Ezekieu 3:5 - Ritonõpo Omiry: A Bíblia Sagrada na língua Aparai do Brasil

⁵ Aaropopyra ase mya imehnõ nonory pona tyoro omiry ae oturuketomo a, omi tupimã ae oturuketomo a, Izyraeu tomo a rokẽ aaropõko ase.

Ezekieu 3:5 ပူးပေါင်းရင်းမြစ်များ

Saumu 81:5

Toytose Ritonõpo ahtao Ejitu põkõ poremãkapose tõmihpyry tokarose eya Izyraeu tomo a, aomipona toto ehtohme. Omi totase ya onoky omiryme? Zuaro pyra exiase. Ynara tykase:

Izaja 28:11

Jomiry etary se pyra awahtao xine, ourutorỹko Ritonõpo mana imehnõ omiry ae.

Izaja 33:19

Mokaro ahno epyrypaketõ onenepyra ropa exĩko matose, tyoro omiry ae oturuketomo, omi tupime enetuputyry.

Ezekieu 3:4

Mame ynara tykase Ritonõpo: — Ahno mũkuru, ytoko Izyraeu tomo a toto zuruse ynekarohpyry poko.

Ezekieu 3:6

Aaroporyhtao ya imeimehnõ nonory pata konõto põkomo a, omi tupimã ae oturuketomo a, aomiry onenetupuhpyra oehtopo, õmiry etary se toh exiry repe.

Ezekieu 43:5

Mame janymyase Ritonõpo Zuzenu. Jaroase zara pona Tapyi taka, osenuhmase Ritonõpo Tapyĩ pehme nexiase Ritonõpo saerehkatoh ke.

Jona 1:2

— Aimo, atakimako oytotohme pata konõto Niniwe pona moro põkõ zurutohme. Mokaro wãnohnõko ase popyra toto ehtoh waro toehse jexiryke, tykase Ritonõpo.

Atos 14:11

Mokyro ekurãkasẽ eneryke tyya xine tõturuse toto oxime tõmirykõ ae imoihmãkomo. Ynara tykase toto: — Ritõ kõ noehno kyya xine ahnome, tykase toh repe, Pauru tõ poko.