Ezekieu 32:3 - Ritonõpo Omiry: A Bíblia Sagrada na língua Aparai do Brasil

³ Ahno tõ tuhkãkõ tõximõse ahtao, ywy, Ritonõpo Oesẽ, ãpoĩko ase tarãpa ke. Morararo otywyhmapõko ase eya xine tuna ehpikoxi.

Ezekieu 32:3 ပူးပေါင်းရင်းမြစ်များ

Jo 7:12

Oty katoh jenẽko mah tuna konõtome jahtao samo? Ihporyme jekaroryke tuna konõto kuao, otarame?

Ekereziaxti 9:12

Zuaro ehsaromepyra sytatose otara ahtao typoremãkasẽme exĩko sytatou. Torõ tõ samo toepukase ahtao apoitoh taka, kana sã roropa tomõse ahtao tarãpa aka. Moro sã typoremãkasẽme exĩko sytatose oneraximara kuahtao xine.

Jeremia 16:16

Ynara tykase Ritonõpo: — Kana anỹnanõ enehpõko ase tuhke, mokaro anỹtohme. Imeĩpo urakanaketõ tuhke enehpõko ase mokaro zupitohme ypy tõ po te, somohmã po te, oramã kõ ao topu tõ ao. Ywy, Ritonõpo, oturũko ase.

Ramẽtasão 1:13

“Apoto tonehpose eya ypona yzahkatohme ukurohtao. Ahno apoitoh tyrise eya japoitohme, tomase ywy eya nono pona. Imeĩpo jurumekase jetuarimatoh tao jũme samo.

Ezekieu 12:13

Yrome ahno apoitoh rĩko ase, mokyro apoĩko ase moro ao. Moromeĩpo pata Papironia pona mokyro arõko ase. Moroto orihnõko mana, yrome moro onenepyra ekurehnõko mana.

Ezekieu 17:20

Tarãpa emãko ase, urakanakety samo mokyro apoitohme. Papironia pona mokyro arõko ase zuãnohtohme moroto, jomihpyry omipona pyra toehse exiryke.

Ozeja 7:12

Yrome torõ tõ apoine sã tarãpa ke, mokaro apoĩko ase. Toto wãnohnõko ase toto etatopõpyry ae ro toto oximõtoh tao.