Jenexi 1:11 - Ritonõpo Omiry: A Bíblia Sagrada na língua Aparai do Brasil

¹¹ Morarame ynara tykase ynororo: — Awahtako emero rokene, tykase otytyko a, topere exiko tupuhtuke roropa oehtohme! Mame morara toehse kehko.

Jenexi 1:11 ပူးပေါင်းရင်းမြစ်များ

Jenexi 1:12

Nono po otyro tõkehko tahtase emero porehme: tupuhtuke exiketomo te, wewe tõkehko, topere exiketomo. Mame morohne eneryke tyya Ritonõpo zamaro inyrityã kynexine kure exiryke.

Jenexi 1:29

Anapyrykõme otyro ekarõko ase tupuhtuke exiketomo te, wewe epery roropa.

Jenexi 2:16

Mame ynara tyripose ynororo eya: — Wewe epery emero ekarõko ase oya anapyryme,

Jenexi 2:5

otyro pyra, onahpoty pyra roropa kynexine, konopo onenehpopitopyra ro Ritonõpo exiryke. Tupito arykananõ pyra roropa kynexine.

Jenexi 2:9

Moro po wewe kurãkõ tyrise Ritonõpo a emero rokẽ aeperytatohme. Epery kure toperytase kehko. Moroto tupito rãnao eperytakety kynexine isene jũme orihpyra ehtopo. Imepỹ zoko roropa moroto kynexine kure ehtoh poko tuarõtatopo, popyra ehtoh poko tuarõtatopo, enara.

Jo 28:5

Epoe tiriiku ahtãko tupito tõ po nono po, yrome zopino emero tyxihkase sã mana, tykararahse.

Saumu 1:3

Moro sã awahtao xine wewe tõ sã exĩko matose tarykase ahtao tuna ehpio; ahtãko mana, eperytãko roropa toperytatoh po toehse ahtao, zary mã aremãpyra roropa mana. Moro sã orẽpyra exĩko matose, onyrirykõ kure exĩko roropa mana emero.

Saumu 147:8

Akurũ ke kapu apurũko mana, konopo enehpõko mana nono pona, onahpoty ahtanohpõko roropa mana ypy tõ po.

Izaja 61:11

Mame wewe ahtary sã nono po, ipuhturu ahtary sã roropa tupito po, moro sã typoetory tõ pynanohnõko Ritonõpo Imehxo Exikety mana. Mame imeimehnõ nonory põkõ eremiãko. Mokyro eahmãko mã toto emero porehme.

Jeremia 17:8

Wewe sã exĩko mã ynororo tarykase tuna pũto, tymise exikety mosahxo ahtãko iporiry pona. Axitũ toehse ahtao enaromyra mana zary tõ aremãpyra exiryke. Konopo oehpyra ahtao torẽtyke pyra mana; eperytãko ro mana.

Mateu 3:10

Ritonõpo tupito esẽme sã mana. Popyra eperytakety sahkãko sã mana tytapemã ke, ipahtohme apoto htaka. Moro sã matose, popyra exikety samo, eperytapỹ samo, oorypyrykõ onurumekara awahtao xine, tykase João eya xine.

Mateu 6:30

Ritonõpo ona Rihpõ mokyro. Axĩ onahpoty ahtanohpõko mana, ahtanohpory se tahtao. Yrome axĩ orihnõko ropa mana onahpoty. Axĩ roropa enahnõko mana apoto ke tyahkase ahtao. Morararo oupõkõ riry tupime pyra Ritonõpo a. Onahpoty pyno toexiry motye opyno xine toexiryke pitiko rokẽ tonetuputyryhtao ro oya xine.

Maku 4:28

Nono rokẽ ẽxihtanohpõko mana. Morarame ekutãko mana. Mame eperytãko mã rahkene.

1 Korĩtiu 15:38

Ritonõpo rokẽ ipuhturu ẽxihtanohpõko mana, otyro zokome ehtohme. Morarame otyro zoko tahtase ahtao ipuhturu sã pyra mana, tyoro.

Epereu 6:7

Otupikõ poko osenetupuhtoko. Konopome ahtao anarykatyãkõ ahtãko mana. Eperytãko mana. Otyro zamaro nono ahtao tãkye exĩko matose. Morararo Ritonõpo, tãkye roropa mana tutupi kurã eneryke tyya.