Exutu 5:14 - Ritonõpo Omiry: A Bíblia Sagrada na língua Aparai do Brasil

¹⁴ Izyraeu tõ tamuximãkõ typitypipohse irohmaponanomo a. Tõturupose toto eya xine. Ynara tykase toto: — Oty katohme tuhke hkopyra tijoro tõ rĩko hmatou? apitorymã sã pyra?

Exutu 5:14 ပူးပေါင်းရင်းမြစ်များ

Exutu 1:14

Toetuarimase toto toerokurukõ poko; omoxinety puimary poko te, tijoro tõ riry poko, tapyi tõ riry poko te, tupito tõ arykary poko, enara. Emero poko toerohse toto ahtao ro, toto zehno sã esẽkõ kynexine, popyrahme sã toto tyrise eya xine.

Exutu 5:13

Mame kokoro rokẽ Izyraeu tõ tãtarypose irohmaponanomo a tijoro riry poko, tuhke tyripotohme eya xine, apitoryme toto nyrityã samo onahpoty tokarose ahtao eya xine.

Exutu 5:15

Mame Izyraeu tõ tamuximãkõ toytose ekaropose tuisa a. Ynara tykase toto: — Oty katohme yna ryhmãko mahno? Opoetoryme ynanase.

Exutu 5:6

Moro ẽmepyry ae ro Izyraeu tõ tyrohmanohpose itamurumehxo tuisa a. Ynara tykase ynororo irohmanohponanomo a, erohketõ tuisary tomo a roropa:

Izaja 10:24

Ynara ãko Ritonõpo Kuesẽkõ Jamihmehxo Exikety typoetory tomo a, moroto aexityamo a Xião po: — Axirio tõ zuno pyra ehtoko tuãnohse awahtao xine eya xine, tyyryhmase roropa awahtao xine eya xine, Ejitu põkõ nyrihpyry samo.