Ezekieu 5:10 - Ritonõpo Omiry: A Bíblia Sagrada na língua Aparai do Brasil

¹⁰ Morara exiryke Jerusarẽ po jũkõ typoenõkõ õnõko mã toto; ipoenõkõ tumykõ õnõko roropa mã toto. Awãnohtorỹko ase; orihpyra exiketõ sapararahme exĩko mã toto imeimehnõ nonory poro porehme.

Ezekieu 5:10 ပူးပေါင်းရင်းမြစ်များ

2 Tuisa 6:29

Naeroro umũkuru tahnose, tõse yna a. Yrokokoro: “Seromaroro omũkuru sõne,” ase eya repe. Yrome tumũkuru tonẽse eya! tykase.

Neemia 1:8

Wenikehpyra exiko õmihpyry poko eya: “Jurumekaryhtao oya xine, Izyraeu tomo, amarokõ pahnõko ase imehnõ nonory poro.

Saumu 44:11

Yna maro pyra oexiryke, yna etaetapase toto kaneru tõ samo, sapararahme yna taropose oya imehnõ nonory pona.

Izaja 49:26

Mame oepetõkara tõsenahkarykõ poko toto ripõko ase. Aetỹtyã exĩko mã toto imehnõ etapary poko, zehno toexirykõ poko roropa. Morarame ahno emero zuaro exĩko mã toto ywy, Ritonõpo, Opynanohnekõme ase; ãpuruhpyry tae otũtanohponekomo. Zuaro exĩko mã toto ywy, Ritonõpo, Izyraeu tõ Esẽ Jamihmehxo ase.”

Izaja 9:20

Emero pata tõ po tonahsẽ zupĩko mã toto. Axĩ enahnõko mã toto eneryhtao, yrome omise ro exĩko mã toto. Typoenõ pũ õnõko roropa mã toto!

Jeremia 13:14

Mame toto akuhmõko ase emero oripo tõ samo osepokona, tamuhpomãkomo poetohti tõ maro. Toto pyno pyra exĩko ase, nupunato onenepyra exĩko ase, toto enahkapõko ase, toto onewomara exĩko ase ipunaka.

Jeremia 19:9

Epetõkara pata apurũko mã toto, pata põkõ etapary kuhnõko mã toto. Itamurume popyra exĩko moro pata po tapuruse ahtao. Ahno imehnõ ahno õnõko mã toto, typoenõ õnõko roropa Jerusarẽ põkõ mana.

Jeremia 44:12

Juta põkõ enahkapõko ase porehme: tynonorykõ po tehme toh nexiase aporo, mame imeĩpo toytorykõ se toh nexiase Ejitu pona. Mokaro emero tamuximãkomo, ime pyra exiketõ maro orihnõko mã toto Ejitu po: etonatoh po orihnõko mã toto, omise konõto ehtoh ke roropa. Mokaro eneryke osenuruhkãko imehnõ mana. Enaromỹke exĩko mã toto. Imehnõ mokaro eunohnõko mã toto; esetykõ esehtõko mã toto popyra ehtoh enehpotohme.

Jeremia 49:32

— Jeky tõ tarosẽme exĩko mã kehko, kameru tomo, pui tõkehko! Mokaro ahno sapararahme aropõko ase emero rokẽ pona, mytyhse tũsetykõ sahkananomo, mokaro a popyra ehtoh enehpõko ase emero rokẽ poe. Ywy Ritonõpo oturuno.

Jeremia 49:36

Tyryrykane enehpõko ase emero rokẽ poe Erão pona. Erão põkõ sapararahme aropõko ase imeimehnõ nonory pona. Imehnõ nonory pona epãko mã toto.

Jeremia 50:17

Ritonõpo Kuesẽkõ ynara tykase: — Izyraeu tõ kaneru tõ sã mã toto tyyryhmase ahtao reão tomo a, sapararahme taropose ahtao roropa eya xine. Osemazuhme Izyraeu tõ typoremãkase Axiria tuisary a, imeĩpo jehpyry tonahse tuisa Napukotonozo a, Papironia esemy.

Jeremia 9:16

Sapararahme ypoetory tõ aropõko ase imeimehnõ nonory pona. Mokaro ehtoh waro pyra toh nexiase. Itamuru tõ mokaro ehtoh poko zuaro pyra roropa toh nexiase. Imehnõ soutatu tõ enehpõko ase etonatohme ypoetory tõ maro toto enahkatoh pona ipunaka.

Ramẽtasão 2:20

Eneko ke Ritonõpo, yna Esemy! Oty katohme yna wãnohnõko mah sero samo? Nohpo tõ typoenõ õnõko mã toto, toto pyno toto ahtao ro. Urutõ kõ, oturuketõ roropa totapasẽme exĩko mã toto Atapyĩ kurã tao!

Ramẽtasão 4:10

Jerusarẽ tonahkase ahtao, nohpo tomo, typoenõ pyno aehtyã, typoenõkõ tahnose eya xine tõtuhtohkõme.

Ramẽtasão 4:16

Mokaro pyno pyra toehse Ritonõpo nexiase; sapararahme toto taropose eya. Mokaro oturuketõ otururu etary se pyra nexiase. Tamuximãkõ pyno pyra toehse roropa nexiase.

Ramẽtasão 4:3

Ropo nohpory itu htaõ suhsu ekarõko typoenomo a. Yrome wekyry tõ mã awexituruze tõ sã mã toto, typoenõ pyno pyra sã mã toto.

Ezekieu 12:14

Imaro exiketõ emero sapararahme aropõko ase, emero rokẽ winakoxi tuaro ehtoh poko akorehmananomo te, ewomananomo, soutatu tomo; toto ekahmãko imehnõ mana toto etapatohme.

Ezekieu 12:15

— Mame taropose toto ahtao ya imehnõ ahno rãnaka, imeimehnõ nonory poro roropa, zuaro exĩko mã toto, ywy ase Ritonõpo.

Ezekieu 17:21

Isoutatu tõ kurehxo exiketõ totapasẽme exĩko mã toto tõtuorykohtao. Mame akoĩpyry isene ro exiketõ sapararahme exĩko mã toto imeimehnõ nonory pona. Zuaro exĩko matose, ywy, Ritonõpo, oturũko ase.

Ezekieu 20:23

Naeroro moroto ona tonorẽ po jomiry etapoase eya xine: Sapararahme Izyraeu tõ aropõko ase imeimehnõ nonory pona porehme.

Ezekieu 22:15

Sapararahme aaropotorỹko ase imeimehnõ nonory pona, imeimehnõ ahno rãnaka, popyra oehtohkõ enahkapõko ase ipoko pyra oehtohkõme.

Ezekieu 36:19

Popyra toto ehtopõpyryke tuãnohse toto ya inyrityã popyra exiryke, naeroro sapararahme toto taropose ya imeimehnõ nonory poro.

Ezekieu 5:12

Zokonaka amarokõ tyrohsẽ ke orihnõko matose, omise oehtohkõke roropa pata po; imepỹ zokonaka totapasẽme exĩko oepetõkara a te, imepỹ zokonaka sapararahme exĩko imehnõ nonory poro emero. Tokahmasẽme roropa exĩko mã toto, etapary se exiketomo a.

Ezekieu 5:2

Mame oepetõkara a pata rumekary ropa ahtao, ytoko pata rãnaka oũsety toiro zokonaka jahkatohme. Imeĩpo ytoko pata zomye, imepỹ zokonaka oũsety ihkotyhpyry aroko. Moro oũsety ihkohko tapema ke. Mame oũsety akoĩpyry emako kakoxi aropotohme tyryrykane a: mokaro ekahmãko ase ytapemã ke.

Ezekieu 6:8

— Yrome ahno akoĩpyry nomõko ase isene ro, sapararahme exĩko mã toto imehnõ nonory po,

Tanieu 9:7

Omoro, Ritonõpo, zae mase ipunaka, yrome ehxirõko ynanase zae pyra yna ehtoh pokoino, opoetory tomo, Jutea põkomo, Jerusarẽ põkomo te, Izyraeu tõ roropa porehme sapararahme onyripotyamo imeimehnõ nonory poro, ameke pyra exiketõ pona, amekehxo exiketõ pona roropa. Morara tyrise oya Õmihpyry omipona pyra toehse toto exiryke.

Rewitiku 26:29

Tonahsẽ pyra exĩko mana yronymyrymehxo, opoenõkõ õnõko matose omise oexirykõke.

Rewitiku 26:33

Osetapatoh enehpõko ase oya xine. Sapararahme aropotorỹko ase imeimehnõ nonory pona; ononorykõ po ahno pyra exĩko mana, patãpome exĩko mã kehko.

Amoxi 9:9

— Ynara tyripõko ase: ahno kurã apiakãko ase popyra exiketõ winoino Izyraeu nonory po, tiriiku puhturu apiakary sã ipihpyry winoino, toiro puhturu onemapopyra exĩko ase.

Zakaria 2:6

Ynara ãko Ritonõpo mana typoetory tomo a: — Epatoko, Xião põkomo, tapoise mexiatose papironio tomo a, epatoko! Epatoko moro nono põkõ inikahpoẽkõ poe! Typahse sã mexiatose ya imeimehnõ nonory tõ pona. Yrome seromaroro ooepyrykõ ropa toehse nase, Jerusarẽ pona ooehtohkõme ropa.

Zakaria 7:14

Wirikane sã sapararahme typahse toto ya imeimehnõ nonory pona. Inonorykõ kurano, otyro zamaro exikety, patãpome toehse tytaõke pyra ipunaka!

Ruka 21:24

Toto etapãko imehnõ mana. Typoetoryme opoenõkõ apoĩko roropa imehnõ mana toto arotohme emero pata tõ punero. Morarame Jerusarẽ põkõ enahkapõko Ritonõpo waro pyra exiketõ mana. Ipatarykõ maro toto enahkapõko mã toto. Mame tuarimakehpotoh toehse ahtao, tuarimakehpõko Ritonõpo mana. Enara.

Teuteronomiu 28:64

— Imeimehnõ nono pona sapararahme aaropõko Ritonõpo mana nono etyhpyry poe imepỹ etyhpyry pona. Moroto oneponãmarykõ eahmãko matose wewe risemy, topu risẽ roropa, mokarohne waro exipitopyra mexiatose, toto waro pyra atamurukõ nexiase roropa.

Teuteronomiu 32:26

Sapararahme toto aropõko ase sero nono poe, tykase repe, toto poko imehnõ wenikehtohme,

Teuteronomiu 4:27

Sapararahme amarokõ pahnõko Ritonõpo Oesẽkõ mana imeimehnõ nonory pona, moroto tuhke pyra isene exĩko matose.