Ezekieu 3:7 - Ritonõpo Omiry: A Bíblia Sagrada na língua Aparai do Brasil

⁷ Yrome Izyraeu tõ õmiry etary se pyra mã toto, jomiry etary se pyra toexirykõke. Omi onymoipyra rokẽ mã toto; jomiry omipona se pyra roropa mã toto.

Ezekieu 3:7 ပူးပေါင်းရင်းမြစ်များ

Izaja 3:9

Oxisã imehnõ onyripyra mã toto; moro poko zae pyra mã toto. Jarao zae pyra toehtohkõ poko mã toto Sotoma põkõ ehtopõpyry samo; otonẽpyra mã toto iirypyryme ehtoh poko toto ahtao. Tuãnohsẽme exĩko mã toto, popyra toto ehtopõpyry epehpyry apoĩko mã toto.

Izaja 48:4

Putupyra oehtohkõ poko tuaro exine, opymyry kurimene sã tũpore mana, opery metau sã roropa tũpore mana.

Jeremia 3:3

Morara exiryke konopo oehpyra toehse, onenehpopyra jexiryke konopo oehtoh po toehse ahtao. Yrome amarokõ imeimehnõ poko exikety ẽmyty nae matose; ehxiropyra matose.

Jeremia 44:16

— Otato pyra exĩko ynanase onekarohpyry poko yna a Ritonõpo Kuesẽkõ omiryme.

Jeremia 5:3

Amonohkara tõmiry omipona exiketõ zupĩko Ritonõpo mana. Typipohse mexiatose eya yrome otato pyra mexiatose; takurihmose mexiatose eya, yrome enetuputyry se pyra mexiatose. Putupyra exiketõ sã mexiatose, oorypyrykõ rumekary se pyra mexiatose.

Jeremia 6:10

Ynara tykase ywy: — Onokãkõ maro oturũko ha? Jotururuhtao enaroximatohme onokãkõ otato exĩko nae? Typanarykõ apurũko mã toto etary se pyra toexirykõke. Onekarohpyry etary se pyra mã toto, eunohnõko mã toto.

Jeremia 6:17

Morarame enenanõ tyrise Ritonõpo a oewomananõme rue etatohme! Yrome: — Onetara ynanase, tykase toto.

Jeremia 7:27

— Morara exiryke, Jeremia, sero jomiry emero ekaroko ypoetory tomo a, yrome otato pyra exĩko mã toto; toto kohmãko mase repe, yrome onezuhpyra exĩko mã toto.

Ezekieu 2:4

Putupyra sã mã toto, jomiry etary se pyra. Aaropõko ase eya xine, jomiry ekarotohme eya xine: “Ynara ãko Ritonõpo Kuesẽkõ mana,” katohme eya xine.

Ezekieu 24:7

Ahno totapasẽ moro pata po; yrome munu ekuãpyra nono pona tonẽsẽme ehtohme. Topu pona tukuãse nexiase.

Ezekieu 3:6

Aaroporyhtao ya imeimehnõ nonory pata konõto põkomo a, omi tupimã ae oturuketomo a, aomiry onenetupuhpyra oehtopo, õmiry etary se toh exiry repe.

Ezekieu 3:8

Yrome seromaroro orĩko ase orẽpyra, mokaro sã oehtohme: putupyra exiketõ samo, tõsenetupuhtohke tũpore exiketõ samo.

Zakaria 7:11

Yrome otato pyra toehtohkõ se toh nexiase, jomiry omipona se pyra. Toeramase toh nexiase ywinoino, typanarykõ tapuruse nexiase, ynyripohpyry tõ onetara toto ehtohme.

Zakaria 7:12

Tũpore sã toehse toh nexiase ikurohtao xine, topu samo, ynyripohpyry tõ omipona pyra toehtohkõme; jomihpyry roropa Juzenu nekarohpyry urutõ komo a pake, omipona pyra toehtohkõme. Morara exiryke tohne toehse exiase ipoko xine.

Ruka 10:16

Mame ynara tykase Jezu typoetory tomo a: — Õmirykõ etahpõkõ jomiry etãko roropa toh mana. Morararo ose xine pyra exiketõ yse pyra roropa toh mana. Jenehpohpõ se pyra roropa toh mana, yse pyra toehtohkõ samo. (Ytotoko rahkene. Jomiry ekarotatoko emero pata tõ punero, tykase Jezu eya xine. — Ỹ, tykase toto. Mame toytose toh rahkene omi kurã ekarose.)

Ruka 13:34

Mame ynara tykase ropa: — Jerusarẽ põkomo, Ritonõpo poko urutõ kõ etapananõme matose. Topu emananõme matose Ritonõpo naropotyã pona, oya xine aropotyã pona. Tuhke rokẽ oeahmarykõ se exiase repe. Oewomarykõ se roropa exiase repe kuratiri nohpory a typoenõ ewomary samo taporiry zopikoxi. Yrome yse pyra mexiatose.

Ruka 19:14

— Morarame imehnõ ipataõkõ tosẽkõme ise pyra toh kynexine. Zehno toh kynexine. Ahno tonyohse eya xine ĩkapo, ynara katohme: “Mose se pyra ynanase yna esẽme,” katohme repe.

1 Samueu 8:7

Mame tozuhse ynororo Ritonõpo a, ynara tykase: — Mokaro omiry etako, orumekãko rokẽ pyra mã toto. Jurumekãko roropa mã toto tutuisarykõme, tykase Ritonõpo.