Exutu 8:3 - Ritonõpo Omiry: A Bíblia Sagrada na língua Aparai do Brasil

³ Tuna Niro pehkãko pororu tõ mana. Moro kuae tũtãko mã toto omõtohme tuisa tapyĩ konõto taka, tuisa nyhtoh taka te, etuety pona te, ipoetory tõ tapyĩ taka te, imehnõ tapyĩ taka te, wyi ritoh aka, ekeitoh aka, paxiha tõ aka wyi riryhtao, enara.

Exutu 8:3 ပူးပေါင်းရင်းမြစ်များ

2 Koronika 22:11

Toiro Akazia ekepyry mũkuhpyry rokẽ onetapara kynexine, poeto pitiko, esety Joaxi. Typynanohse ynororo Jeosepa a, aorihtyã tuisa Jeorão ẽxiry, Akazia oryxiry, onetapara mokyro kunumuxi ehtohme. Jeosepa oturukety Joiata pytyme kynexine. Omatome tarose ynororo nyhtoh taka, Ritonõpo Tapyĩ taka. Morarame moro tao tonẽse ynororo autuhmane maro, onenepyra Ataria ehtohme. Morara exiryke mokyro onetapara kynexine.

Saumu 105:30

Pororu tyripose eya Ejitu põkõ tapyĩ takuroko, tuisa tapyĩ typehkase pororu ke.

Exutu 10:6

Atapyĩkõ pehkãko mã toto, otuisary tõ tapyĩ tao roropa, ahno tapyĩ tao roropa. Sero oryhmatoh panõ onenepitopyra omykomo, atamuru tõ roropa moino ro.” Morara tykase Moeze. Mame tutũtase ynororo tuisa tapyĩ tae.

Exutu 12:34

Naeroro wyi risẽ tapoise porutapỹ Izyraeu tomo a, emero tapyi taõkomo a, paxiha aka tyrise eya xine, tyõtose kamisa ke arotohme tymota po xine.

Exutu 7:11

Mame pyaxi tõ tykohmase tuisa a, tuarohxo exiketomo. Isaaro tyrise eya xine.

Exutu 8:11

Owino xine pororu tõ ytõko ropa, atapyĩ tõ tae te, otuisary tõ wino te, Ejitu põkõ wino porehme, enara. Tuna Niro kuao rokẽ pororu tõ exĩko mana.

Exutu 8:2

Toto anaropopyra awahtao awãnohtorỹko ase pororu tõ ke.

Exutu 8:4

Pyhseky ãko pororu tomo opona xine te, ahno pona te, otuisary tõ pona, enara.”