Exutu 3:4 - Ritonõpo Omiry: A Bíblia Sagrada na língua Aparai do Brasil

⁴ Morarame enese toytose Moeze. Ameke pyra toehse ynororo ahtao taomirose Ritonõpo a pika wino. Ynara tykase ynororo: — Moeze! Moeze! — Taro ase, tykase Moeze.

Exutu 3:4 ပူးပေါင်းရင်းမြစ်များ

Jenexi 22:1

Morarame Aparão tukuhse Ritonõpo a. Esety ae tykohmase ynororo: — Aparão! tykase eya. — Taro ase, tykase ynororo.

Jenexi 22:11

Yrome kapu ae tõmitase Ritonõpo nenyokyhpyry: — Aparão! Aparão! — Taro ase, tykase ynororo.

Jenexi 28:16

Mame typakase ropa Jako ahtao ynara tykase: “Ajohpe pyra Ritonõpo nase taro. Zuaro pyra akene.”

Jenexi 46:2

Morarame moro koko tao tõsenepose Ritonõpo eya, tõturuse ynororo eya, ynara tykase: — Jako, Jako! — Taro ase, tykase ynororo.

Saumu 62:11

Ynara tykase Ritonõpo ynetaryme: “Ywy ro rokẽ jamihme ase,

Exutu 19:3

Mame ypy pona tõnuhse Moeze oseporyse Ritonõpo maro. Ypy emory poe tykohmase ynororo Ritonõpo Izyraeu tõ Esemy a. Ynara tykase ynororo: — Oturuko Jako pakomotyamo a, Izyraeu tomo a. Ynara kaxiko:

Exutu 3:2

Moroto tõsenepose Ritonõpo nenyokyhpyry Moeze a, apoto samo. Pika zatyry tonese Moeze a tororo ãko, yrome ezehpyra kynexine.

Exutu 33:12

Ynara tykase Moeze Ritonõpo a: — Zae turuse ywy oya moxiã imoihmãkõ arotohme onekarohpyry pona. Yrome onoky ymaro ytõko nae? Mokyro onekaropyra ro mase ya. Juarohxo oehtoh mekaroase. Azamaro jehtoh roropa ekarõko mase.

Exutu 4:5

Mame ynara tykase Ritonõpo: — Morara tyriko Izyraeu tõ neneryme tuaro toto ehtohme Ritonõpo itamurukõ Esẽkõ, Aparão Esemy te, Izake te, Jako enara Esẽkõ nosenepoase oya.

Rewitiku 1:1

Morarame Moeze tykohmase Ritonõpo a tymaro Oximõtoh Kurã tae, ynara tyripotohme

Atos 10:13

Morarame omi ynara tykase: — Mokaro etapako õtyme, tykase Peturu a.

Atos 10:3

Morarame Koneriu a Ritonõpo nenyokyhpyry tonese tõsenety, xixi tywykahme ahtao. Morarame ynara tykase sã ynororo eya: — Koneriu, tykase.

Atos 9:4

Nono pona toepukase ynororo. Omi totase roropa eya. Ynara tykase: — Sauru, Sauru, oty katohme yyryhmãko mah, ypoetory tõ ryhmãko? Sam kamexipõko mase ya, tykase.

Teuteronomiu 33:16

Inonorykõ kure rokẽ tyriko, Ritonõpo, emero epo exiketõ roropa, kure rokẽ ehtoh ekaroko, emero, eya xine! Mame Ritonõpo, aosenepohpyry omoxino zahkety panõ htae, kure rokẽ toto tyriko! Ah morohne kurãkõ emero kure oehtoh nexĩ Joze ekyry tomo a, imehxo Joze toehse exiryke turui tõ motye!

1 Samueu 3:10

Mame tykohmazomose ropa Samueu Ritonõpo a: — Aimo, Samueu, tykase. — Ỹ, oturuko. Oetãko ase, tykase ynororo Ritonõpo a.

1 Samueu 3:4

Mame tykohmase Ritonõpo a: — Samueu, Samueu, tykase. — Tãse, tykase, Samueu a tozuhse.

1 Samueu 3:6

Morarame tykohmase ropa Ritonõpo a: — Aimo, Samueu, tykase Ritonõpo. Mame towõse ropa Samueu. Toytose Eri nyhtoh taka ropa. Ynara tykase: — Kykohmano. Taro ase. Oty se hma? tykase ynororo Eri a. Yrome tozuhse ropa Eri a: — Okohmara akene, tykase Eri. — Onyhta, tykase Samueu a.

1 Samueu 3:8

Mame oseruao ehtoh po tykohmase ropa Samueu Ritonõpo a: — Aimo, Samueu, tykase ropa Ritonõpo. Mame towõse ropa Samueu. Toytose ropa ynororo Eri nyhtoh taka. — Kykohmã tokoh ro? tykase ynororo, tõturupose Eri a. Mame tonetupuhse Eri Ritonõpo omiry poko, Samueu kohmãko Ritonõpo nexiase.