Ezekieu 27:9 - Ritonõpo Omiry: A Bíblia Sagrada na língua Aparai do Brasil

⁹ Wewe poko erohketõ wapu riry waro toto, Pipyro põkõ nexiase, emese kure exiketomo. Wapu ae ytoketõ emero rokẽ tõsepekahse toh nexiase oya, õsepekahtoh tao.”

Ezekieu 27:9 ပူးပေါင်းရင်းမြစ်များ

1 Tuisa 5:18

Moro topu tõkehko poko, wewe poko roropa toerohse Saromão poetory tomo te, Hirão poetory tomo te, imehnõ erohketõ Pipyro põkõ maro, enara. Toerohse toto Ritonõpo eahmatoh risẽ riry poko.

Saumu 104:26

Tuna konõto poro wapu tõ ytõko, zue ao Rewiatã osemeikãko mana, onokyroimo nakuaono onyrihpyryme toexiryke.

Saumu 83:7

Kepau põkomo te, Amõ tõ maro, Amareke tõ maro, pirixteu tomo te, Tiro põkomo, enara.

Saumu 83:8

Axirio tõ roropa osepeme toehse mokaro maro, tyjamitunuru ke amonita tõ akorehmãko, moapita tõ roropa, Ro pakomotyamo.

Jozue 13:5

Nae ro tapoisemy jepaujana tõ nonory; Ripano nonory roropa emero xixi tũtatoh wino, Paau-Kate poe, ypy Heremõ myhto, onuhtoh Hamate pona.

Apokaripxi 18:11

Mõkomo ekamonanõ roropa sero nono põkõ xitãko mana. Mokaro hnamõko mã toto, tymõkomorykõ epekahnanõ pyra toehse exiryke.

Apokaripxi 18:3

Ynara exiryke, Papironia põkõ nohpo sã mana, imeimehnõ poko exikety samo. Eukuru ekamory sã tõsekarose ynororo imehnõ maro ehtohme. Sero nono põkõ tuisary tõ ipoko toehse. Sero põkõ mõkomo poko erohketõ tytineruke toehse tymõkomoke roropa Papironia põkõ pokoino, nohpo poko exiketõ sã typenetatohkõ poko toehse toexirykõke.