Ezekieu 5:5 - Ritonõpo Omiry: A Bíblia Sagrada na língua Aparai do Brasil

⁵ Ynara ãko Ritonõpo mana: — Enetoko ke, pata Jerusarẽ sero sã mana. Sero pata tyrise ya sero nono rãnao. Imehnõ nonory põkõ tyrise ya Jerusarẽ zomye.

Ezekieu 5:5 ပူးပေါင်းရင်းမြစ်များ

Saumu 87:3

Etako pahne, Ritonõpo patary, aotururu kurã Jerusarẽ poko:

Jeremia 6:6

Ritonõpo Jamihmehxo Exikety ynara tyripose tuisa tomo a: — Wewe tõ akohtoko, opyi tõ tyritoko onuhtohme etonatohme Jerusarẽ põkõ maro. Ynara tykase roropa ynororo: — Sero pata põkõ wãnohnõko ase imehnõ osanumaryke eya xine ipunaka.

Ramẽtasão 1:1

Myhene! Myhene! Jerusarẽ turumekase mana. Apitoryme tẽme nexiase ahno ke! Pata kure potu nexiase. Enese tooehse mã toto moino, nono etyhpyry poe, yrome seromaroro pytỹpome sã toehse mana. Tuisa ẽxiryme sã nexiase pata tõ rãnao, yrome imehnõ namotome sã toehse mana.

Ezekieu 16:14

Imeimehnõ nonory po emero, opoko tõturuse toto, oryxime oehtoh poko, enekure tyrise ya oexiryke. Ywy ase Ritonõpo Oesẽkomo, amaro oturukety.

Ezekieu 4:1

Ynara tykase Ritonõpo Jerusarẽ poko: — Ahno mũkuru, orino risẽ apoiko tyritohme oẽpataka, mame ipokona pata Jerusarẽ kuhtoh tyriko.

Ezekieu 5:4

Mame toitoine oũsety ixixĩtopõpyry poe touko ropa ematohme apoto htaka jahkatohme. Moro apoto tũtãko mokaro wino sapararahme sã Izyraeu tõ poro porehme.

Mikeja 5:7

Mame Izyraeu tõ isene ro exiketõ konopo sã exĩko mã toto imehnomo a, Ritonõpo nenehpohpyry samo nono pona otyro ehxikatohme. Ritonõpo eraximãko mã toto takorehmatohkõme, ahno oneraximara exĩko mã toto.

Mateu 5:14

— Imehnõ amorepatoko ypoko, toto tuarõtatohme ypoko. Morara awahtao xine saerehkane sã matose sero nono po. Pata konõto kaetokõ po tyrise ahtao jarao osenẽko mana. Moro sã matose. Juaro awahtao xine zae oehtohkõ enẽko imehnõ mana.

1 Korĩtiu 10:4

Ritonõpo nekarohpyry tõse roropa eya xine. Topu ae tuna tutũtase, toto okurume. Yrome moro topu Jezu Kyrixtu enetupuhtoh kynexine. Toto maro toytose ynororo.

Teuteronomiu 4:6

Naeroro tomeseke ehtoko yronymyryme ynyripohpyry tõ omipona oehtohkõme. Mame imehnõ oenetorỹko mã toto, tuaro exiketõme oekarotorỹko mã toto zae ehtoh waro exiketõme roropa. Mame Ritonõpo Omihpyry etaryhtao eya xine ynara ãko mã toto opoko xine: “Tuaro mokaro mã toto. Itamurume zuaro mã toto. Ahno imehxo mã toto.”

Teuteronomiu 8:20

Ritonõpo Kuesẽkõ omihpyry omipona pyra awahtao xine orihnõko matose mokaro samo, mokaro enahkãko Ritonõpo mana onenerykõme.