Exutu 4:23 - Ritonõpo Omiry: A Bíblia Sagrada na língua Aparai do Brasil

²³ Kuuruase, ah umũkuru nytono jeahmase. Yrome anaropopyra mexino. Morara exiryke omũkuru apitorymã etapãko ase.”

Exutu 4:23 ပူးပေါင်းရင်းမြစ်များ

Saumu 105:36

Ejitu põkõ poenõ taorihmapose eya, imũkurukõ osemazuhme aenurutyamo, ipynohxo aexityã jekyry tomo a itapyĩ taõkomo a.

Saumu 135:8

Ejitu tõ poenõ apitoryme aenurutyã totapase eya, ahno tomo te, eky tomo, enara.

Saumu 136:10

Ejitu poenõ apitoryme aenurutyã totapase eya; kypyno xine exikehpyra mana.

Saumu 78:51

Emero tapyi tao apitoryme aenurutyã totapase eya Ejitu nonory po.

Exutu 10:3

Moeze toytose Arão maro tuisa zuruse. Ynara tykase toto eya: — Ritonõpo epereu tõ Esẽ ynara ãko: “Otarahtao jomiry moĩko mano? Jomiry omipona exĩko mano? Ah ypoetory tõ nytõ toto sero nono poe jeahmase.

Exutu 10:4

Toto anaropopyra awahtao, kokoro taparara tõ enehpõko ase xiaro.

Exutu 11:5

Ononorykõ poro porehme omũkurukõ osemazupu tõ orihnõko mã toto: emero tapyi tao, tuisa mũkuru poe, jumy nymenekahpyry tuisame tymyakãme, erohkety mũkuru pona, tiriiku apory poko exikety. Orihnõko roropa okyno mũkuru tomo, apitoryme aenurutyamo.

Exutu 12:29

Onoa Ejitu põkõ mũkuru tõ osemazuhme aenurutyã totapase Ritonõpo a emero tapyi tao; tuisa mũkuru osemazupu tumy myakãme exikety poe, ãpuruhpyry tao exikety mũkuru pona, okyno poenõ roropa totapase eya.

Exutu 13:15

Yna aropory se pyra Ejitu tuisary ahtao Ritonõpo omipona pyra, Ejitu põkõ mũkuru tõ apitorymãkõ totapase Ritonõpo a, ahno poenomo te, okyno poenomo, enara. Morara exiryke okyno mũkuru apitorymãkõ ekarõko ynanase ynanekaroryme Ritonõpo a. Epehpyry ke rokẽ yna mũkuru apitorymãkõ epekahnõko ynanase.

Exutu 18:8

Tymeretamuru turuse eya emero Ritonõpo nyrihpyry poko, typoetory tõ Izyraeu pyno exiry poko te, Ejitu tuisary wãnohtopõpyry poko Ejitu põkõ maro. Turuse roropa tupime Izyraeu tõ ytotopõpyry poko te, toto pynanohtopõpyry poko roropa Ritonõpo a.

Exutu 3:18

— Õmiry etãko ypoetory tõ mana. Imeĩpo Izyraeu tõ tamuximãkõ maro ytõko mase Ejitu tuisary zuruse. Ynara kahtoko eya: “Ritonõpo epereu tõ Esemy a tõsenepose yna a. Seromaroro ah ynanytoxi ona pona ahno esaka pyra, oseruao ẽmepyry yna ytory poko. Moroto okyno zahkãko ynanase ynanekaroryme Ritonõpo yna Esemy a.”

Exutu 5:1

Moromeĩpo toytose Moeze tõ Arão maro oturuse Ejitu tuisary maro. Ynara tykase toto eya: — Ynara ãko Ritonõpo Izyraeu tõ Esẽ oya: “Ah ypoetory tõ nytõ toto ona pona, ahno esaka pyra otuhtoh konõto ritohme, toto oseahmatohme jeahmaryme.”

Exutu 6:11

— Ytoko, Parao, Ejitu tuisary zuruse: “Ah Izyraeu tõ nytõ toto ononory poe.”

Exutu 7:16

Ynara kaxiko eya: “Ritonõpo epereu tõ Esemy jenehpoase ourutohme: Ah ypoetory tõ nytõ toto ona pona jeahmatohme. Yrome Ritonõpo nyripohpyry omipona pyra mexino.

Exutu 8:1

Moromeĩpo ynara tykase Ritonõpo Moeze a: — Ytoko tuisa zuruse, kaxiko ynara ãko Ritonõpo eya: “Ah ypoetory tõ nytõ toto sero nonory poe jeahmatohme.

Exutu 8:16

Mame ynara tykase Ritonõpo Moeze a: — Kaxiko Arão a: “Nono etapako omyxiry ke.” Mame Ejitu nonory po nono anyhtãko azamo panõme.

Exutu 8:17

Tymyxiry ke nono totapase Arão a. Mame Ejitu nonory poro emero nono tanyhtase azamo panõme. Ahno poko toehse toto okyno tõ poko roropa.

Exutu 8:20

Ynara tykase Ritonõpo Moeze a: — Kokoro pakeimo, tuisa ytoryhtao nakuataka ytoko eya oturuse. Kaxiko eya, ynara ãko Ritonõpo oya: “Ah ypoetory tõ nytõ toto Ejitu nonory poe, jeahmase.

Exutu 9:1

Morarame ynara tykase Ritonõpo Moeze a: — Ytoko tuisa zuruse ropa. Kaxiko eya Ritonõpo, epereu tõ Esemy, ynara ãko oya: “Ah ypoetory tõ nytõ toto sero nono poe jeahmase.

Exutu 9:13

Mame ynara tykase Ritonõpo Moeze a: — Kokoro pakeimo ytoko osẽpatakamase tuisa maro. Zuruko ynororo, ynara ãko Ritonõpo epereu tõ Esemy: “Ah ypoetory tõ nytõ toto sero nono poe jeahmase.

Exutu 9:2

Toto anaropopyra awahtao,

Ozeja 11:1

Typoetory tõ Izyraeu poko, ynara ãko Ritonõpo mana: “Poetome ro Izyraeu ahtao, ipyno exiase, umũkurume tykohmase ya, Ejitu po ynororo ahtao.