Exutu 7:20 - Ritonõpo Omiry: A Bíblia Sagrada na língua Aparai do Brasil

²⁰ Ritonõpo nyripohpyry tyrise Moeze a Arão maro. Tuisa ẽpataka, ipoetory tõ maro tymyxiry tanỹse Arão a, tuna totapase eya nakuatao, munume moro tuna tanyhtase.

Exutu 7:20 ပူးပေါင်းရင်းမြစ်များ

2 Tuisa 4:29

Toeramase Eriseu Keazi a. Ynara tykase: — Ymyxiry apoiko oytotohme. Mame ytoko. Imehnõ maro oturupyra exiko toto eneryhtao oya osema tao. Imehnõ otururuhtao oya onezuhpyra exiko. Topohme rokẽ ytoko. Mame ymyxiry tyriko mose mũkuru pona.

Saumu 105:29

Munume Ejitu tunary tõ tyripose eya, kana tõ itunary kuao taorihmapose eya emero.

Saumu 78:44

Moroto tuna tõ tyripose eya munume, iporiry tõ wino tuna onẽsaromepyra Ejitu põkõ kynexine.

Exutu 4:9

Yrome moro asakoro onyrityã yjamitunuru ke eneryhtao eya xine, onenetupuhpyra ro toto ahtao, õmiry etary se pyra roropa toto ahtao, tuna anỹko Niro kuae aekuãtohme nono pokoxi. Munume anyhtãko moro tuna mana.

Exutu 7:10

Mame morara tyrise Moeze a Arão maro. Toytose toto osẽpatakamase tuisa maro. Tymyxiry tomase Arão a nono pona tuisa ẽpataka oximõmãkõ neneryme. Mame okoime tanyhtase Arão myxiry.

Exutu 7:21

Kana tõ toorihse, tymoke toehse tuna, su ãko xihpyryme. Tuna onẽsaromepyra toehse Ejitu põkomo. Emero esarykõ po, Ejitu po munume toehse kynexine.

Exutu 7:6

Mame Ritonõpo nyripohpyry tyrise Moeze a Arão maro, aomihpyry omipona.

Apakuke 3:8

Ritonõpo, tuna tõ zehno mexiahse? Tuna konõto poko tohne mexiahse? Morara exiryke oeky tõ, kawaru tõ po moepyahse, kahu ao etonatohme orẽpyra opoetory tõ ritohme?

Apokaripxi 8:8

Morarame Ritonõpo nenyokyhpyry akorony a turuẽ totose. Mame ypy konõto zatyry enease. Moro ypy tomase tuna konõto kuaka. Tuna konõto zokonaka munu sã tanyhtase.