Exutu 4:10 - Ritonõpo Omiry: A Bíblia Sagrada na língua Aparai do Brasil

¹⁰ Ynara tykase Moeze Ritonõpo a: — Ritonõpo, moino ro tupime jotururu ya. Seromaroro oturũko mase ya. Yrome morararo ywy, tupime ro ya jotururu. Otupĩko ywy jotururuhtao.

Exutu 4:10 ပူးပေါင်းရင်းမြစ်များ

Jo 12:2

“Tuaro exiketõ sã oturũko matose. Otarame toorihse awahtao xine tuaro ehtoh enahnõko mana amaro xine.

Exutu 3:11

Yrome ynara tykase Moeze Ritonõpo a: — Tuisame pyra ase, jamihme pyra exiketyme roropa. Otãto ytõko ywy oturuse Ejitu tõ tuisary a, morotoino Izyraeu tõ enehtohme?

Exutu 4:1

Morarame ynara tykase Moeze Ritonõpo a: — Yrome otarame zae jehtoh onenetupuhpyra Izyraeu tõ tamuximãkõ exĩko mana. Otarame jomiry etary se pyra exĩko mã toto. Otarame, “Ajohpe, Ritonõpo osenepopyra nase oya,” ãko mã toto.

Exutu 6:12

Yrome ynara tykase Moeze Ritonõpo a: — Izyraeu tõ jomiry etary se pyra toehse. Mokaro motye jomiry etary se pyra tuisa exĩko mana. Tupime jotururu ya roropa.

Exutu 6:30

Yrome Moeze a tozuhse. Ynara tykase ynororo: — Ritonõpo, tupime ya jotururu. Otãto jomiry etãko tuisa nae?

Jeremia 1:6

Mame ynara tykase ywy: — Ritonõpo, yna Esemy, jotururu waro pyra ase, poetome ro jexiryke.

Mikeja 6:4

Kuenepyatose Ejitu poe, kypynanopyatose imehnõ namotome awahtao xine. Moeze tõ aropoase, Arão maro, Miriã maro roropa aarotohkõme ona tonorẽ kuroko.

Atos 7:22

Ejitu põkomo a tamorepase ynororo itamurume. Tõtururu waro toehse. Emese kure toehse roropa ynororo otyro riry poko.

2 Korĩtiu 10:10

Ynara ãko matose otarame: “Orẽpyrahxo Pauru kuurutorỹko mana pape ae rokene. Yrome taro kymaro xine tahtao opore pyra mana, jamihme pyra exikety samo. Oty kara aomiry mana,” ãko matose otarame.

2 Korĩtiu 11:6

Otarãme emese kure hkopyra ase jotururu poko repe. Yrome Ritonõpo omiry warohxo ywy. Ritonõpo waro yna ehtoh waro matose tonese yna exiryke oya xine kokoro rokene emero rokẽ poko yna ahtao.