Ezekieu 10:5 - Ritonõpo Omiry: A Bíblia Sagrada na língua Aparai do Brasil

⁵ Panaikato nexiase; taporihke exiketõ aporiry totase jarao, zara po, Ritonõpo Jamihmehxo Exikety omiry samo.

Ezekieu 10:5 ပူးပေါင်းရင်းမြစ်များ

1 Tuisa 7:9

Morohne inyrityã emero zara konõto roropa tyrise topu kurã ke, apõ poe amotoh pona. Moro topu tuhkohse topu ahkatoh po. Tukuhse, mame tuhkohse zae ehtohme serra ke.

2 Koronika 4:9

Zara tyrise moro tao oturuketõ esaryme te, tyorõ zara konõto tyrise roropa eya xine. Omõtoh zara tõ pona, apuru tyrise eya xine wewe risemy tapuhse metau ke.

Jo 40:9

Ajamitunuru ekarõko mah yjamitunuru samo? Õmiry ke konomeru riry waro mahno panaikato konõto, jomiry samo?

Saumu 68:33

“Kure mase,” kahtoko Mokyro a, kapu ae kawaru po ytokety a, moino ro kapu ao mana, pakato ro mokyro. Aomiry etatoko, konomeru konõto sã mana.

Saumu 77:17

Akurũ tomo a konopo tukuãse, konomerume nexiase kapu ao, xiaxiake neneneh tykase kapu poko.

Exutu 19:16

Mame oseruao ẽmepyrymã po konomeru totase eya xine. Nenenehkane tonese roropa eya xine. Akuru xinukutumehme sã exikety tyhtose ypy pona. Rueimo tõsetose opore samo imoihmãkõ netaryme. Moro etaryke tyya xine enaromỹke morotõkõ kynexine emero porehme.

Exutu 19:19

Oporehxo toehse moro rueimo osetory. Moeze tõturuse. Mame tozuhse ynororo Ritonõpo a konomeru ae.

Izaja 6:8

Moromeĩpo Kuesẽkõ omiry etase, ynara tykase ynororo: — Onoky aropõko ha urutõme? Onoky yna omiry arõko nae? Mame tozuhse ya, ynara ase: — Taro ase. Kuaropoko!

Ezekieu 1:24

Mame aytorykohtao aporiry tõ panaikato nexiase tuna konõto panaikatõ samo, soutatu imoihmãkõ panaikatõ samo, Ritonõpo Jamihmehxo Exikety omiry samo. Mame totypohse toto ahtao kae hkopyra taporirykõ tehme tyrise toto a.

Ezekieu 10:6

Morarame tõturuse Ritonõpo mokyro tupoke mauru panono risẽ ke exikety a, ynara tykase: “Apoto apoiko pupu tõ parihmã winoino, taporihke exiketõ zopinoino.” Tomõse ynororo pupu tõ parihmã pũtokoxi.

Ezekieu 40:17

Moromeĩpo tarose ywy eya zara pona jarãnaka. Moroto osa tõ 30me nexiase apuru jaraohxo exikety pokona. Moro osa tõ etonie zara nexiase topu pipahmã risemy.

Ezekieu 46:21

Mame jaroase ynororo jarãnaka zara pona. Moroto asakoropane zarapohxikyry po zara tõ zumo hkopyra exiketõ enepoase ya 20 meturume mosa exiry, 15 meturume ipuroroje exiry.