Ezekieu 27:3 - Ritonõpo Omiry: A Bíblia Sagrada na língua Aparai do Brasil

³ Moro pata, tuna konõto ehpio po, osepekahketyme ynororo imehnõ nonory põkõ maro emero porehme, tuna konõto ehpio põkõ maro. Kaxiko, ynara ãko Ritonõpo Kuesẽkõ mana: “Pata Tiro, epyrypãko mexiase enekure oehtoh poko.

Ezekieu 27:3 ပူးပေါင်းရင်းမြစ်များ

Saumu 50:2

Saereh ãko moroto Ritonõpo mana Jerusarẽ po, pata kurã potu ipunaka.

Saumu 83:7

Kepau põkomo te, Amõ tõ maro, Amareke tõ maro, pirixteu tomo te, Tiro põkomo, enara.

Porowepio 31:14

Moino tonahsẽ enehnõko mã ynororo tytapyĩ taka, wapu tõ samo, osepekahketõ samo.

Izaja 23:11

Ritonõpo a tomary tanỹse, tuna konõto wãnohtohme; tuisa tõ nonory tonahkapose eya. Aomihpyry omi poe pata tõ jamihme exiketõ Penixia po tonahkapose toto.

Ezekieu 16:15

— Yrome nohpo enekure oexiryke, osepeme tuhke toehse roropa oexiryke, emero rokẽ opoko se exiketõ maro toehse mexiase.

Ezekieu 26:12

Omõkomory kurã ematonanohnõko oepetõkara, otinerũkõ maro. Apatarykõ apuru tõ itahkãko mã toto, atapyĩ tõ kurã kararahnõko mã toto, nono pona morohne emãko mã toto. Wewe tõkehko, topu tõkehko maro ikararahtopõpyry roropa pahnõko mã toto tuna konõto kuaka.

Ezekieu 26:17

Ynara eremiãko mã toto ohnamoryme: “Pata imehxo aexihpyry tonahkase! Ikanarykõ, wapu tõ tutumehse tuna konõto wino, typahse mã kehko. Moro pata põkõ orẽpyra toh nexiase tuna konõto esãme, toto zuno tuna konõto ehpio põkõ nexiase emero porehme.

Ezekieu 27:4

Tuna konõto oesaryme mana. Apatary tyrise orinanomo a wapu kurã samo.

Apokaripxi 18:3

Ynara exiryke, Papironia põkõ nohpo sã mana, imeimehnõ poko exikety samo. Eukuru ekamory sã tõsekarose ynororo imehnõ maro ehtohme. Sero nono põkõ tuisary tõ ipoko toehse. Sero põkõ mõkomo poko erohketõ tytineruke toehse tymõkomoke roropa Papironia põkõ pokoino, nohpo poko exiketõ sã typenetatohkõ poko toehse toexirykõke.