Exutu 5:22 - Ritonõpo Omiry: A Bíblia Sagrada na língua Aparai do Brasil

²² Mame tõturuse ropa Moeze Ritonõpo maro. Ynara tykase ynororo: — Ritonõpo, oty katohme opoetory tõ ryhmãko mah? Oty katohme kuenehpoase xiaro?

Exutu 5:22 ပူးပေါင်းရင်းမြစ်များ

1 Tuisa 19:10

Ynara tykase ynororo: — Ritonõpo Imehxo Exikety, opoetoryme ase ypoeto ae ro. Omoro rokẽ Jesẽme mase. Yrome opoetory tõ Izyraeu tõ õmihpyry omipona pyra toehse mã toto. Tynekarorykõ zahkatoh typahse eya xine. Opoetory tõ urutõ kõ totapase eya xine. Ywy ro rokẽ tõxinamase, jetapary kuhnõko roropa mã toto, tykase.

1 Tuisa 19:4

Mame tykohmãse ynororo ytoytory poko ona poro. Totypohse ynororo, typorohse wewe myhtokoxi jerutume exiryke. Toorikyry se rokẽ kynexine. — Epo hnae! Ritonõpo, kuorihmapoko seromaroro. Torẽse rokẽ ywy, ytamuru tõ ehtopõpyry saaro, tykase ynororo.

Saumu 73:25

Kapu ao omoro rokẽ mase ymaro. Amaro jexiryke oty se ro hano nono po? Arypyra, tãkye rokẽ ase opoko.

Exutu 17:4

Mame Moeze tõturuse yronymyryme Ritonõpo a takorehmatohme. Ynara tykase ynororo: — Oty rĩko ywy moxiã poko? Jetapary se exisasaka mã toto topu ke.

Jeremia 12:1

— Ritonõpo Jesemy, kure jehtoh poko osezukuruhtao ya, zae rokẽ oehtoh enepõko mase ya. Yrome oya ekaropory se ase zae ehtoh poko: Oty katohme popyra exiketõ tytineruke exĩko nae? Oty katoh ajohpe exiketõ orẽpyra toh nae tynyrirykõ poko?

Jeremia 20:7

Ritonõpo, kuenekunopyase, tonekunohse exiase rahkene. Jamihme mase ymotye, typoremãkase ywy oya. Jeunohnõko mã toto emero porehme, ypoihtory poko kohmãnõko mã toto.

Jeremia 4:10

Mame ynara tykase ywy: — Ritonõpo, Jesemy, Jerusarẽ põkõ tonekunohse oya ipunaka! “Towomasẽme exĩko matose, ozehnotokõ pyra exĩko,” mase repe, yrome tapema toehse mana toto esenarykõ pokona.

Apakuke 2:3

Sero enepotoh oehpyra ro mana, yrome morohne exĩko sero etyhpyry po, ekurehpyra mã rahkene. Okynahxo oehpyra ahtao eraximatoko. Ynara exiryke moro enepotoh toehse ahtao morohne exĩko mã rahkene.

Numeru 11:11

Ynara tykase ynororo Ritonõpo a: — Oty katohme popyra jyrĩko mah sero samo? Oty katoh torekohmase mahno ypoko? Oty katohme sero erohtoh tupimã mekaroase ya mokaro emero arory poko?

Jozue 7:7

Ynara tykase Jozue Ritonõpo a: — Ritonõpo, Jesemy! Oty katohme Izyraeu tõ menepyase, Joatão akuohtohme? Yna ekarotohme amoreu tomo a, yna etapatohme? Oty katohme Joatão mõpoe rokẽ yna onyripopyra mexiase?

1 Samueu 30:6

Otupĩko Tawi nexiase; ipoetory tõ typoenõkõ ihnamõko nexiase. Mame tosẽkõ etapary se toehpitose toh nexiase topu ke. Yrome tyjamihtanohse ropa ynororo Ritonõpo a.