Ezekieu 26:3 - Ritonõpo Omiry: A Bíblia Sagrada na língua Aparai do Brasil

³ — Seromaroro ywy, Ritonõpo, ynara ãko ase: Pata Tiro, oepekara ase. Imeimehnõ nonory põkõ enehnõko ase tuhke etonatohme amaro. Oehnõko mã toto pohkane konõto samo tuna konõto kuao.

Ezekieu 26:3 ပူးပေါင်းရင်းမြစ်များ

Saumu 107:25

Aomiry omi poe tyryry tykapitose jamihme exikety, pohkane tõ poh tykapitose.

Izaja 5:30

Mame moro ẽmepyry toehse ahtao mokaro soutatu tõ oehnõko mã toto tuna konõto panaikato samo Izyraeu tõ poremãkatohme. Mame Izyraeu tõ nonory pũtokoxi osenuhmaryhtao xinukutumã rokẽ enẽko, emynyhmatoh roropa te, akurũ xinukutumãkõ saerehkatoh zonẽnõko mana.

Jeremia 21:13

Pata Jerusarẽ, kae oesary mana, jakanahmã tõ epoe, topu konõto sã ona kuraraximã epoe. Yrome ywy Ritonõpo etonãko ase oporemãkatohme. Imehnõ emero ouno xine ekarõko matose, oetapasaromepyra xine mã toto, apatarykõ apoitohme tyya xine.

Jeremia 50:31

— Papironia, imehnõ motye kure osekarõko matose. Naeroro ywy Ritonõpo, Jamihmehxo Exikety, oepekara ase! Awãnohtohkõ toehse mana.

Jeremia 50:42

Typyreke mã toto, tytakyke, tytapemake roropa. Imehnõ ryhmãko mã toto, imehnõ pyno pyra mã toto. Ipanaikatõ tuna konõto pohkane sã mana kawaru po aytorykohtao. Papironia põkõ maro osetapary eraximãko rokẽ mã toto.

Jeremia 51:42

Tuna konõto tooehse Papironia epozakoxi, tyneryse pohkane konõto kuao.

Jeremia 6:23

Typyreke mã toto: taky tõ ke, pyrou ke, tytapema ke, enara. Imehnõ pyno pyra mã toto, imehnõ nupunato onenepyra mã toto. Kawaru po ytõko mã toto, panaikato rĩko mã toto tuna konõto samo, pohkane konõto samo. Oehsasaka mã toto osetapase Jerusarẽ põkõ maro.

Ezekieu 21:3

ywy, Ritonõpo, ynara ãko ase: “Awãnohtorỹko ase. Ytapemã ke oetapatorỹko ase, emero, kure ehtoh poko exiketomo te, popyra exiketomo, enara.

Ezekieu 26:19

Ynara tykase Ritonõpo Kuesẽkomo: — Patãpome orĩko ase, pata tytohkase aexihpyry sã tytaõke pyra ipunaka. Nerỹko mase tuna konõto kuao.

Ezekieu 27:26

Tarose awahtao mya tuna konõto poro apukuita poko erohketomo a, omoro tynerymapose tyryrykane a xixi tũtatoh wino, moe, ameke nono poko.

Ezekieu 28:22

Kaxiko eya xine, ywy, Ritonõpo Oesẽkõ ynara ãko ase: “Pata Xitõ, oepekara ase. Morara exiryke ynyriry eneryke eya xine, jeahmãko mã toto. Apatary põkõ wãnopyryhtao ya, zuaro exĩko matose emero, ywy ase Ritonõpo, kure rokẽ ase.

Ezekieu 29:10

naeroro oepekara ase. Awãnohtorỹko ase otunary maro. Ejitu nonory tytororo oname tonorẽ rĩko ase, typõke pyra ehtohme, pata Mikitou poe ikurenae pata Asuã pona inikahpozakoxi te, Etiopia ehpio pona roropa.

Ezekieu 38:3

ynara kaxiko: ywy, Ritonõpo Oesẽkõ, mokyro epekara ase.

Ezekieu 5:8

Morara exiryke ywy, Ritonõpo Oesẽkomo, ynara ãko ase oya xine: ywy ase oepeme pyra; awãnohtorỹko ase jarao, imeimehnõ nono põkõ neneryme emero porehme.

Mikeja 4:11

Tuhkãkõ, imeimehnõ nonory põkõ tõximõse mã toto etonatohme amaro xine, Jerusarẽ põkomo. Ynara ãko mã toto: “Kure exiry Jerusarẽ tonahkase ahtao, nuriame tyripose ahtao roropa.”

Naum 2:12

Okyno tosekase reão a, ipũ tapiakase eya tynohpory zohme ipoenõ zohme roropa; tosary pehme toehse ikarimory ke.

Naum 3:5

Ritonõpo, Jamihmehxo Exikety ynara ãko: “Niniwe, awãnohnõko ase. Oupõ oũko ase, tupoke pyra oenepotohme imehnõ nonory põkomo a emero porehme, ohxirory enetohme eya xine.

Zakaria 14:2

Imeimehnõ ahno tõ emero oximõme enehpõko Ritonõpo mana osetapase pata Jerusarẽ maro. Moro pata poremãkãko mã toto. Mõkomo emero tarosẽme exĩko mana tapyi tõ tae mya rahkene. Nohpo tõ tyyryhmasẽme exĩko mã toto. Moro pata põkõ zokonaka tarosẽme exĩko mya imehnõ namotome. Ahno akoĩpyry tehme exĩko mã toto Jerusarẽ po.

Zakaria 9:4

Yrome morohne emero arõko Ritonõpo mana; Tiro põkõ mõkomory kurã emãko mana tuna konõto kuaka, moro pata roropa tyahkasẽme exĩko mana apoto ke.

Ruka 21:25

— Morarame tyorõ sã mã exĩko xixi, nuno, xirikuato roropa, tuarõtatohme, enetupuhpotohme. Mame popỹ eneryke tyya xine oserehnõko mã toto, pata tõ punero, tytyorõtase xixi tõ exiryke. “Otara exĩko taroino nae?” kary poko rokẽ mã exĩko toto. Sõkane sã panaikato tuna konõto exĩko. Pohãko konõto mana. Morohne zuno exĩko mã toto.