Exutu 4:17 - Ritonõpo Omiry: A Bíblia Sagrada na língua Aparai do Brasil

¹⁷ Sero omyxiry aroko amaro. Ike yjamitunuru enepõko mase.

Exutu 4:17 ပူးပေါင်းရင်းမြစ်များ

2 Tuisa 4:29

Toeramase Eriseu Keazi a. Ynara tykase: — Ymyxiry apoiko oytotohme. Mame ytoko. Imehnõ maro oturupyra exiko toto eneryhtao oya osema tao. Imehnõ otururuhtao oya onezuhpyra exiko. Topohme rokẽ ytoko. Mame ymyxiry tyriko mose mũkuru pona.

Exutu 14:16

Omyxiry anỹko tuna epoe. Atapiakãko tuna mana Izyraeu tõ ytotohme nono tonore poro, tuna konõto Tahpiremã rãnakuroko.

Exutu 17:9

Ynara tykase Moeze Jozue a: — Orutua kõ imenekako toto arotohme, kokoro pakeimo, etonatohme amarekita tõ maro. Ypy emory pona ytõko ase Ritonõpo myxiry apoiry poko.

Exutu 4:2

Naeroro ynara tykase Ritonõpo: — Oty moro oemahpo? — Ymyxiry, tykase Moeze.

Exutu 4:20

Mame typyty tyrise Moeze a jumẽtu pona, tumũkuru tõ roropa. Toytopitose ropa toto Ejitu pona. Tymyxiry tarose Moeze a tomahpo, Ritonõpo naropohpyry.

Numeru 20:8

— Omyxiry apoiko moro jomihpyry ẽ ẽpataka, Arão maro ahno enehpoko oximõme. Mame imoihmãkõ neneryme oturuko topuimo a, tuna tũtatohme topuimo poe. Moro sã tuna apoĩko matose topuimo poe ekarotohme ahno a aukurukõme te, okyno tõ okurume, enara.

1 Korĩtiu 1:27

“Tuaro pyra mokaro mana,” ãko onenetupuhpynomo. Yrome mokaro tymenekase Ritonõpo a typoenõme toto ritohme, tuaro exiketõ hxiropotohme. “Tuisame pyra mokaro,” ãko onenetupuhpynõ roropa. Yrome toto tymenekase roropa Ritonõpo a, typoenõme toto ehtohme tamuximãkõ hxiropotohme roropa.