Exutu 24:3 - Ritonõpo Omiry: A Bíblia Sagrada na língua Aparai do Brasil

³ Imoihmãkõ zuruse toytose Moeze, Ritonõpo omihpyry emero, inyripohpyry roropa. Mame ynara tykase Izyraeu tõ oximõme: — Ritonõpo omihpyry emero omipona exĩko ynanase.

Exutu 24:3 ပူးပေါင်းရင်းမြစ်များ

2 Koronika 15:14

Mame opore tõsekarose toto Ritonõpo Tosẽkõ netaryme, tõmihpyrykõ omipona toexirykõ poko, jũme. Moromeĩpo tykohtase toto, tãkye toexirykõke, rueimo totose roropa eya xine.

2 Koronika 15:15

Mokaro Juta tomo atãkyemãko toh kynexine tõmihpyrykõ ekaroryke Ritonõpo a. Tõsekarose toto eya zae ehtoh poko se toexirykõke. Ritonõpo tupise eya xine aomiry omipona toehtohkõme, tõsenepose ynororo eya xine, osepeme tyrise roropa toto eya tykatonomory tõ imeimehnõ ahno tõ maro.

Saumu 50:5

Ynara ãko mana: “Jomiry omipona exiketõ enehpoko ya, tõmihpyrykõ etahpõkomo ya, mame moro enetupuhtohme tokykõ tyahkase eya xine tynekaroryme ya.”

Exutu 19:8

Mame ynara tykase toto oximõme: — Ritonõpo nyripohpyry rĩko ynanase emero porehme. Mame toto omihpyry tarose Moeze a Ritonõpo a.

Exutu 24:2

Omoro rokẽ, Moeze, upũtokoxi oehnõko mase. Mokaro arypyra. Ahno tõ imoihmãkõ onuhpyra tyripoko toto ypy pona.

Exutu 24:7

Mame Ritonõpo papẽ tapoise eya, moro poko tymerose Ritonõpo omihpyry te, inyripohpyry, enara. Moro pape tysekeremase eya imoihmãkõ netaryme. Ynara tykase toto: — Ritonõpo Kuesẽkõ omiry omipona exĩko ynanase, inyripohpyry rĩko ynanase porehme.

Jeremia 11:4

Sero ynetapohpyry yroro mana, ynetapohpyry atamurukomo a toto enepyryhtao ya Ejitu poe; moroto kynexine apoto ẽ kurimene ritoh sã eya xine zemime exikety samo. Toto zurune: “Jomiry omipona awahtao xine emero porehme, ynyripohpyry omipona, ypoetoryme exĩko matose, Oesẽkõme exĩko ase.

Ajeu 2:5

Ynetapohpyry ae ro ypoetory tomo a, tarose toto ahtao ya Ejitu poe Juzenu amaro xine exikehpyra mana. Naeroro enaromyra ehtoko.

Marakia 2:10

Ajohpe pyra kumykõ toiro rokẽ mana. Toiro Ritonõpo a kymarokõ tyrise emero! Morara exiryke oty katohme imehnõ enekunohnõko sytatou? Ritonõpo netapohpyry kytamurukomo a ihtomãko sã sytatose.

Teuteronomiu 11:1

Ynara tykase Moeze ahno a: — Ritonõpo Oesẽkõ pyno ehtoko, Aomiry omipona exikehpyra ehtoko.

Teuteronomiu 4:1

Mame ynara tykase Moeze Izyraeu tomo a: — Ritonõpo omihpyry omipona ehtoko, inyripohpyry tõ roropa emero. Morohne ekarõko ase oya xine seromaroro isene oehtohkõme, Ritonõpo, kytamurukõ Esẽ nekarory, apoitohme roropa oya xine oesarykõme.

Teuteronomiu 4:45

aomihpyry te, inyripohpyry tomo te, inamorepatopõpyry tõ maro. Moro nexiase toesyryhmase Izyraeu tõ ahtao Ejitu poe

Teuteronomiu 4:5

— Ritonõpo, Jesẽ nyripohpyry ae ro ya, kuamorepatose Aomihpyry poko te, inyripohpyry tõ poko roropa, morohne omipona oehtohkõme toeporehkase awahtao xine moro nono pona, nono apoitohme oesarykõme.

Teuteronomiu 5:1

Mame Izyraeu tõ tykohmase Moeze a toto zurutohme, ynara tykase: — Izyraeu tomo, otato ehtoko Ritonõpo Omihpyry poko, Inyripohpyry tõ poko, ynekarory poko oya xine, seroae. Atamorepatoko sero Aomiry poko, yronymyryme aomipona oehtohkõme.

Teuteronomiu 5:31

Yrome taro ymaro exiko, ynyripohpyry tõ ekarõko ase oya tyripotohme eya xine. Jomiry poko toto amorepako jomihpyry omipona toto ehtohme ynekarory pona eya xine esarykõme.”

Teuteronomiu 6:1

Tõturuse Moeze Izyraeu tomo a. Ynara tykase: — Senohne Ritonõpo Kuesẽkõ omihpyry, inyripohpyry tõ ya amorepatohme oya xine. Morara exiryke aomihpyry omipona ehtoko moro nono pona toeporehkase awahtao xine, apoitohme oesarykõme.

Jozue 24:21

Jozue tozuhse imoihmãkomo a, ynara tykase toto: — Arypyra! Ritonõpo Kuesẽkõ omipona se rokẽ ynanase.

Jozue 24:22

Ynara tykase Jozue eya xine: — Amarokõ enenanõme matose, etananõme roropa matose. Ritonõpo tymenekase oya xine Oesẽkõme, aomipona oehtohkõme. — Ỹ, enenanõme ynanase! tykase toto.

Jozue 24:24

Ynara tykase imoihmãkõ Jozue a: — Ỹme ynanase, Ritonõpo Kuesẽkõ poetoryme. Inyripohpyry omipona ynanase exĩko ipunaka.