Ezekieu 17:2 - Ritonõpo Omiry: A Bíblia Sagrada na língua Aparai do Brasil

² — Ahno mũkuru, enetupuhpotoh ekaroko Izyraeu tomo a,

Ezekieu 17:2 ပူးပေါင်းရင်းမြစ်များ

Ezekieu 17:1

Mame ynara tykase Ritonõpo:

Ezekieu 20:49

Mame ynara tykase ywy: — Repe, Ritonõpo Jesemy, ajohpãme sã morohne ekarory kamexipopyra exiko ya. Ypoko oturũko mã toto, emero porehme: “Enetupuhpotoh rokẽ ekarõko mana,” ãko mã toto.

Ezekieu 21:5

Ahno emero zuaro exĩko mã toto ywy, Ritonõpo, ytapemã touse ya ẽ ae, mame onukurãkara ropa exĩko ase ẽ aka.”

Ezekieu 24:3

Ypoetory tõ, jomiry omipona pyra exiketõ zuruko sero enetupuhpotoh poko, ywy, Ritonõpo Oesẽkõ omi poe: “Oripo tyriko apoto pona, tuna ke pehme tyriko.

Ozeja 12:10

— Oturuase urutõ komo a, enepotoh ekaroase roropa eya xine; enetupuhpotoh tonõ ekaroase urutõ komo a ahno zurutohme.

Ozeja 12:11

Yrome tyneponãmarykõ eahmary se Kireate põkõ mana, morara exiryke orihnõko mã toto. Apoto apõ po Kiukau po pui orutua kõ zahkãko mã toto. Morara exiryke moro apoto apõ tõ ypyme topu tõme rokẽ exĩko tupito tõ ahkatopõpyry po.

Mateu 13:35

Morarame urutõ kõ omihpyry ae ro Jezu kynexine. Ynara kynexine urutõ kõ omihpyry pake: “Osenetupuhtoh ke toto amorepãko ase, tyorõ poko toto zurũko ase. Moro poko zuaro exipitopyra mã toto moino ro, sero nono ritopõpyry poe ro. Yrome morohne poko toto amorepãko ase,” tykase urutõ kõ pake Ritonõpo omiryme.

1 Korĩtiu 13:12

Osene xihpyry ae kuosenerykohtao popyra rokẽ osenẽko sytatose. Moro saaro seromaroro pitiko sã rokẽ Ritonõpo poko enetupuhnõko sytatose. Imeĩpo imaro kuahtao xine kure kuhse Ritonõpo enẽko sytatose, osẽpataka rahkene. Seromaroro zokonaka rokẽ zuaro sytatose. Yrome kuaro xine ynororo ipunaka. Imeĩpo zuarohxo exĩko sytatose roropa, kuaro xine Ritonõpo ehtoh samo.