Exutu 18:4 - Ritonõpo Omiry: A Bíblia Sagrada na língua Aparai do Brasil

⁴ Zakorõ esety Erieze kynexine ynara karyke Moeze a: “Ritonõpo, Papa Esemy a takorehmase ywy jetapara Ejitu tõ tuisary ehtohme,” katopo.

Exutu 18:4 ပူးပေါင်းရင်းမြစ်များ

Jenexi 49:25

Ritonõpo, omy Esẽ, ãkorehmãko mana, jamihmehxo Exikety kure rokẽ orĩko mana. Kapu ae kurãkõ ekarõko mana. Tuna kurohtae kurãkõ ekarõko mana. Oeky tõ tuhke ekarõko mana. Opoenõ roropa ekarõko mana tuhke.

1 Koronika 23:15

Moeze asakoro tumũkue kynexine: Jeresõ, Erieze, enara.

1 Koronika 23:17

Erieze toiro rokẽ tumũkue kynexine, esety Reapia, yrome Reapia tuhke tumũkue kynexine, typakõke roropa kynexine.

Saumu 18:1

Ritonõpo Jesemy, opyno ase ipunaka! Omoro mase jewomaneme.

Saumu 18:48

ypynanohnõko mana yzehno exiketõ poe. Omoro, Ritonõpo, orẽpyra jyrĩko mase, yzehnotokõ poremãkaneme, jewomãko mase yyryhmary se imehnõ ahtao.

Saumu 34:4

Tõturuse ywy Kuesẽkomo a jakorehmatohme, mame tozuhse ywy eya; typynanohse ywy joserehtopõpyry tõ poe.

Saumu 46:1

Kuewomanekõme Ritonõpo mana, kyjamitunurukõme roropa mana. Ameke pyra exiryke kuakorehmatorỹko mana popyra ehtoh toehse ahtao.

Exutu 10:28

Ynara tykase ynororo Moeze a: — Epo hnae! Esyryhmako taroino! Jũme oehpyra ropa exiko tarona! Tooehse ropa awahtao orihnõko mase!

Exutu 2:15

Mame zuaro toehse Ejitu tõ esẽ ahtao Moeze nyrihpyry poko, etapary se toehse ynororo, yrome toepase Moeze Ejitu poe Mitiã pona, moroto ehse. Jetoro, Ritonõpo maro oturuketyme kynexine Mitiã po. Tõxike kynexine ynororo 7me, nohpo tomo. Morarame Moeze typorohse kynexine tuna eutary pũto. Mokaro nohpo tõ tooehse tuna anỹse toky tõ ohpatoh pehkatohme, kaneru tõ ohpatohme poti tõ maro, tumykõ eky tomo.

Exutu 2:22

Mame toemũkuase Moeze ahtao, tumũkuru tosehpase eya Jeresõme. Ynara tykase ynororo: — Katonõme ase taro imehnõ nonory po.

Exutu 4:20

Mame typyty tyrise Moeze a jumẽtu pona, tumũkuru tõ roropa. Toytopitose ropa toto Ejitu pona. Tymyxiry tarose Moeze a tomahpo, Ritonõpo naropohpyry.

Tanieu 6:22

Ritonõpo Jesemy a tynenyokyhpyry tonehpose reão tõ mytary apurutohme jesekara toto ehtohme. Morara tyrise eya zae jehtoh waro toexiryke, imehnõ onyryhmara jexiryke roropa, tykase Tanieu tuisa a.

Atos 12:11

Morarame Peturu tutuarõtase ropa: — Ritonõpo nenyokyhpyry tokoh jutũtanohno ropa. Ohkato! Erote tomo a jetaparyino, tykase Peturu tukurohtao.

Atos 7:29

Morara kary etaryke tyya toepase Moeze Mitiã pona. Tõsesarise ynororo moero, katonõme, toemũkuase asakoro.

2 Timoteu 4:17

Yrome Kuesẽkõ jurumekara ymaro monexiano. Yjamihtanopyase Jezu Kyrixtu poko ekarotohme juteutõkara a. Typynanohse Kuesẽkomo a jexiryke jeatãpyra toh kynexine.

Epereu 11:34

Apotoimo tozehkapose eya xine te, tõsepynanohse roropa toto zehnotokõ toto wory se ahtao. Jamihme pyra toh kynexine repe, yrome jamihme toehse toto. Orẽpyra toehse toto zehnotokõ soutatu maro toto osetaparyhtao. Mokaro soutatu tõ typoremãkapose eya xine.

Epereu 13:6

Naeroro oserehpyra sehtone. Ynara sykatone: “Jakorehmaneme Kuesẽkõ mana. Naeroro oserehpyra ase. Yyryhmananõ zuno pyra ase roropa.”