

Koroxi 1:15

Ritonõpo osenepyra mana. Morara exiryke Tumũkuru tonehpose eya sero nono pona zuaro kuehtohkõme. Isã Imũkuru mana ipunaka. Apitoryme tonuruse ynororo Ritonõpo mũkurume. Eya emero tyripose Ritonõpo a. Tynyrityã motye kure ynororo Ritonõpo mũkurume toexiryke.

Koroxi 3:10

Tyrisenã sã õsenetupuhtohkõ rĩko Ritonõpo mana aomipona awahtao xine. Tõsenetupuhtoh sã kuosenetupuhtohkõ rĩko Ritonõpo mana. Imeĩpo toehtoh poko tuarohxo kyritorỹko Ritonõpo mana tysã kuehtohkõme, tuaro roropa kuehtohkõme.

Tiaku 3:7

Onokyro tõ kuremary waro sytatose zehno pyra toto ehtohme. Itu htaõ komo nakuaõkõ roropa. Torẽnanohse toto ahno a zehno pyra toto ehtohme.

Tiaku 3:9

“Kure mase Papa, yna Esẽme mase,” ãko sytatose repe. Yrome kunurukõ ke ro imehnõ kerekeremãko sytatose. Tysaaro tyrise kymarokõ Ritonõpo a.

1 João 5:7

Oseruao nae kutuarõtanohnekomo Ritonõpo mũkurume Jezu exiry poko.