Exutu 4:18 - Ritonõpo Omiry: A Bíblia Sagrada na língua Aparai do Brasil

¹⁸ Mame toytose Moeze tymeretamuru, Jetoro tapyĩ taka. Ynara tykase: — Ytoxi Ejitu pona ropa wekyry tõ enese. Toto enery se ase isene ro toto ahtao. — Ỹ, kure rokẽ ytoko, tykase Jetoro.

Exutu 4:18 ပူးပေါင်းရင်းမြစ်များ

Jenexi 45:3

Mame ynara tykase Joze turui tomo a: — Ywy ase Joze, ãkorõkomo. Papa isene ro hnae? Morara kary etaryke tyya xine tõserehse toto yronymyryme. Onezuhsaromepyra toehse toto.

2 Tuisa 5:10

Yrome tũtara Eriseu, typoetory taropose eya Naamã zuruse, ynara tykase ynororo: — Ytoko Joatão kuaka, epyse. 7me tõpurihse awahtao ekurãkãko ropa mase kure rokẽ rahkene, tykase Eriseu poetory.

2 Tuisa 5:19

— Torẽtyke pyra exiko. Kure rokẽ ytoko, tykase Eriseu eya. Mame Naamã toytose. Ameke pyra toytose ynororo ahtao

Exutu 2:21

Mame Moeze toahmase Jetoro a moroto aehtohme tymaro xine. Naeroro moroto tõsesarise Moeze kynexine. Mame tõxiry Zipora tokarose eya jumy a ipytyme.

Exutu 3:1

Moroto toerohse Moeze, tymeretamuru eky tõ poko. Imeretamuru, Jetoro, Ritonõpo maro oturuketyme kynexine Mitiã po. Eky tõ tynahpase eya, kaneru tomo, poti tõ maro. Mame toto tarose Moeze a mya ona poro, ypy Xinai myhtokoxi. Moro ypy tymenekase Ritonõpo a, tosaryme ehtohme kurãme.

Ruka 7:50

Mame ynara tykase Jezu nohpo a: — Tonetupuhse oya jexiryke typynanohse mase. Ytoko ropa. Torẽtyke pyra exiko, tykase Jezu eya.

Atos 15:36

Mame tuhkehxo tynyhse moroto tahtao xine, ynara tykase Pauru Panape a: — Eropa ropa. Kuekyry tõ senetase ropa pata tõ poro, Ritonõpo omiry ekarotopõpyry punero kyya, tykase.

Atos 16:36

Mame ynara tykase ãpuruhpyry erase Pauru a: — Terekatu otũtanohpotorỹko ropa mana, soutatu tomo a. Naeroro otũtatoko ropa. Enaromyra ehtoko, tykase ynororo eya xine repe.

1 Timoteu 6:1

Imehnõ namoto mokaro Jezu poetory tomo. Ynara kaxiko eya xine: “Oesẽkõ pyno ke ehtoko. Aomipona roropa ke ehtoko, Ritonõpo onykerekeremara imehnõ ehtohme, ãmorepatopõpyry yna a roropa onykerekeremara toto ehtohme,” kaxiko eya xine.

Juize 18:6

Ynara tykase oturukety eya xine: — Torẽtyke pyra ehtoko. Ritonõpo amaro xine exĩko mana seromaroro oytorykohtao.

1 Samueu 1:17

Mame morara kary etaryke tyya, ynara tykase Eri: — Ỹ, ytoko ropa. Torẽtyke pyra exiko. Onekaropohpyry ekarõko Ritonõpo mana Izyraeu Esẽ oya, tykase.