Ezekieu 7:6 - Ritonõpo Omiry: A Bíblia Sagrada na língua Aparai do Brasil

⁶ Emero tonahkase. Etyhpyryme mana. Amarokõ roropa tonahse matose.

Ezekieu 7:6 ပူးပေါင်းရင်းမြစ်များ

Jeremia 44:27

Tãkye ehtoh onenehpopyra ropa ase oya xine, yrome ehxirotoh rokẽ ekarõko ase oya xine. Amarokõ emero Juta tomo Ejitu po orihnõko matose etonatoh poko, tyrohsẽ poko roropa oenatyrykõ ponãmero.

Ramẽtasão 4:18

Yna epetõkara yna enẽko toh nexiase ytosaromepyra yna ehtohme osema tõ ae. Isene yna ehtopõpyry enahsasaka nexiase, orihsasaka ynanexiase.

Ezekieu 12:23

Ynara kaxiko eya xine: ywy Ritonõpo ynara osenetupuhnõko ase moro poko: moro tuaro exikety omihpyry enahkãko ase, jũme moro aomihpyry onetazomopyra exĩko Izyraeu tõ rãnao. Ynara kaxiko: “Seromaroro toehse mana, emero exĩko mana Ritonõpo omihpyry ae ro.”

Ezekieu 21:25

— Omoro, Zetekia, Izyraeu tõ kowenatume, popyra mase, Ritonõpo omiry omipona pyra mase. Naeroro awãnohtoh oehnõko mana, jũme rokene.

Ezekieu 39:8

Ynara tykase Ritonõpo: — Moro ẽmepyry, ynekarohpyry oya xine, oehnõko mã rahkene.

Ezekieu 7:10

Awãnohtohkõ ẽmehnõko mana. Imeimehnõ ryhmãko mã toto emero pata tõ poro. Epyrypãkohxo mã toto.

Ezekieu 7:3

— Izyraeu tomo, seromaroro oenahtohkõ toehse mana. Ozehno xine jehtoh enehpõko ase, jetũ exĩko oya xine mana, ãpiakatorỹko ase onyrityãkõ eneryke ya. Oepehmatorỹko ase popyra oehtohkõ poko toehse oexirykõke.

Ezekieu 7:7

Oenahkapotohkõ oehnõko mana oya xine, sero ononorykõ põkõ roropa. Okynã pyra ypy tõ po oseahmatoh tao oseahmara exĩko matose, yrome otupĩko rokẽ matose.

Amoxi 8:2

Mame tõturupose ynororo ya, ynara tykase: — Amoxi, oty enẽko mah? — Ruto, pehme epery ke exikety, tahpirãse exiketõ ke! ase eya. Mame ynara tykase ynororo ya: — Izyraeu, ypoetory tõ enahsasaka mana. Epery tahpirãse exikety sã toehse mã toto, toto apoitoh eraximãko rokẽ mã toto. Jũme toto onypynanohpyra ropa exĩko ase, toto wãnohnõko ase.

Zakaria 13:7

Ritonõpo Jamihmehxo Exikety ynara tykase: “Tapema, owõko ty, jeky tõ pyno exikety etapatohme, erohkety jakorehmaneme! Jeky tõ pyno exikety etapako, mame kaneru tõ typahsẽme exĩko mã toto, sapararahme. Mame etonãko ase ypoetory tõ maro.

2 Peturu 2:5

Pakatokõ roropa iirypyryme toehse ahtao toto onypynanohpyra Ritonõpo tokurehse. Tuãnohse toto eya. Konopo konõto tonehpose eya sero põkõ nerymapotohme, iirypyrymãkõ nerymapotohme. Noe tõ rokẽ typynanohse eya. Zae ehtoh poko imehnõ amorepaneme Noe kynexine. “Oorypyrykõ irumekatoko, okurãkatohkõme Ritonõpo a,” tykase ynororo repe. Noe maro 8mãkõ rokẽ typynanohse Ritonõpo a.