Ezekieu 7:10 - Ritonõpo Omiry: A Bíblia Sagrada na língua Aparai do Brasil

¹⁰ Awãnohtohkõ ẽmehnõko mana. Imeimehnõ ryhmãko mã toto emero pata tõ poro. Epyrypãkohxo mã toto.

Ezekieu 7:10 ပူးပေါင်းရင်းမြစ်များ

Saumu 89:32

toto wãnohnõko ase iirypyrykõ pokoino, toto tuarimapõko ase azahkuru toto ehtoh emetakame.

Porowepio 14:3

Tuaro pyra exikety epyrypaketyme ahtao etuarimãko mana tõturutopõpyry pokoino, yrome tuaro exiketõ tõmiry ke towomasẽme exĩko mã toto.

Porowepio 16:18

Epyrypatoh ahno arõko rokẽ mana enahkatoh taka, imehnõ motye kure osekaroryhtao typoremãkasẽme exĩko mana.

Izaja 10:5

Ynara tykase Ritonõpo: “Popyra ehtoh oehnõko Axiria tuisary a! Kaparu sã mana jemary ao imehnõ wãnohtohme toto zehno jahtao.

Izaja 21:12

Mokyro ezuhnõko erase mana, ynara ãko: “Ẽmehnõko mana, yrome kohmãnõko ropa mana. Awãnohtohkõ otyhkasasaka mana seromaroro. Naeroro eramatoko Ritonõpo a, oezuhtohkõ kurã ekarotohme oya xine, awãnohtohkõ oehtohto ropa. Mame osehtoko ropa ekaropotohme ropa.”

Izaja 28:1

Popyra ehtoh oehnõko Samaria pona, typatarykõ kurã poko epyrypãko Izyraeu tõ etỹketomo. Pata kurã potu myhene jakanahmã kurã epoe! Apatary põkõ toetỹse mã toto, pata enekure ehtoh enahnõko mana ekuru aremamyry samo.

Ezekieu 12:23

Ynara kaxiko eya xine: ywy Ritonõpo ynara osenetupuhnõko ase moro poko: moro tuaro exikety omihpyry enahkãko ase, jũme moro aomihpyry onetazomopyra exĩko Izyraeu tõ rãnao. Ynara kaxiko: “Seromaroro toehse mana, emero exĩko mana Ritonõpo omihpyry ae ro.”

Ezekieu 19:14

Zoko tyahkase apoto ke; amoriry kehko tonahkase apoto a uwa tõkehko maro. Jũme amoriry tõ jamihme pyra exĩko mã kehko. Jũme tuisa myxiryme exipyra ropa mana. Sero eremiatoh emynyhmatoh poko, tuhke toremianohse kyya xine.

Ezekieu 21:10

Taere mana sahkatõme; tykorokase zemime ehtohme nenenehkane samo. Tãkye ehsaromepyra mã toto, enaroximatoh tonõ turumekase exiryke ypoetory tomo a emero, toto wãnohtoh tonõ roropa.

Ezekieu 21:13

Sero ke ypoetory tõ kuhnõko ase. Tyyrypyrykõ rumekary se pyra toto ahtao, senohne emero exĩko eya xine mana. Ywy, Ritonõpo Oesẽkõ, oturuno.”

Ezekieu 30:3

Moro ẽmepyry ameke pyra mana, moro ẽmepyry ae popyra ehtoh enehpõko Ritonõpo mana, akurũ xinukutume exĩko mana, imeimehnõ nonory põkõ wãnohtohme.”

Ezekieu 7:12

Okynã pyra tõsepekatyry se pyra exĩko mã toto, toiparo rokẽ osepekahnõko mã toto, mõkomo onekamopyra exĩko mã toto roropa, emero zehno exĩko Ritonõpo mana, toto wãnohnõko roropa mana emero porehme.

Ezekieu 7:6

Emero tonahkase. Etyhpyryme mana. Amarokõ roropa tonahse matose.

Ezekieu 7:9

Opynanohpyra xine exĩko ase, nupunato oenepyra xine exĩko roropa ase. Awãnohtorỹko ase popyra ehtoh poko toehse oexirykõke. Morara ahtao juaro exĩko matose, ywy ase Ritonõpo, ywy ase awãnohnekomo.

Tanieu 4:37

Morara exiryke ywy, tuisa Napukotonozo, “Kure mase,” ãko ase Ritonõpo Kapu Esemy a. “Tuisamehxo mase,” ãko ase eahmaryme. Inyriry emero zae nase ipunaka, epyrypaketõ poremãkapory waro roropa mana. Enara.

Joeu 1:15

Moro ẽmepyry oehnõko, myhẽ mana! Kuesẽkõ ẽmepyryme exĩko. Sero enahkapõko Kuesẽkõ Jamihmehxo Exikety mana. Oserehtoh konõto exĩko moro ẽmepyry ae mana!

Numeru 17:8

Yrokokoro Moeze tomõse Tapyi Kurã taka. Imyxiry tonese eya Arão esety ke ipoko, Rewi ekyry tõ tuisary kyryryme tarỹtase. Tokutase roropa, topere toehse roropa, amẽtoa tõ toehsehxo exiketomo.

1 Tesaronika 5:3

Ynara karyhtao eya xine: “Emero kure sytatose,” ãko toh mã repe, tuaro pyra toexirykõke. Yrome axĩ toto etuarimatoh oehnõko mana. Atarypõko mã toto, nohpo oxietũtopitory samo. Toepatohkõ zupĩko mã toh repe.

Tiaku 4:6

Yrome Tuzenu ke kyjamihtanohtorỹko Ritonõpo mana kyyrypyrykõ poko penetara kuehtohkõme. Ynara tymerose sero poko Ritonõpo omiryme: “Imehnõ motye se exiketõ akorekehkãko Ritonõpo mana, yrome imehnõ motye se pyra exiketõ rokẽ poko enupunãko Ritonõpo mana,” ãko mã Ritonõpo omiry kyya xine.