Exutu 7:1 - Ritonõpo Omiry: A Bíblia Sagrada na língua Aparai do Brasil

¹ Mame ynara tykase Ritonõpo Moeze a: — Ynara tyrĩko ase: ritõme sã orĩko ase tuisa a; orui Arão oturuketyme tyrĩko ase, õmiry ekaroneme.

Exutu 7:1 ပူးပေါင်းရင်းမြစ်များ

Jenexi 19:21

Mame ynara tykase Ritonõpo nenyokyhpyry eya: — Ỹ, kure mana. Moro pata onenahkara ase.

1 Tuisa 17:23

Mame Eria a poeto tapoise, yhtotohme ropa ekarotohme ropa jeny a. — Eneko ke, orihpyra mana. Tõsemãse ropa, tykase Eria.

2 Tuisa 6:32

Mame typoetory tonyohse eya Eriseu enehse. Tytapyĩ tao Eriseu nexiase, Izyraeu tõ tamuximãkõ maro, oturũko. Mame oehpyra ro tuisa nenyokyhpyry ahtao ynara tykase Eriseu tamuximãkomo a: — Mokyro ahno etapahpono a jetapapõko mana seromaroro typoetory a. Tooehse ynororo ahtao sẽ etapuru apurutoko omõpyra aehtohme. Mokyro mykapo tuisa roropa oehnõko mana, tykase.

Saumu 78:12

Toto tamuru tõ neneryme, tynyrityã tyrise Ritonõpo a tyjamitunuru ke ona Zoã po, Ejitu nonory po.

Saumu 82:6

Ynara ase: ‘Ritõme matose; Ritonõpo Imehxo Exikety poenõme matose emero porehme.’

Exutu 16:29

Wenikehpyra ehtoko, Ywy, Ritonõpo toiro ẽmepyry ekaroase oya xine õserematohkõme. Morara exiryke ẽmepyry 6mã po tonahsẽ ekarõko ase oya xine asakoro ẽmepyry pune ehtohme. Naeroro 7me aehtoh po tehme ehtoko oesarykõ po. Tũtara rokẽ ehtoko.

Ekereziaxti 1:10

Tyrisã nae, ipoko ynara kasaromepyra mã exino: “Eneko ke! Sero panõ exipitopyra mana sero nono po?” Arypyra! Emero toehse osemazuhme, enurupyra ro kuahtao xine.

Jeremia 1:10

Seroae yjamitunuru ekarõko ase oya, orẽpyra oehtohme imehnõ nonory põkõ maro, toto tuisary tõ maro, imity tõ oũko mase, akohnõko mase, enahkãko mase, ipahnõko roropa, tyrĩko roropa mase, arykãko roropa.

Atos 7:7

Morarame apakõ tuarimahpõkõ wãnohnõko ase. Morotoino xiaro oehnõko toh mana jeahmatohme kure,” tykase Ritonõpo Aparão a.