Izaja 2:2 - Ritonõpo Omiry: A Bíblia Sagrada na língua Aparai do Brasil

² Imeĩpo, moro ypy Ritonõpo Tapyĩ esary kaehxo exĩko mana, imehnõ ypy tõ kae ehtoh motye, emero porehme. Mame morotona iporiry sã ytõko ahno, imehnõ nonory põkomo, imehnõ nonory poe emero porehme.

Izaja 2:2 ပူးပေါင်းရင်းမြစ်များ

Jenexi 49:1

Mame tumũkuru tõ tykohmase tyya Jako a. Ynara tykase ynororo: — Jomye ehtoko, imeĩpo ehtoh ekarõko ase oya xine.

Jo 19:25

Ynara zuaro ase: Jewomane isene mana; etyhpyryme oehnõko mana jewomase sero nono pona.

Saumu 102:23

Poetome ro ase, yrome tyjamihkehkapose ywy Ritonõpo a isene jehtoh enahsasaka tyripose eya.

Saumu 2:8

Ekaropoko ya, imeimehnõ nonory põkõ ekarõko ase oya opoetoryme toto ehtohme; sero nono emero ononoryme exĩko mana.

Saumu 22:27

Imeimehnõ nonory põkõ emero osenetupuhnõko mã toto Ritonõpo poko. Sero nono etyhpyry po eramãko mã toto eya, Tosẽkõme aenetupuhnõko mã toto, eahmãko mã toto, emero.

Saumu 22:28

Tuisame Ritonõpo mana, emero nono põkõ Esẽme mana.

Saumu 48:2

Ritonõpo esary ypy kae mana, kure potu roropa; Tuisa konõto patary poko atãkyemãko sero nono põkõ mã toto porehme.

Saumu 68:17

Tykahu tõ tuhkãkõ jamihmãkõ maro Ritonõpo Kuesẽkõ tooehse ypy Xinai poe tosary kurã pona.

Saumu 72:8

Tuisame exĩko mana tuna konõto poe imepỹ tuna konõto pona te, tuna Eupyrati poe nono etyhpyry pona.

Saumu 86:9

Emero ahno onyrityã oehnõko, tosekumuru po porohnõko mã toto oẽpataka; imehxo oehtoh eahmãko mã toto

Saumu 87:1

Ypy kurã po typatary tyrise Ritonõpo a; imehnõ pata tõ motye Izyraeu tõ nonory po, pata Jerusarẽ sehxo mana.

Izaja 11:10

Moro ẽmepyry toehse ahtao tuisa Tawi pary tuisame exĩko mana, imityme roropa mana Jese tõ Rihpõme exiryke; pãteira sã exĩko mana imehnõ nonory põkomo a. Imeimehnõ nonory põkõ ytõko mã toto eya imaro ehtohme, ipatary kure rokẽ exĩko mana.

Izaja 25:6

Ypy Xião po otuhtoh konõto rĩko Ritonõpo Jamihmehxo Exikety mana, emero nonory põkõ otuhtohme; tonahsẽ rĩko mana, tõsẽ kurãkomo eukuru jehnahpyry kurã roropa.

Izaja 27:13

Mame moro ẽmepyry toehse ahtao rue konõto osetõko mana, mame Izyraeu tõ itahtyã Axiria nonory po te, mokaro roropa arotyã Ejitu tõ namotome oehnõko ropa mã toto tynonorykõ pona. Mame Ritonõpo Tosẽkõ eahmãko mã toto ypy kurã po, Jerusarẽ po.

Izaja 30:29

Yrome atãkyemãko matose, eremiãko Ritonõpo eahmaryme oseahmatoh poko ẽmepyryhtao sã oya xine; tãkye exĩko matose ytoketõ samo, rue tõ etoryme onuhnõko mã toto ypy kurã pona, Ritonõpo eahmatohme, Izyraeu tõ ewomane, jamihme Exikety.

Izaja 49:6

Ynara ãko mã ynororo ya: “Pitiko rokẽ oerohtoh oya nae? Ypoetoryme orĩko ase Izyraeu tõ enehtohme ropa isene ro exiketomo, toto kurãkatohme ropa inonorykõ po. Moro motye oekarõko ase juteutõkara ezurume roropa oehtohme, imeimehnõ pynanohneme oehtohme sero nono etyhpyry ponãmero.”

Izaja 56:5

Moro riryhtao emukahpyry a, tumũkue ehtoh motye kurehxo ehtoh ekarõko ase eya. Esety merõko ase Ytapyĩ Kurã tao, jũme ypoetory tõ maro aehtohme; jũme esety poko wenikehpyra imehnõ ehtohme.”

Izaja 56:7

aarotorỹko ase jesaka ypy kurã pona, tãkye exĩko matose ymaro oturutoh tao. Onekarorykõ yzamaro exĩko mã kehko apoto apõ po. Ytapyiny esehtõko mã toto: ‘Ritonõpo maro Oturutohme’ imeimehnõ nonory põkomo a roropa.

Izaja 60:3

Mapetekere tõ oepyry sã saerehkatoh pona, moro sã Jerusarẽ exĩko mana, sero nono põkõ oehnõko mã toto oya; orẽpyra oexiryke tuisa tõ oehnõko mana.

Izaja 65:11

“Yrome toitoine jurumekãko matose; jesary ypy kurã poko wenikehnõko roropa matose: anapyrykõ ekarõko matose eukuru maro oneponãmarykomo a, onekarorykõme ‘ohkato’ eahmaryme, ‘kuropõme’ roropa, enara.

Izaja 66:20

Oekyry tõ emero enehnõko ropa mã toto tymaro xine tynekarorykõme ya. Oehnõko mã toto ypy kurã pona, jesary kurã pona Jerusarẽ pona kawaru tõ po te, mura tõ po, kameru tõ po, kahu tõ ao te, kaheta tõ ao roropa. Mokaro oekyry tõ tokarosẽme exĩko mã toto tynekarorykõme ya, Izyraeu tõ nekarotyã enepyry sã Ytapyĩ taka, tiriiku tõkehko, ẽ tukurãkase exiketõ ao.

Izaja 66:23

Mame emero otuhtoh konõto Nuno Kasenato po, emero oserematoh po roropa ahno oehnõko imeimehnõ nonory põkomo, jeahmase, Ytapyĩ kurã taka.

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 23:20

Mame moro zehno Ritonõpo ehtoh enahpyra exĩko mana tyriry se toehtoh onyripyra ro ahtao. Morohne rĩko mana tõsenetupuhtopõpyry ae ro. Imeĩpo moro enetupuhnõko ipoetory tõ mana kure rokẽ rahkene.

Jeremia 26:18

— Ezekia tuisame ahtao Juta esẽme, urutõ Mikeja, Moresete pono tõturuse ahno a emero Kuesẽkõ, Jamihmehxo Exikety omiryme. Ynara tykase ynororo: “Jerusarẽ ypyme exĩko topu tõ rokẽ kaetokohxo, ypy Xião tahkasẽme exĩko tupito samo, Ritonõpo Tapyĩ esary itume exĩko mana.”

Jeremia 3:17

Morara ahtao esehpatoh toehse ahtao Jerusarẽ esehpãko mã toto “Kuesẽkõ apõme”. Mame imehnõ nonory põkõ emero oximõnõko mã toto jeahmatohme, moroto. Morotoino typenetatohkõ onyripyra exĩko mã toto, zae pyra ehtoh poko pyra exĩko roropa mã toto.

Jeremia 31:12

Oehnõko mã toto eremiase tãkye toexirykõke ypy Xião pona; atãkyemãko mã toto ynekarory tõ poko eya xine, tiriiku tõkehko, uwa eukuru, azeite, pui tomo te, kaneru tomo, enara. Tupito tarykasãme exĩko mã toto tuna itamurume nae ahtao, emero ise toto ehtoh nae exĩko mã toto.

Jeremia 48:47

Yrome imeĩpo Moape tõ enehpõko ropa ase, apitoryme toto ehtopõpyry sã toto ehtohme ropa. Moro sã Moape tõ wãnohpõko Ritonõpo Kuesẽkõ mana.

Jeremia 49:39

Yrome imeĩpo Erão ehtopõpyry sã tyripõko ropa ase. Ywy Ritonõpo oturuno.

Jeremia 51:44

Ritõ panõ Peu wãnohnõko ase, Papironia põkõ neponãmary. Imehnõ mõkomory tomatonanohse eya aexihpyry ipuxihkãko ropa ase. Imeimehnõ ahno tõ mokyro eahmakehnõko mã toto. — Pata Papironia apuru tõ toepukase mã kehko.

Ezekieu 38:16

Moro ẽmepyry toehse ahtao jomi poe oehnõko mase ynonory pona imeimehnõ nonory põkõ juaro ehtohme, kure jehtoh enetohme eya xine ynyriry poko amaro xine.

Ezekieu 40:2

Enepotoh ae tarose ywy Ritonõpo a Izyraeu nonory pona ypy kaehxo exikety pona. Moroto ypy poro jẽpataka pata panõ enease, tapyi tõkehko.

Tanieu 10:14

Seromaroro toeporehkase ywy oya ãmorepase imeĩpo oekyry tõ ehtoh poko. Moro enepotopõpyry oya imeĩpo ehtoh poko enetupuhtohme mana, tykase.

Tanieu 2:28

Yrome Ritonõpo Kapuaõ tuaro Exiketyme mana, õsenehtopõpyry ekarory waro mana. Ãmorepary se toexiryke taosenehkapose mase eya, imeĩpo ehtoh poko zuaro oehtohme. Seromaroro, tuisa, õsenehtopõpyry ekarõko ase oya, Ritonõpo nekarohpyry oya tynyhse awahtao õsenetoh ae:

Tanieu 2:35

Axĩ moro kurimene orino maro te, metau te, parata te, uuru roropa tãtakuhmose. Akumurume toehse, tiriiku pihpyry samo, tarose emero tyryrykane a, atakoinohpyra toehse kehko. Mame moro topu tahtase, zumohxo toehse ypy sã konõto. Nono typehse ike.

Tanieu 2:45

Morara ãko moro onenehpyry topu tapiakase ahtao ypy poe tamoreme, onypurohmara ahtao ahno a. Mame moro topu a orutua panõ totapase kurimene risemy te, metau te, parata te, orino te, uuru risemy, enara. Ritonõpo Imehxo Exikety imeĩpo ehtoh enepõko oya mana. Moro sã nexiase õsenehtopõpyry. Moro sã mã enetupuhtoh kehko, tykase Tanieu eya.

Ozeja 3:5

Yrome ẽmepyry oehnõko mana: Izyraeu tõ oehnõko ropa Ritonõpo eahmase ropa Tosẽkõme. Tutuisake exĩko mã toto tuisa Tawi paryme exikety. Morarame Ritonõpo eahmãko mã toto Tosẽkõme, aomiry omipona, inekarory kurã tuhke apoĩko roropa mã toto.

Zakaria 14:10

Izyraeu tõ nonory pipahmãme exĩko mana porehme, Kepa poe inikahpoe, Rimõ pona, Jerusarẽ poe ikurenaka. Jerusarẽ rokẽ pata kaehxo exiketyme exĩko mana. Moroto ahno exĩko mana tosake Omõtoh Pẽjamĩ poe Omõtoh Wazahmatoh pona, osemazuhme Omõtoh Pakatome kynexine, tapyi kaetokohxo Hananeu poe eukuru ẽ konõto pona tuisa okuru ritoh pona.

Zakaria 14:9

Ritonõpo Kuesẽkõ sero nono põkõ emero tuisaryme exĩko mana. Ynoro rokẽ Ritonõpome exĩko mana, Kuesẽkõme esehtõko mã toto emero porehme.

Zakaria 8:22

Imeimehnõ nono põkõ jamihme exiketõ tuhke oehnõko Jerusarẽ pona Ritonõpo Jamihmehxo Exikety eahmase, oturuse roropa eya, kure rokẽ toto ripotohme eya.

Zakaria 8:3

Oehnõko ropa ase Jerusarẽ pona, morotona osesarise. Mame Jerusarẽ esehtõko mã toto “Pata Anamonohpyra Ehtopo”. Ypy moro roropa Ritonõpo Jamihmehxo Exikety esary esehtõko mã toto “Ypy Kurano”.

Marakia 3:12

Imeimehnõ nonory põkõ tãkye oekarõko mã toto oesarykõ ononorykõ kure exiryke otyro zamaro exiketyme rahkene. Ywy, Ritonõpo Jamihmehxo Exikety, oturuno.

Numeru 24:14

Ynara tykase Paraão Parake a: — Seromaroro ytõko ropa ase wekyry tomo a; yrome osemazuhme ekarory se hano Izyraeu tõ nyriry poko opoetory tomo a imeĩpo.

Atos 2:17

“Imeĩpo ynara tyrĩko ase, ãko Ritonõpo, Juzenu ekarõko ase oya xine. Morarame omũkuru tõ oẽxiry tõ roropa jomiry ekarõko mana. Nuasemãkomo a osenepõko ase. Tamuhpomãkomo a oturũko ase aosenety.

2 Timoteu 3:1

Tuaro ehtoko, Jezu oehsasaka ahtao tuhke ehtomaketõ exĩko mana, Jezu omipona exiketõ poremãkapory se exiketomo.

Epereu 1:2

Morarame pake hkopyra kynoturune ropa Ritonõpo kyya xine Tumũkuru ae. Ynororo a sero nono tõkehko tyripose eya aporo, sero põkõ emero. Mame tymenekase ynororo Ritonõpo a emero esẽme ehtohme, sero nono põkõ esẽme, kapuaõkõ esẽme roropa, enara ehtohme.

2 Peturu 3:3

Toto omihpyry poko roropa wenikehpyra ehtoko. Sero etyhpyry po iirypyrymãkõ eporehkãko, tyyrypyrykõ poko typenetatoh poko rokẽ exiketomo. Opoihtotorỹko mã toto. Ynara ãko mã toto:

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.

Apokaripxi 20:4

Morarame tuisa tõ apõ enease, epo typorohse exiketõ roropa. Imehnõ apiakananõme toehse toto Ritonõpo poe. Morarame Jezu poetory ekepyry tõ zuzenu enease. Zehnotokõ netapatyã nexiase Ritonõpo omiry poko imehnõ amoreparyke eya xine, Jezu nekarohpyry ekaroryke roropa eya xine. Tosekumuru po porohpyra exiketõ mokaro onokyroimo ẽpataka. Inyrihpyry ẽpataka roropa porohpyra toh nexiase. “Kure mase,” kahnõ roropa mokaro onokyroimo a. Onokyroimo esety onymeropopyra roropa toh nexiase typerykõ pokona, tomarykõ pokona roropa, enara. Naeroro tõsemãse ropa toto; tuisame toehse roropa toto Kyrixtu maro, nono põkõ esẽme, miume jeimãtoh pona.