Exutu 2:18 - Ritonõpo Omiry: A Bíblia Sagrada na língua Aparai do Brasil

¹⁸ Mame toytose ropa toto tumykomo a. Jũkõ tõturupose eya xine: — Oty katohme axĩ moehtou ropa, kohmãpyra ahtao ro seroae? tykase.

Exutu 2:18 ပူးပေါင်းရင်းမြစ်များ

Exutu 2:19

— Orutua tooehse, Ejitu pono. Eya towomase yna imehnõ toky tõ nahpananõ winoino. Tuna tanỹse eya yna okurume, yna eky tõ okurume roropa, tykase toto.

Exutu 3:1

Moroto toerohse Moeze, tymeretamuru eky tõ poko. Imeretamuru, Jetoro, Ritonõpo maro oturuketyme kynexine Mitiã po. Eky tõ tynahpase eya, kaneru tomo, poti tõ maro. Mame toto tarose Moeze a mya ona poro, ypy Xinai myhtokoxi. Moro ypy tymenekase Ritonõpo a, tosaryme ehtohme kurãme.

Exutu 4:18

Mame toytose Moeze tymeretamuru, Jetoro tapyĩ taka. Ynara tykase: — Ytoxi Ejitu pona ropa wekyry tõ enese. Toto enery se ase isene ro toto ahtao. — Ỹ, kure rokẽ ytoko, tykase Jetoro.

Numeru 10:29

Mame ynara tykase Moeze tokono a, Hopape a, Jetoro mũkuru, Mitiã pono: — Ytõko ynanase Ritonõpo nekarory pona. Inetapohpyry ae kure rokẽ Izyraeu tõ rĩko mana tymõkomoke itamurume toto ehtohme. Naeroro yna maro eropa, Ritonõpo a yna riryhtao kure, kure orĩko roropa ynanase.

Numeru 19:20

— Yrome nuriame toehse ahno ahtao, mame ekurikara mokyro ahtao nuriame exikehpyra mana epona tuna ekurikatoh onemara exiryke. Mokyro Ritonõpo Tapyĩ Kurã nuriame tyrĩko mana. Naeroro mokyro taroposẽme exĩko mana Izyraeu tõ winoino.

João 9:12

— Otoko mokyro nae? tykase toto. — Kũ, zuaro pyra ase, tykase tonuremỹpokara eya xine.