Exutu 4:14 - Ritonõpo Omiry: A Bíblia Sagrada na língua Aparai do Brasil

¹⁴ Tohne toehse Ritonõpo Moeze poko. Ynara tykase eya: — Otara ãko mah orui Arão poko, Rewi parỹpyry? Otupipyra ynororo tõtururuhtao. Zuaro ase. Oehnõko mana oenese seromaroro. Tãkye exĩko mana oeneryhtao.

Exutu 4:14 ပူးပေါင်းရင်းမြစ်များ

2 Samueu 6:7

Morara ahtao Uza zehno toehse Ritonõpo, zuno pyra aexiryke, taorihmapose ynororo moroto ro Ritonõpo a. Toorihse ynororo Ritonõpo omihpyry ẽ myhto.

1 Tuisa 11:9

Ritonõpo, Izyraeu tõ Esẽ tõsenepose Saromão a asakoro ahtao ro, tõmiry: “Imehnõ neponãmary oneahmara exiko,” tokarose ahtao roropa eya, aomiry omipona pyra toehse Saromão. Toeramase ynororo ewinoino. Naeroro Saromão zehno toehse Ritonõpo.

1 Koronika 21:7

Mame Tawi tõ nyrihpyry Ritonõpo zamaro pyra kynexine. Naeroro Izyraeu tõ tuãnohse eya.

Saumu 105:26

Mame typoetory Moeze tonyohse eya Arão maro, tynymenekahpyryme.

Exutu 4:13

Yrome Moeze a tozuhse. Ynara tykase: — Arypyra, Ritonõpo. Ajohpãme sã imepỹ aropoko.

Exutu 4:17

Sero omyxiry aroko amaro. Ike yjamitunuru enepõko mase.

Exutu 4:27

Morarame ynara tykase Ritonõpo Arão a: — Ytoko osẽpatakamase Moeze maro ona pona. Toytose ynororo. Tõsẽpatakamase toto ypy Xinai po. Typohse ynororo eya.

Numeru 12:2

Ynara tykase toto: — Ritonõpo tõturuse Moeze ae rokẽ pyra. Tõturuse roropa ynororo kymoro ae. Mame mokaro otururu totase Ritonõpo a.

Atos 15:28

Ynara exiryke Ritonõpo Zuzenu omi poe oẽkororykõ se pyra ynanase. Ynara rokẽ ãko ynanase oya xine,

2 Korĩtiu 2:13

Yrome torẽtyke exiase kuakorõkõ Titu onenepyra jexiryke. “Titu enẽko ase taro,” ase repe. (Ymyakãme toytose ynororo oenese xine.) Morarame onenepyra jexiryke: “Ytõko ropa ase aporo,” ase morotõkomo a, Masetonia pona jytotohme.

Piripo 2:21

Imehnõ mã emero toerohtohkõ poko rokẽ osenetupuhnõko mã toto. Jezu Kyrixtu omiry ekarory poko osenetupuhpyra mã toto. Typoko xine rokẽ osenetupuhnõko mã toto.

Jozue 24:5

Imeĩpo Moeze tõ tonyohse ya Arão maro Ejitu tõ wãnohtohme. Morara ahtao amarokõ touse ya moro poe.

1 Samueu 12:8

Toytose Jako tõ ahtao Ejitu pona tyekyry tõ maro, typoremãkase toto Ejitu põkomo a tynamotome toto ehtohme. Mame atamuru tõ tyxitase Ritonõpo neneryme. Naeroro typynanohnekõ tokaropose ahtao eya xine, Moeze tõ taropose Ritonõpo a Arão maro toto enehtohme xiaro, sero nono pona.

1 Samueu 2:27

Morarame imepỹ Ritonõpo poetory tooehse Eri a Ritonõpo omiry ekarose. Ynara tykase ynororo: — Ynara ãko Kuesẽkõ mana: “Yjamitunuru enepoase atamuru a Arão a Ejitu po awahtao xine, Ejitu põkõ namotome awahtao xine.