Exutu 20:1 - Ritonõpo Omiry: A Bíblia Sagrada na língua Aparai do Brasil

¹ Ritonõpo tõturuse. Ynara tykase ynororo:

Exutu 20:1 ပူးပေါင်းရင်းမြစ်များ

Neemia 9:13

Ypy Xinai pona tyhtose omoro, kapu ae Opoetory tõ zurutohme. Õmihpyry kurã mekaroase eya xine zae ehtoh poko tamorepase toto oya.

Exutu 19:25

Naeroro tyhtose ropa Moeze imoihmãkomo a. Turuse toto emero Ritonõpo omihpyry.

Exutu 20:2

— Ywy ase Ritonõpo Oesẽkomo. Kuenepyatose Ejitu poe, imehnõ namotome awahtao xine.

Atos 7:38

Moeze mokyro Ritonõpo poetory amorepahpono ahno esao pyra. Ritonõpo nenyokyhpyry maro roropa kynexine ypy po, Xinai po. Imaro tõturuse ynororo moro ypy po kytamurukõ netaryme. Eya Ritonõpo omiry tymerose, kyya xine ekarotohme roropa.

Atos 7:53

Ritonõpo a tõmiry tokarose oya xine inenyokyhpyry tomo a repe. Yrome aomipona pyra matose, tykase Exitewão eya xine.

Teuteronomiu 10:4

Mame tynyripohpyry tõ omame porehme tymerose ropa Ritonõpo Kuesẽkomo a moro topu pipahmã pokona, tynyrihpyry saaro osemazuhme. Yroro inymerohpyry nexiase, inekarohpyry sã oya xine, apoto htae tõturuse ynororo ahtao ypy po oximõme awahtao xine ẽpataka. Moro topu tõ tokarose Ritonõpo a ya,

Teuteronomiu 4:33

Ahno nae isene ro exiketomo, ritõ etaryhtao eya xine aotururuhtao apoto poe? Morara toehse oya xine?

Teuteronomiu 4:36

Ãmorepatohkõme tõturuse Ritonõpo kapu poe, sero nono po apoto konõto tonepose oya xine. Mame apoto htae tõturuse amaro xine.

Teuteronomiu 5:22

— Morohne Ritonõpo nekarohpyry Izyraeu tomo a ypy Xinai myhto toto ahtao. Apoto htae, akurũ xinukutumã htae tõturuse ynororo opore. Morohne inyripohpyry tõ rokene, imepỹ onyripopyra nexiase. Mame morohne tymerose eya topu pipahmã pokona ekarotohme ya, tykase Moeze.

Teuteronomiu 5:4

Apoto htae Ritonõpo Kuesẽkõ tõturuse kymaro xine osẽpataka ypy po.

Teuteronomiu 5:6

“Ywy, Ritonõpo Oesẽkõme ase. Kuenepyatose Ejitu poe, moroto imehnõ namotome awahtao xine.