Exutu 7:19 - Ritonõpo Omiry: A Bíblia Sagrada na língua Aparai do Brasil

¹⁹ Ynara tykase roropa Ritonõpo Moeze a: — Kaxiko Arão a, tymyxiry anỹtohme tuna tõ poro, iporiry tõ maro, ikuhpo tõ maro, morohne tunary anyhtatohme munume. Ahtao munume exĩko paxiha tõ wewe risẽ ao, oripo tõ topu risẽ ao roropa.

Exutu 7:19 ပူးပေါင်းရင်းမြစ်များ

Jenexi 1:10

Moro “nonome” tosehpase Ritonõpo a. “Tuna konõto” me moro tuna tõ tosehpase eya. Mame morohne eneryke tyya Ritonõpo zamaro inyrityã kynexine.

2 Tuisa 4:29

Toeramase Eriseu Keazi a. Ynara tykase: — Ymyxiry apoiko oytotohme. Mame ytoko. Imehnõ maro oturupyra exiko toto eneryhtao oya osema tao. Imehnõ otururuhtao oya onezuhpyra exiko. Topohme rokẽ ytoko. Mame ymyxiry tyriko mose mũkuru pona.

Exutu 10:12

Mame ynara tykase Ritonõpo Moeze a: — Oemary anỹko Ejitu po taparara tõ oehtohme. Oehnõko mã toto otyro enahkase emero, konopoimo nenahkahpyry akoĩpyry enahkase.

Exutu 10:21

Mame ynara tykase Ritonõpo Moeze a: — Oemary anỹko kakoxi, ikohmãkapotohme Ejitu nonory poro porehme, xinukutume ehtohme ipunaka, moro xinukutumã apõko sã mã toto.

Exutu 14:16

Omyxiry anỹko tuna epoe. Atapiakãko tuna mana Izyraeu tõ ytotohme nono tonore poro, tuna konõto Tahpiremã rãnakuroko.

Exutu 14:21

Tomary tanỹse Moeze a tuna epozakoxi. Tyryrykane jamihme tonehpose Ritonõpo a xixi tũtatoh wino tuna aropotohme. Tyryry kary poko tõmehse moro tuna konõto esahpyry nono tonore toehse. Moro tuna tapiakase,

Exutu 14:26

Ynara tykase Ritonõpo Moeze a: — Oemary anỹko tuna epozakoxi tuna oehtohme ropa Ejitu põkõ nerymapotohme kahu tõ maro te, kawaru tõ aroponanõ maro.

Exutu 4:9

Yrome moro asakoro onyrityã yjamitunuru ke eneryhtao eya xine, onenetupuhpyra ro toto ahtao, õmiry etary se pyra roropa toto ahtao, tuna anỹko Niro kuae aekuãtohme nono pokoxi. Munume anyhtãko moro tuna mana.

Exutu 8:16

Mame ynara tykase Ritonõpo Moeze a: — Kaxiko Arão a: “Nono etapako omyxiry ke.” Mame Ejitu nonory po nono anyhtãko azamo panõme.

Exutu 9:33

Mame tuisa maro ehxĩpo tutũtase Moeze pata poe. Tomary tõ tanỹse eya tõtururume Ritonõpo Tosẽkomo a. Mame konomeru tymynyhpãse, konopoimo roropa.

Izaja 19:10

Kamisa riry poko emese kure exiketõ toerohtohke pyra toexirykõke typoremãsẽme exĩko mã toto ipunaka.

Izaja 5:25

Naeroro tyekĩtapãse Kuesẽkõ typoetory tõ poko; tomary tanỹse eya, tuãnohse toto. Ypy tõ tykytyky tykase kehko, aorihtyã ekepyry tõ typahsẽ sã tõxinamasẽme exĩko pata esemary po. Morara toehse ahtao ro toto zehno Ritonõpo ehtoh enahpyra ro; tomary tanỹse ro mana typoetory tõ wãnohtohme.

Apakuke 3:8

Ritonõpo, tuna tõ zehno mexiahse? Tuna konõto poko tohne mexiahse? Morara exiryke oeky tõ, kawaru tõ po moepyahse, kahu ao etonatohme orẽpyra opoetory tõ ritohme?