Exutu 4:2 - Ritonõpo Omiry: A Bíblia Sagrada na língua Aparai do Brasil

² Naeroro ynara tykase Ritonõpo: — Oty moro oemahpo? — Ymyxiry, tykase Moeze.

Exutu 4:2 ပူးပေါင်းရင်းမြစ်များ

Jenexi 30:37

Mame wewe amoriry tapoise Jako a, typikase eya ipũ karimutume ehtohme.

2 Tuisa 4:2

— Oty rĩko ha ãkorehmatohme? Kaxiko ya, oty nae hma atapyĩ tao? tykase Eriseu eya. — Arypyra reh ahse, tymõkomoke pyra reh ahse, tytineruke pyra roropa ase. Toiro rokẽ nae ase oriu azeite ẽ pitiko ao, tykase pytỹpo.

Saumu 110:2

Tuisame oehtoh orẽpyrahxo tyripõko Ritonõpo mana Jerusarẽ poe. “Oepetõkara Esẽme exiko,” ãko Ritonõpo Kuesẽkõ mana.

Exutu 4:17

Sero omyxiry aroko amaro. Ike yjamitunuru enepõko mase.

Exutu 4:20

Mame typyty tyrise Moeze a jumẽtu pona, tumũkuru tõ roropa. Toytopitose ropa toto Ejitu pona. Tymyxiry tarose Moeze a tomahpo, Ritonõpo naropohpyry.

Exutu 7:15

Kokoro pakeimo mokyro zupiko aytoryhtao Niro kuaka. Omyxiry aroko, okoime tanyhtase aexihpyry. Mame eraximatatoko tuna ehpikoxi.

Exutu 7:9

— Yjamitunuru enery se Ejitu tuisary ahtao, omoro Moeze, orui zuruko tymyxiry ematohme nono pona tuisa ẽpataka. Okoime anyhtãko mana.

Izaja 11:4

Yrome zae ehtoh ke tymõkomokãkara apiakãko mana. Zae rokẽ tuisamã kara ewomãko roropa mana. Aomi poe zae pyra exiketõ tuãnohsẽme exĩko mana, popyra exiketõ taorihmaposẽme exĩko roropa mana.

Rewitiku 27:32

Mame 10me okyno tõ toehse ahtao toiro Ritonõpo ekyme mana. Toky tõ rĩko mana atakenaka tuhke exiry waro toehtohme. Pui tomo, kaneru tomo, poti tomo roropa 10me ahtao, toiro Ritonõpo ekyme mana,

Mikeja 7:14

Ritonõpo yna Esemy, yna pyno exiko kaneru pyno exikety samo, oekyme sã, kaneru tõ sã yna exiryke. Toiroro sã ynanase itu htao tapuruse samo nono kurã ke, otyro zamaro exikety ke. Onyrihpyry sã pake, yna aroko seromaroro onahpoty kurã pona Pasã po, Kireate po roropa.