Ezekieu 11:5 - Ritonõpo Omiry: A Bíblia Sagrada na língua Aparai do Brasil

⁵ Mame Ritonõpo Zuzenu a tapoise ywy. Ynara tykase ynororo ya ekarotohme ahno tomo a: — Izyraeu tomo, õtururukõ etãko ase; õsenetupuhtohkõ waro roropa ase tyritohme oya xine.

Ezekieu 11:5 ပူးပေါင်းရင်းမြစ်များ

1 Koronika 28:9

Mame tumũkuru Saromão a ynara tykase ynororo: — Aimo, oya ynara ãko ase, Ritonõpo omy esẽ enetupuhko, aomiry omipona exiko, ynoro rokẽ pyno exiko, ỹme exiko aomihpyry omipona. Kuosenetupuhtohkõ waro mã ynororo te, kypenetatohkõ roropa. Eya oytoryhtao opynanohnõko mana; yrome irumekaryhtao oya, orumekãko roropa mana jũme.

Saumu 50:21

Morohne tyrise oya xine, mame mynyhme rokẽ exiase; naeroro asã xine kuekaroase repe. Yrome seromaroro oupokatorỹko ase; zae pyra oehtohkõ enepõko ase oya xine.

Saumu 7:9

Ajohpãme sã popyra exiketõ nyrihpyry xihpyry enahkapoko, kurã ke zae ehtoh poko exiketõ epehmako. Zae Ritonõpome oexiryke ipunaka, yna osenetupuhtoh apiakãko mase, yna penetatoh roropa.

Izaja 28:15

Ynara ãko matose epyrypãko: “Orihtoh maro osepeme toehse ynanase, yna omihpyry totapose yna a aorihtyã esary a. Naeroro popyra ehtoh konõto toehse ahtao etuarimara exĩko ynanase,” ãko matose. Yrome enaromyra matose ajohpe ehtoh etaryke oya xine; õsewomarykõ kuhnõko matose, zae pyra ehtoh poko exiketõ enetuputyryke oya xine.

Izaja 58:1

Ynara ãko Ritonõpo mana: “Okohtako opore samo, mynyhme pyra exiko. Okohtako rueimo samo! Ypoetory tõ zuruko, Jako pakomotyamo, iirypyryme toto ehtoh poko, zae pyra toto ehtoh poko.

Jeremia 11:20

Mame ynara tõturuse ywy Ritonõpo a: — Ritonõpo Jamihmehxo Exikety, zae yna apiakaneme mase. Yna osenetupuhtoh enẽko mase yna penetatoh roropa. Zae ehtoh tyriko, mokaro zuãnohko, tõsekarose jexiryke oya.

Jeremia 16:17

Inyrirykõ enẽko ase emero porehme. Otonẽpyra mã toto ywinoino. Inyrihpyrykõ enẽko ase emero porehme.

Jeremia 17:10

Ywy, Ritonõpo, okurohtao xine enẽko ase, õsenetupuhtohkõ kuhnõko ase. Ahno emero epehmãko ase inyrityã emetakame, zae toto epehmãko ase inyrityã epehpyryme.”

Ezekieu 2:2

Moro omi etaryhtao ro ya, Ritonõpo Zuzenu tomõse ukurohtaka, mame tanỹse ywy eya xikihme. Aomiry etase, ynara nase ynororo:

Ezekieu 2:7

Mokaro zuruko jomiry ke rokene, etary se toto ahtao etary se pyra toto ahtao roropa. Wenikehpyra exiko jomiry etary sato kõ karame mã toto.

Ezekieu 20:32

Ynara sehxo matose: imehnõ nonory põkõ sã se matose, imehnõ ahno samo, wewe tõ eahmananomo, topu tõ roropa. Yrome ekurehnõko matose.

Ezekieu 28:2

— Ahno mũkuru, pata Tiro tuisary zuruko, ywy, Ritonõpo Oesẽkõ ynara ãko ase eya: “Epyrypaketyme mase, Ritõme osekarõko mase. Ritõme sã typorohse mase tuisa apõ po, tuna konõto õmye. Ritõme oexiry se mase repe, yrome orihketyme mase; ahnome rokẽ mase Ritonõpo sã pyra.

Ezekieu 29:3

Kaxiko eya, ynara ãko Ritonõpo Oesẽkomo: “Oepekara ase, Ejitu tuisary, zakareimo tosary po exikety nakuao. Tuna Niro otunaryme ekarõko mase; onyrihpyryme ekarõko mase okyryryme ehtohme repe.

Ezekieu 3:11

Imeĩpo ytoko oturuse ononory põkomo a, Papironia põkõ narotyamo a typoetory tõme. Zuruko toto: “Ywy Ritonõpo oturũko ase, jomiry etary se toto ahtao, etary se pyra toto ahtao roropa, enara.”

Ezekieu 3:24

yrome Ritonõpo Zuzenu tomõse ukurohtaka, xikihme tyrise ywy eya. Mame ynara tykase ynororo ya: — Ytoko atapyĩ taka, atapuruko moro tao.

Ezekieu 3:27

Imeĩpo, jotururu ropa ahtao amaro, oturu waro oehtoh ekarory ropa ahtao oya, mokaro zurũko mase, ywy, Ritonõpo Oesẽkõ nekarory oya. Toitoine õmiry etãko mã toto, yrome imehnõ arypyra, jomipona pyra exiketõme toexirykõke.

Ezekieu 8:1

Mame Juta tõ tamuximãkõ tooehse ytapyĩ taka oturuse ymaro. Ẽmepyry 5me ehtoh po nexiase nuno 6mã po, jeimamyry 6mã po toto arotopõpyry poe Papironia põkõ poetoryme. Mame tokare pyra Ritonõpo Kuesẽkõ jamitunuru toehse ya.

Maku 2:8

Yrome Jezu tuaro kynexine. Tykerekeremary tonetupuhse eya. — Oty katoh ykerekeremãko matou okurohtao xihne? tykase ynororo eya xine. — Ywy ase Kapu ae Ayhtohpyry.

João 21:17

Morarame Jezu tõturupose ropa oseruao: — Ximão ypyno mahno? tykase ropa Jezu eya. Morarame toemynyhmase Peturu: “Ypyno mahno?” katopõpyry oseruao Jezu a exiryke. Ynara tykase ynororo: — Jesẽ mase Jezu. Zuaro mase emero porehme. Opyno jexiry waro mase, tykase Peturu eya. — Morara ahtao ypoetory tõ pyno exiko. Kaneru esẽ toky tõ pyno ehtoh sã ypoetory tõ pyno exiko, tykase ynororo Peturu a.

Atos 10:44

Peturu a toto zururuhtao ro Ritonõpo Zuzenu tyhtose. Tõmiry etananõ aka tomõse.

Atos 11:15

— Morarame jotururuhtao ro eya xine Ritonõpo Zuzenu tyhtose. Tomõse toto kurohtaka kukurohtaka xine aomõtopõpyry saaro.

Epereu 4:13

Otonẽsaromepyra sytatose kuenepyra xine Ritonõpo ehtohme. Tynyrityã emero porehme enẽko Ritonõpo mana. Kuykuytorykõ enẽko mana kuosenetupuhtohkõ roropa enẽko mana. Mame imeĩpo Ritonõpo ẽpataka ytõko sytatose emero porehme. Toiroro Ritonõpo ẽpataka osekarõko sytatose kynyrityãkõ poko. Naeroro kytamurukõ ehtopõpyry sã pyra sehtone, Ritonõpo onenetupuhpynõ ehtopõpyry sã pyra. Aomipona sehtone ekurehpyra kuehtohkõme kuomomyrykõ poko Ritonõpo esaka.

Tiaku 3:6

Moro saaro kunurukõ apoto sã mana. Kunurukõ poe omi rypyry itamurume tũtãko mana. Mame omi xihpyry tũtaryhtao kunurukõ poe popyra kuosenetupuhtohkõ exĩko mana. Poetome kuahtao xine omi rypyry tũtapitõko mana kunurukõ poe. Zumo toehse kuahtao xine omi rypyry tũtãkohxo mana, apoto konõto ehtoh sã joroko tamuru poe kyzahkase xine.

Apokaripxi 2:23

Ipoenõ etapãko roropa ase, ypoetory tõ emero zuaro ehtohme, imehnõ osenetupuhtoh waro jehtoh waro toto ehtohme, imehnõ penetatoh waro jehtoh waro roropa toto ehtohme. Oepehmatorỹko ase emero porehme onyrihpyrykõ epehpyryme.

1 Samueu 10:10

Kipea pona toeporehkase Sauu tõ ahtao typoetory maro, urutõ kõ maro tõseporyse toto. Mame Ritonõpo Zuzenu Sauu esẽme toehse. Mokaro urutõ kõ maro toytose ynororo. Toto sã toehse roropa ynororo, wãko, kohtãko, enara.

1 Samueu 10:6

Mame Ritonõpo Zuzenu oesẽme exĩko mana, urutõme exĩko mase, toto zurupitõko mase. Mame imepỹ ahno sã exĩko mase.