Ezekieu 10:6 - Ritonõpo Omiry: A Bíblia Sagrada na língua Aparai do Brasil

⁶ Morarame tõturuse Ritonõpo mokyro tupoke mauru panono risẽ ke exikety a, ynara tykase: “Apoto apoiko pupu tõ parihmã winoino, taporihke exiketõ zopinoino.” Tomõse ynororo pupu tõ parihmã pũtokoxi.

Ezekieu 10:6 ပူးပေါင်းရင်းမြစ်များ

Saumu 80:1

Yna omiry etako, kaneru esẽ sã Izyraeu tõ Esemy! Yna otururu etako, oeky tõ aroneme sã mase yna Aroneme! Omoro mase typorohse Tuisa Imehxo Exikety apõ po, moroto kae kerupĩ tõ epoe,

Saumu 99:1

Ritonõpo Kuesẽkõ tuisame mana: ahno tõ tykytyky ãko mã toto. Typorohse mã ynororo tapõ po tuisamehxo kerupĩ tõ epoe; sero nono tykytyky ãko mana.

Ezekieu 10:2

Mame ynara tykase Ritonõpo mokyro tupoke mauru panono risẽ ke exikety a: — Ytoko moro pupu parihmã rãnakuroko taporihke exiketõ zopino ikarany apoitohme, oemarykõ pehme. Imeĩpo sapararahme moro ikarany ipahko pata pona. Mokyro ytotopõpyry enease.

Ezekieu 10:5

Panaikato nexiase; taporihke exiketõ aporiry totase jarao, zara po, Ritonõpo Jamihmehxo Exikety omiry samo.

Ezekieu 10:7

Mame toiro taporihke exikety a ikarany tapoise tomary ke, tokarose eya mokyro tupoke mauru panono risẽ ke exikety a. Mame tutũtase ynororo, ikarany tarose eya.

Tanieu 7:9

Osenuhmãko ro exiase: tuisa apõ tõ tyrise nexiase esaka xine. Mame toiro tuisa apõ po typorohse mokyro Jũme isene Exikety. Zupõ nexiase karimutume, mauru samo, zũsety karimutume nexiase roropa kaneru hpoty samo. Apony te, apõ pupuru tõ roropa apoto zemimã sã nexiase.