Exutu 22:2 - Ritonõpo Omiry: A Bíblia Sagrada na língua Aparai do Brasil

^2-4 Omato a tomatonanohtopõpyry epehmapoko. Epehmatoh pyra ynororo ahtao, tokamosẽme exĩko mã ynororo namotome, inapoihpyry epehmatohme. Okyno tomatonanohse ahtao, pui te, jumẽtu te, kaneru tõkehko, tonese ropa ahtao isene ro omato emahpo, epehmapoko asakoro, toiro tapoise eya ahtao. — Omato tapoise ahtao koko, aematonaryhtao, totapase ynororo ahtao, etapahpõ zae ro ekarõko matose, omato etapatopõpyry poko. Yrome saereme ahtao etapahpõ ekarõko matose ikarimotahpyryme.

Exutu 22:2 ပူးပေါင်းရင်းမြစ်များ

Jo 24:14

Ahno etapane owõnõko mana tõmehse ahtao tytineruke pyra exiketõ etapatohme. Mame tykohmãse ahtao omatome exĩko mana.

Jo 24:16

Koko, imehnõ tapyĩ taka omõnõko omato kõ mana. Ytoytopyra mã toto saereme ahtao, saereme ehtoh se pyra toexirykõke.

Jo 30:5

Taropose toh nexiase ahno a, ikohtary ke omato tõ aropory samo.

Jeremia 2:34

Oupõkõ tyxikuromase tymõkomokãkara munuru ke oryhmapitopyra exiketõ munuru ke roropa. — Yrome ynara ãko mã ypoetory tomo:

Ozeja 7:1

— Izyraeu tõ kurãkary se ropa ase repe, tymõkomoke toto ehtohme ropa, yrome iirypyrykõ rokẽ enẽko ase, popyra toto ehtopo. Ajohpe mã toto, omatome roropa, imehnõ tapyĩ taka omõnõko mã toto ematonanohse. Jarao, osema tao imehnõ ryhmãko mã toto, ematonanohtohme tyya xine.

Joeu 2:9

Xiaxiake tururume ytõko mã toto pata poro. Apuru tõ pona onuhnõko mã toto tapyi tõ taka. Osenuhmatoh ae omõnõko mã toto, omato kõ samo.

Numeru 35:27

mame aorihtyã mỹpone a tõseporyse ahtao mokyro totapasẽme exĩko mana. Mokyro etaparyhtao eya zae ro mana. Onuãnohpyra matose.

Mateu 24:43

Etatoko pahne, omato oepyry poko zuaro tapyi esẽ ahtao nyhpyra mana, tytapyĩ taka omõpyra omato ehtohme, tymõkomory onematonanohpyra roropa omato ehtohme.

1 Tesaronika 5:2

Omato oepyry sã, Kuesẽkõ oepyry mana. Tokare pyra oehnõko mana.

1 Peturu 4:15

Imehnõ onetapara ehtoko. Imehnõ mõkomory onematonanohpyra ehtoko. Imehnõ onyryhmara ehtoko. Imepỹ ehtoh poko pyra ehtoko. Morohne poko pyra awahtao xine, zae matose otuarimaporykohtao ro imehnomo a.